નવી દિલ્‍હીઃ હરિયાણાના ચરખી દાદરીમાં ગૌમાંસ ખાવાની શંકામાં એક યુવકને માર મારવામાં આવ્યો હતો. ઘટના 27મી ઓગસ્ટની છે. આ ઘટનાનો એક વીડિયો પણ સામે આવ્યો હતો, જેમાં કેટલાક લોકો યુવકને લાકડીઓથી મારતા હતા. બહુજન સમાજ પાર્ટીના રાષ્ટ્રીય અધ્યક્ષ માયાવતીએ આ ઘટના પર નારાજગી વ્યક્ત કરી છે.

માયાવતીએ ‘X’ પર લખ્યું, “મોબ લિંચિંગનો રોગ ખતમ થવાનું નામ નથી લઈ રહ્યોં.” તાજેતરની ઘટનામાં, હરિયાણાના ચરખી દાદરીમાં ગૌમાંસ ખાવાની શંકામાં એક ગરીબ યુવકને નિર્દયતાથી માર મારવામાં આવ્યો. તે માનવતાને શરમસાર કરે છે અને કાનુનનું રહસ્ય ઉજાગર કરે છે. આ ખૂબ જ દુઃખદ અને નિંદનીય છે. તેના પર સખત કાર્યવાહી થવી જોઈએ

પોલીસે આ કેસમાં 29 ઓગસ્ટે 7 આરોપીઓની ધરપકડ કરી હતી, જેમાંથી બે સગીર છે. સગીરોને સુધાર ગૃહમાં મોકલી દેવામાં આવ્યા છે. એક વરિષ્ઠ પોલીસ અધિકારીના જણાવ્યા અનુસાર, સાબીર મલિકની 27 ઓગસ્ટે હત્યા કરવામાં આવી હતી. નોંધાયેલા કેસના આધારે, અધિકારીએ કહ્યું કે પાંચ આરોપીઓએ મલિકને બીફ ખાવાની શંકાના આધારે ખાલી પ્લાસ્ટિકની બોટલો વેચવાના બહાને એક દુકાનમાં બોલાવ્યો. ત્યાં તેને ખૂબ માર મારવામાં આવ્યો હતો.

પોલીસે આરોપીઓની ઓળખ અભિષેક, મોહિત, રવિન્દર, કમલજીત અને સાહિલ તરીકે કરી છે. અધિકારીએ કહ્યું કે જ્યારે આરોપીઓ તેને મારતા હતા ત્યારે કેટલાક લોકોએ દરમિયાનગીરી કરી હતી. આ પછી તેઓ સાબીર મલિકને બીજી જગ્યાએ લઈ ગયા અને ત્યાં ફરી તેને માર માર્યો. આ તેના મૃત્યુનું કારણ હતું.પીડિત મલિક ચરખી દાદરી જિલ્લાના બાંદ્રા ગામ પાસેની ઝૂંપડપટ્ટીમાં રહેતો હતો.તે પોતાનું ગુજરાન ચલાવવા માટે પ્લાસ્ટિકના કચરો અને ભંગારનો વ્યાપાર કરતો હતો.