News of Saturday, 7th September 2024
પીએમ મોદીથી કોઈ આશા નહીં :બજરંગ પુનિયાએ આપ્યો બ્રિજભૂષણ સિંહને જોરદાર જવાબ - જે વિનેશ ફોગાટે...
બજરંગ પુનિયાએ કહ્યું અમે નાનપણથી જ દેશ માટે લડી રહ્યા છીએ, તેઓ અમને દેશભક્તિ શીખવી રહ્યા છે. જે લોકો છોકરીઓની છેડતી કરે છે વિનેશ ફોગટની ગેરલાયકાતની ઉજવણી કરનારા લોકો શું દેશભક્ત હોઈ શકે?

નવી દિલ્હી : કુસ્તીબાજ બજરંગ પુનિયાએ હરિયાણા વિધાનસભા ચૂંટણી પહેલા શનિવારે (7 સપ્ટેમ્બર) બ્રિજભૂષણ શરણ સિંહના નિવેદન પર એક ઇન્ટરવ્યુમાં પ્રતિક્રિયા આપી છે. બજરંગ પુનિયાએ કહ્યું કે બ્રિજભૂષણ શરણ સિંહની દેશ પ્રત્યેની માનસિકતા છતી થઈ ગઈ છે. આ વિનેશનો મેડલ નહોતો. આ 140 કરોડ ભારતીયોનો મેડલ હતો. કોંગ્રેસના ઉમેદવાર વિનેશ ફોગટની ગેરલાયકાતની ઉજવણી કરનારા લોકો શું દેશભક્ત હોઈ શકે?
આ પહેલા ભાજપના પૂર્વ સાંસદ બ્રિજભૂષણ સિંહે કહ્યું હતું કે તેઓ વિનેશ ફોગાટની અયોગ્યતા પર ખુશ છે. બ્રિજભૂષણ સિંહના જવાબ પર પૂનિયાએ કહ્યું કે અમે નાનપણથી જ દેશ માટે લડતા આવ્યા છીએ, તે અમને દેશભક્તિ શીખવી રહ્યા છે. જે લોકો છોકરીઓની છેડતી કરે છે. પૂનિયાએ કહ્યું કે અમે ક્યારેય જાહેર કર્યું નથી કે કયા રેસલરની છેડતી થઈ છે.
તેણે કહ્યું કે તે ચોરીથી લઈને રાજદ્રોહ સુધીનો હિસ્ટ્રીશીટર છે. તેની માનસિકતા છતી થઈ ગઈ છે. પુનિયાએ વધુમાં કહ્યું કે ભાજપ બ્રિજભૂષણ શરણને સમર્થન આપી રહી છે. હું ચૂંટણી લડી રહ્યો નથી, અમે નક્કી કર્યું હતું કે અમારામાંથી એક જ ચૂંટણી લડશે. હવે પીએમ મોદી પાસેથી કોઈ આશા નથી. મારી વિરુદ્ધ એજન્સીઓનો ઉપયોગ કરવામાં આવ્યો હતો અને ડોપિંગના આરોપમાં મારા પર પ્રતિબંધ મૂકવામાં આવ્યો હતો.
બજરંગ પુનિયાએ વધુમાં કહ્યું કે વિનેશ ફોગાટના ઓલિમ્પિકમાંથી બહાર થયા બાદ તેણે કોંગ્રેસમાં જોડાવાનો નિર્ણય કર્યો. કારણ કે, કોંગ્રેસ અમારા મુશ્કેલ સમયમાં અમારી સાથે હતી. આ સિવાય આમ આદમી પાર્ટી અને અન્ય વિપક્ષી પાર્ટીઓ પણ અમારી સાથે છે.
ભારતીય કુસ્તી મહાસંઘના પૂર્વ પ્રમુખે કહ્યું હતું કે 18 જાન્યુઆરીએ જંતર-મંતર પર પ્રદર્શન થયું ત્યારે ઘણા લોકોએ વિચાર્યું કે કદાચ તેમાં સત્ય છે. મહિલાઓ અને દીકરીઓ સાથે દુષ્કર્મ થયું છે, આજે તેઓ છેતરાયાનો અહેસાસ કરી રહ્યા છે. કુસ્તીબાજોના વિરોધને કારણે ઓલિમ્પિકમાં પણ થોડું નુકસાન થયું, તેની ભરપાઈ કોણ કરશે? બ્રિજ ભૂષણે બજરંગ પુનિયા અને વિનેશ ફોગાટ પર ઘણા આરોપો લગાવ્યા હતા.
(8:46 PM IST)









છેલ્લા 8 દિવસમાં સૌથી લોકપ્રિય 
