<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Tuesday, 3rd September 2024

હવે માત્ર ૨૫૦ રૂપિયામાં લાંબા ગાળે બની શકશો કરોડપતિ !

મ્‍ફુચ્‍યુઅલ ફંડના નિયમો બદલાવા જઇ રહ્યા છે : ટૂંક સમયમાં લોકો મ્‍યુચ્‍યુઅલ ફંડમાં દર મહિને માત્ર રૂ.૨૫૦ની SIP કરી શકશ

નવી દિલ્‍હી, તા.૩: માર્કેટ રેગ્‍યુલેટર સેબીએ મ્‍યુચ્‍યુઅલ ફંડ દ્વારા રોકાણકારોની સંખ્‍યા વધારવા માટે મોટો નિર્ણય લીધો છે. સેબીના ચેરપર્સન માધબી પુરી બુચે જણાવ્‍યું હતું કે ટૂંક સમયમાં લોકો મ્‍યુચ્‍યુઅલ ફંડમાં દર મહિને માત્ર રૂ. ૨૫૦ની SIP કરી શકશે. તેનો ઉદ્દેશ્‍ય આ યોજનાને વસ્‍તીના વિશાળ વર્ગ સુધી પહોંચાડવાનો અને તેને મ્‍યુચ્‍યુઅલ ફંડ અને રોકાણકારો માટે વધુ સુલભ બનાવવાનો છે.

સીઆઈઆઈની એક ઈવેન્‍ટમાં બોલતા બૂચે કહ્યું કે આ પહેલ મ્‍યુચ્‍યુઅલ ફંડ ઉદ્યોગ સાથે મળીને કરવામાં આવી રહી છે. જેની સાથે રોકાણકારો ૨૫૦ રૂપિયાની માસિક SIPનો લાભ મેળવી શકશે. તેમણે જણાવ્‍યું હતું કે આ પહેલને લાગુ કરવા માટે ઉદ્યોગ એસોસિયેશન ઓફ મ્‍યુચ્‍યુઅલ ફંડ્‍સ ઇન ઇન્‍ડિયા (એએમએફઆઈ) અને ક્ષેત્રના મુખ્‍ય ખેલાડીઓ સાથે ચર્ચા કરી રહ્યું છે.

હવે દર મહિને ૨૫૦ રૂપિયાની SIP સુવિધા

તેમણે કહ્યું કે એ સુનિશ્‍ચિત કરવામાં આવી રહ્યું છે કે ૨૫૦ રૂપિયાની SIPને કેવી રીતે લોકપ્રિય બનાવવી, જેથી તે દરેક માટે સુલભ હોય. અમે તમને જણાવી દઈએ કે, આદિત્‍ય બિરલા સન લાઈફ મ્‍યુચ્‍યુઅલ ફંડે આ રૂ.૨૫૦ SIP ફોર્મેટ બનાવવામાં મુખ્‍ય ભૂમિકા ભજવી છે, જે જો સફળ થશે, તો ભારતમાં કોઈપણ મ્‍યુચ્‍યુઅલ ફંડ હાઉસ દ્વારા આ પ્રકારનું પહેલું હશે.

બૂચ માને છે કે જ્‍યારે લોકો માટે દર મહિને રૂ.૨૫૦ સાથે રોકાણ કરવાનો વિકલ્‍પ ખુલ્લો હશે, ત્‍યારે તેઓ ઉત્‍સાહપૂર્વક ભાગ લેશે, અને ભવિષ્‍યમાં એક મોટું ફંડ ઊભું કરવામાં સક્ષમ બનશે. દર મહિને આશરે ઼૩નું સૂત્ર સમગ્ર વિશ્વમાં લોકોને આશ્‍ચર્યચકિત કરે છે. પરંતુ ભારત માટે આ ‘વિકસિત ભારત'નો માર્ગ છે.

શું SIP દરેક ઘર સુધી પહોંચશે?

માધબી પુરી બુચે જણાવ્‍યું હતું કે મ્‍યુચ્‍યુઅલ ફંડ ઉદ્યોગ આ સંભવિત પરિવર્તન માટે તૈયાર છે, નિયમનકાર અને ઉદ્યોગના હિસ્‍સેદારો વચ્‍ચે સહ-નિર્માણ અને સહયોગના મહત્‍વ પર ભાર મૂકે છે.

નોંધનીય છે કે અત્‍યાર સુધી દર મહિને ઓછામાં ઓછા રૂ. ૫૦૦ની SIP ઉપલબ્‍ધ છે. જ્‍યારે આ કાર્યક્રમમાં, બૂચે રિયલ એસ્‍ટેટ ઇન્‍વેસ્‍ટમેન્‍ટ ટ્રસ્‍ટ (REIT) વિશે ટિપ્‍પણી કરવાનો ઇનકાર કર્યો હતો અને કહ્યું હતું કે આવા એકમોના સરળીકરણ માટે નિયમો છે.

તેણીએ કહ્યું, જો હું REIT પર એક શબ્‍દ પણ બોલીશ તો મારા પર હિતોના ટકરાવનો આરોપ લાગશે. બુચે આ વાત એવા સમયે કહી છે જ્‍યારે અમેરિકન શોર્ટ સેલિંગ કંપની હિંડનબર્ગ રિસર્ચ તેના એક રિપોર્ટમાં તેની અને પ્રાઈવેટ ઈક્‍વિટી ફર્મ બ્‍લેકસ્‍ટોન સંબંધિત હિતોના સંભવિત સંઘર્ષ અંગે સવાલો ઉઠાવ્‍યા છે.

(10:29 AM IST)