તા. ૨૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૩ રવિવાર
News of Tuesday, 3rd September 2024
કોંગ્રેસ કુસ્તીબાજ વિનેશ ફોગટને ચૂંટણી મેદાનમાં ઉતારશે ! : ચરખી દાદરી કે જુલાનાથી ટિકિટ અપાઈ તેવી ચર્ચા
કોંગ્રેસ હાઈકમાન્ડ કુસ્તીબાજ વિનેશ ફોગટને હરિયાણાના ચરખી દાદરી અથવા જુલાના વિધાનસભા મતવિસ્તારમાંથી મેદાનમાં ઉતારશે ?

ઓલિમ્પિયન રેસલર વિનેશ ફોગાટની રાજનીતિમાં પ્રવેશને લઈને ઘણી ચર્ચા થઈ રહી છે. છેલ્લા કેટલાક સમયથી એવી ચર્ચા ચાલી રહી છે કે કોંગ્રેસ વિનેશ ફોગટને વિધાનસભા ચૂંટણીમાં ટિકિટ આપી શકે છે. વિનેશ ફોગાટ રાજકીય મેદાનમાં પ્રવેશતાની સાથે જ બ્રજ ભૂષણ શરણ સિંહ વિવાદ પણ ગરમ થઈ શકે છે. લોકસભાની ચૂંટણીમાં પણ આ મુદ્દો જોરશોરથી ઉઠાવવામાં આવ્યો હતો. વિનેશ ફોગટને ટિકિટ મળશે કે નહીં તે આજે કોંગ્રેસ CECની બેઠકમાં સ્પષ્ટ થઈ જશે.
એવા સમાચાર છે કે કોંગ્રેસ હાઈકમાન્ડ કુસ્તીબાજ વિનેશ ફોગટને હરિયાણાના ચરખી દાદરી અથવા જુલાના વિધાનસભા ક્ષેત્રમાંથી ટિકિટ આપી શકે છે. આ બંને બેઠકો પર વિચારણા ચાલી રહી છે. આજે મળનારી કેન્દ્રીય ચૂંટણી સમિતિની બેઠકમાં આ અંગે નિર્ણય લેવામાં આવી શકે છે. ચરખી દાદરીની વધુ ચર્ચા એટલા માટે થાય છે કારણ કે વિનેશ ફોગટ ચરખી દાદરીના બલાલી ગામની રહેવાસી છે.
હરિયાણાના બલાલીની રહેવાસી વિનેશ ફોગાટને પેરિસ ઓલિમ્પિકમાં 50 કિગ્રાની ફાઈનલ મેચના દિવસે ગેરલાયક ઠેરવવામાં આવી હતી. વિનેશ ઓલિમ્પિકમાં ગોલ્ડ મેડલ માટે સ્પર્ધા કરી શકી ન હતી અને તેને ખાલી હાથે પરત ફરવું પડ્યું હતું. ભારત પરત ફર્યા બાદ વિનેશ ફોગાટના સમર્થનમાં રેલી કાઢવામાં આવી હતી.
આ રેલીમાં કોંગ્રેસ સાંસદ દીપેન્દ્ર સિંહ હુડ્ડા સતત તેમની સાથે હતા. ભૂપિન્દર સિંહ હુડ્ડાએ પણ વિનેશ ફોગાટને સન્માનિત કરવાની ઈચ્છા વ્યક્ત કરી હતી. તેમણે કહ્યું હતું કે જો અમારી પાસે હરિયાણામાં એક પણ રાજ્યસભા બેઠક હોત તો અમે વિનેશ ફોગટને તક આપી હોત. આવી સ્થિતિમાં કોંગ્રેસ ફોગટને વિધાનસભા ચૂંટણીમાં ઉતારી શકે તેવી અટકળો લગાવવામાં આવી રહી છે.
હાલમાં, સોમબીર સાંગવાન ચરખી દાદરીથી અપક્ષ ધારાસભ્ય છે. વિનેશ ફોગટની પિતરાઈ બહેન બબીતા ફોગટે પણ ભાજપની ટિકિટ પર ચરખી દાદરી બેઠક પરથી 2019ની વિધાનસભા ચૂંટણી લડી હતી. આ વખતે જો કોંગ્રેસ ચરખી દાદરીથી વિનેશ ફોગટને ટિકિટ આપે છે અને ભાજપ ફરીથી બબીતા ફોગટ પર વિશ્વાસ કરે છે. જેથી બંને બહેનો ચૂંટણી મેદાનમાં સામસામે આવી શકે છે. રાજકારણમાં વિનેશનો ઝુકાવ કોંગ્રેસ તરફ રહ્યો છે અને બબીતા ફોગાટ સાથે રાજકીય મતભેદો સમયાંતરે જોવા મળ્યા છે
(7:22 PM IST)









છેલ્લા 8 દિવસમાં સૌથી લોકપ્રિય 
