News of Monday, 9th September 2024
અદભુત : જીવન બચાવનાર Apple Watch Series 10 આવી ગઈ છે: જુઓ તેની સુવિધાઓ અને કિંમત
મહિનાના અંતમાં 150 થી વધુ દેશોમાં સ્લીપ એપનિયા ડિટેક્શનને સપોર્ટ કરશે.

નવી દિલ્હી :આજે Apple એ તેની નવી iPhone 16 સિરીઝ લૉન્ચ કરી છે. આ સાથે કંપનીએ નવી એપલ વોચ પણ રજૂ કરી છે. ક્યુપરટિનોમાં આયોજિત "ઇટ્સ ગ્લોટાઇમ" ઇવેન્ટમાં, કંપનીએ ઘણા શક્તિશાળી ફીચર્સ સાથે તેના ફ્લેગશિપ સ્માર્ટફોનની સાથે એપલ વૉચ પણ લૉન્ચ કરી છે.
એપલ વોચ સિરીઝ 10 ફીચર્સ સૌ પ્રથમ, Apple Watch Series 10 સાથે, કંપનીએ 3 સૌથી આકર્ષક સ્વાસ્થ્ય સુવિધાઓ રજૂ કરી છે. Apple Watch Series 10 ટાઇટેનિયમ ફિનિશમાં ઉપલબ્ધ હશે. ઘડિયાળમાં ફાસ્ટ ચાર્જિંગ માટે સપોર્ટ આપવામાં આવશે, જેમાં 30 મિનિટના ચાર્જમાં સ્માર્ટવોચ 80 ટકાથી વધુ ચાર્જ થઈ જશે
. કંપનીના જણાવ્યા અનુસાર, Apple Watch Series 10 આ મહિનાના અંતમાં 150 થી વધુ દેશોમાં સ્લીપ એપનિયા ડિટેક્શનને સપોર્ટ કરશે. એપલ વોચમાં આવનારી આ સૌથી મોટી સુવિધા છે અને તે લેટેસ્ટ મોડલ્સ પર ઉપલબ્ધ હશે. સ્લીપ એપનિયા શું છે? આ એક ગંભીર સ્વાસ્થ્ય સમસ્યા છે જેમાં વ્યક્તિ ઊંઘ દરમિયાન વારંવાર શ્વાસ લેવાનું બંધ કરી દે છે. આનાથી ખરાબ ઊંઘ અને દિવસનો થાક, ચીડિયાપણું અને અન્ય સ્વાસ્થ્ય સમસ્યાઓ થાય છે.
Apple Watch Series 10 ની કિંમત $399 થી શરૂ થાય છે અને આ સ્માર્ટવોચ 20 સપ્ટેમ્બરથી ખરીદી માટે ઉપલબ્ધ થશે.
(11:29 PM IST)









છેલ્લા 8 દિવસમાં સૌથી લોકપ્રિય 
