ઓડિશામાં સત્તા પરિવર્તન બાદ બીજુ જનતા દળને એક પછી એક મોટા આંચકાઓનો સામનો કરવો પડી રહ્યો છે. પહેલેથી જ લોકસભામાં કોઈ સભ્ય નથી, હવે રાજ્યસભામાં પણ એક પછી એક તેમના મિત્રો ભાજપ છોડીને ભાજપમાં જોડાઈ રહ્યા છે.

   અગાઉ રાજ્યસભાના સભ્ય મમતા મહંત, જેઓ આદિવાસી ચહેરો હતા, તેમણે બીજેડી સાથે સંબંધ તોડી નાખ્યા હતા. હવે શુક્રવારે વધુ એક રાજ્યસભાના સભ્યનો બીજેડીથી મોહભંગ થયો છે. બીજેડીના રાજ્યસભાના સભ્ય સુજીત કુમારે પાર્ટીમાંથી રાજીનામું આપી દીધું છે અને ભાજપમાં જોડાઈ ગયા છે.

  તેઓ દિલ્હીમાં કેન્દ્રીય શિક્ષણ પ્રધાન ધર્મેન્દ્ર પ્રધાન, સાંસદ ભર્તૃહરિ મહતાબ, ભાજપના પ્રભારી વિજય પાલ સિંહ તોમર, ભાજપના મહાસચિવ અને ઓડિશાના પૂર્વ પ્રભારી અરુણ સિંહની હાજરીમાં ભાજપમાં જોડાયા હતા

    બીજી તરફ રાજ્યસભાના સભ્ય પદેથી સુજીત કુમારના રાજીનામાના સમાચાર સામે આવતાની સાથે જ બીજેડીના વડા નવીન પટનાયકે પાર્ટીમાંથી હાંકી કાઢવાની જાહેરાત કરી હતી. આના થોડા સમય બાદ સુજીત કુમાર નવી દિલ્હીમાં બીજેપી કાર્યાલય પહોંચ્યા અને ભાજપમાં જોડાયા.હતા

    સુજીતનો કાર્યકાળ 2026માં પૂરો થઈ રહ્યો હતો. સુજીતે પોતાનો કાર્યકાળ પૂરો થવાના બે વર્ષ પહેલા રાજ્યસભામાંથી રાજીનામું આપી દીધું છે. મમતા અને સુજીતના રાજીનામા બાદ રાજ્યસભામાં બીજેડીના સભ્યોની સંખ્યા હવે માત્ર 7 રહી ગઈ છે

    ભાજપમાં જોડાયા બાદ સુજીત કુમારે બીજેડી પર આકરા પ્રહારો કર્યા છે. તેમણે કહ્યું કે સામાન્ય ચૂંટણી પહેલા મને ધમકી આપવામાં આવી હતી કે તમને રાજ્યસભામાંથી હટાવી દેવામાં આવશે. તમારી રાજકીય કારકિર્દી ખતમ થઈ જશે.

    રાજ્ય સ્તરના એક નેતાએ કાલાહાંડી ગયા બાદ આ વાત કહી હતી. તેમણે આ વાત મને સીધી રીતે કહી ન હતી, પરંતુ પાર્ટીના અન્ય નેતાઓને કહ્યું હતું. મારી સામે કહેવાની તેની હિંમત નહોતી. ચૂંટણી બાદ મેં પાર્ટી સુપ્રીમોને આ માહિતી આપી હતી. કુમારે કહ્યું કે છેલ્લા દોઢ વર્ષથી પાર્ટીમાં મારી અવગણના કરવામાં આવી રહી છે. એક-બે પક્ષના નેતાઓને ગુલામીમાં ધકેલી દેવામાં આવતા હતા.