છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
ભારતમાં પ્રદૂષણને કારણે ઉપજ ૧૫% ઘટી શકે છે
આબોહવા પરિવર્તન, જંગલની આગ અને પ્રદૂષણ આરોગ્ય અને કળષિ પર પ્રતિકૂળ અસર કરી રહ્યા છે : રિપોર્ટમાં ચોંકાવનારો ઘટસ્ફોટ હવામાં ફેલાતા ઝેરથી દર વર્ષે ૪૫ લાખથી વધુ લોકોના મોત થાય છે અને પાકની ઉપજમાં ૧૫ ટકા સુધીનો ઘટાડો થઈ શકે છે
નવી દિલ્હી, તા.૬: હવામાન પરિવર્તન, જંગલોમાં લાગેલી આગ અને પ્રદૂષણને કારણે આરોગ્યની સાથે ખેતીને પણ અસર થઈ રહી છે. વર્લ્ડ મેટ્રોલોજીકલ ઓર્ગેનાઈઝેશન (WMO) એ પોતાના તાજેતરના રિપોર્ટમાં આ દાવો કર્યો છે. આ રિપોર્ટ બ્લુ સ્કાઈઝ માટે સ્વચ્છ હવાના આંતરરાષ્ટ્રીય દિવસના અવસર પર બહાર પાડવામાં આવ્યો છે. રિપોર્ટ અનુસાર, હવામાં ઓગળેલું ઝેર વિશ્વભરમાં દર વર્ષે ૪૫ લાખથી વધુ મળત્યુનું કારણ છે. તે જ સમયે, તે અર્થતંત્રને પણ ભારે ફટકો આપી રહ્યો છે. અહેવાલ મુજબ, પ્રદૂષણના સૂક્ષ્મ કણો એવા વિસ્તારોમાં પાકની ઉપજને ઘટાડી શકે છે જ્યાં ઉત્પાદન લોકોને ખવડાવવા માટે નિર્ણાયક છે. ભારત, પાકિસ્તાન, ચીન, મધ્ય આફ્રિકા અને દક્ષિણપૂર્વ એશિયામાં આ સમસ્યા વધુ ગંભીર છે. આને સમસ્યાના હોટ સ્પોટ તરીકે ઓળખવામાં આવ્યા છે.
ભારત અને ચીનમાં હાથ ધરવામાં આવેલા પરીક્ષણો દર્શાવે છે કે પ્રદૂષણના સૂક્ષ્મ કણો પ્રદૂષિત વિસ્તારોમાં પાકની ઉપજને ૧૫ ટકા સુધી ઘટાડી શકે છે. આ સૂર્યપ્રકાશને પાંદડા સુધી પહોંચતા અટકાવે છે. આ સાથે, પાંદડા પરના નાના છિદ્રો બંધ થઈ જાય છે. આ છિદ્રો છોડને કાર્બન ડાયોક્સાઇડ લેવામાં અને વરાળ છોડવામાં મદદ કરે છે.
રિપોર્ટમાં એમ પણ કહેવામાં આવ્યું છે કે ખેતી ઘણા પ્રકારના સૂક્ષ્મ કણોના પ્રદૂષણમાં પણ ફાળો આપે છે. સ્ટબલ સળગાવવા, ખાતર અને જંતુનાશકોનો ઉપયોગ, જમીનની ખેડાણ, લણણી અને સંગ્રહ વગેરેને કારણે આ કણો નોંધપાત્ર રીતે વધે છે. આને રોકવા માટે, રિપોર્ટમાં કહેવામાં આવ્યું છે કે ખેતીની જમીન પર વળક્ષો અને છોડો વાવવાથી આ સમસ્યા ઓછી થશે. આનાથી કાર્બનનો સંગ્રહ કરવામાં મદદ મળશે.
ડબલ્યુએમઓના ડેપ્યુટી સેક્રેટરી કો બેરેટના જણાવ્યા અનુસાર, આબોહવા પરિવર્તન અને હવાની ગુણવત્તા એકબીજા સાથે જોડાયેલા છે. ૨૦૨૪ના પ્રથમ આઠ મહિનામાં જે ટ્રેન્ડ જોવા મળી રહ્યો છે તે ચિંતાજનક છે. ભારે ગરમી અને સતત દુષ્કાળને કારણે જંગલમાં આગ અને પ્રદૂષણનું જોખમ વધી ગયું છે.
(11:43 AM IST)
