છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
૫ લાખ કરોડ સ્વાહા સેન્સેકસ ૧૦૦૦ પોઇન્ટ તૂટયો
યુએસ જોબ રિપોર્ટ પહેલા સાવચેતી : નીફટી પણ ૨૪૯૦૦ની અંદર : તમામ સેકટર રેડઝોનમાં : દિગ્ગજ શેર્સ તૂટયા : બજારમાં જોરદાર વેચવાલી
મુંબઇ તા. ૬ : આજે સપ્તાહના છેલ્લા ટ્રેડિંગ દિવસે એટલે કે ૬ઠ્ઠી સપ્ટેમ્બરે સેન્સેક્સ ૧૦૦૦ પોઈન્ટ્સ (૧.૨૦%)થી વધુના ઘટાડા સાથે ૮૧,૧૮૦ના સ્તરે ટ્રેડ થઈ રહ્યો છે. નિફટી પણ ૩૦૦ પોઈન્ટ (૧.૨૦%) નીચે છે. ૨૪,૮૫૦ના સ્તરે છે.અમેરિકામાં જોબ રિપોર્ટ પહેલા રોકાણકારો સાવચેતીભર્યું અભિગમ અપનાવી રહ્યા છે. આનાથી નક્કી થશે કે યુએસ ફેડરલ રિઝર્વ વ્યાજદરમાં કેટલો ઘટાડો કરશે. જેના કારણે શેરબજારમાં ઘટાડો જોવા મળી રહ્યો છે. ઘટાડાની અસર તમામ ક્ષેત્રોમાં જોવા મળી રહી છે. સેન્સેક્સની લિસ્ટેડ ૩૦ કંપનીઓમાં સ્ટેટ બેન્ક ઓફ ઈન્ડિયા, અલ્ટ્રાટેક સિમેન્ટ,
રિલાયન્સ ઈન્ડસ્ટ્રીઝ, એનટીપીસી, આઈસીઆઈસીઆઈ બેન્ક અને ટાઈટનના શેરમાં સૌથી વધુ ઘટાડો નોંધાયો હતો. બજાજ ફાઇનાન્સ, બજાજ ફિનસર્વ, હિન્દુસ્તાન યુનિલિવર, એશિયન પેઇન્ટ્સ અને ઇન્ડસઇન્ડ બેન્કના શેરમાં વધારો થયો હતો.
આ લખાય છે ત્યારે સેન્સેક્સ ૯૭૫ પોઈન્ટ ઘટીને ૮૧૨૨૫ તો નિફટી ૨૭૨ ઘટીને ૨૪૮૭૨ ઉપર ટ્રેડ કરે છે
સેન્સેક્સના ૩૦ શેરોમાંથી ૨૬ ઘટી રહ્યા છે અને ૪ વધી રહ્યા છે. નિફટીના ૫૦ શેરોમાંથી ૪૨ ઘટી રહ્યા છે અને ૮ વધી રહ્યા છે. NSEના તમામ ક્ષેત્રીય સૂચકાંકો ઘટાડા સાથે કારોબાર કરી રહ્યા છે. જાહેર ક્ષેત્રની બેંકોના ઇન્ડેક્સમાં ૩%નો ઘટાડો થયો છે.
BSE પર તમામ લિસ્ટેડ કંપનીઓનું માર્કેટ કેપિટલાઇઝેશન રૂ. ૪.૮ લાખ કરોડ ઘટીને રૂ. ૪૬૦.૮૫ લાખ કરોડ થયું છે.
સેન્સેક્સ શેરોમાં, રિલાયન્સ ઇન્ડસ્ટ્રીઝ, SBI, ICICI બેન્ક, L&T, Infosys, ITC, HCL ટેક અને HDFC બેન્ક ઇન્ડેક્સના ઘટાડા પાછળ પ્રાથમિક યોગદાન આપનાર હતા.
સેક્ટર મુજબ, નિફટી પીએસયુ બેંક અને ઓઇલ એન્ડ ગેસ ઇન્ડેક્સમાં ૨% થી વધુનો ઘટાડો થયો છે, જયારે ઓટો, બેંક, મીડિયા, મેટલ અને કન્ઝ્યુમર ડ્યુરેબલ્સ સેક્ટરમાં ૧% થી વધુનો ઘટાડો થયો છે. સ્થાનિક રીતે કેન્દ્રિત સ્મોલ-કેપ્સ ૦.૯% ઘટ્યા, અને મિડ-કેપ્સ ૧.૩% ઘટ્યા.
(2:55 PM IST)
