નવી દિલ્હી : કોમ્યુનિસ્ટ પાર્ટી ઓફ ઈન્ડિયા (માર્કસવાદી)ના મહાસચિવ સીતારામ યેચુરીને દિલ્હીના ઓલ ઈન્ડિયા ઈન્સ્ટીટ્યુટ ઓફ મેડિકલ સાયન્સ (AIIMS)માં દાખલ કરવામાં આવ્યા છે, જ્યાં તેમની સારવાર ચાલી રહી છે. યેચુરીની હાલત નાજુક હોવાનું કહેવાય છે. તેમને ICUમાં રાખવામાં આવ્યા છે. તબીબોની ટીમ તેની સ્થિતિ પર નજર રાખી રહી છે. સૂત્રોના જણાવ્યા અનુસાર, CPI(M) નેતાને ઓક્સિજન સપોર્ટની જરૂર છે.

   CPI(M) એ ગયા મંગળવારે એક નિવેદન બહાર પાડ્યું હતું. જેમાં જણાવવામાં આવ્યું હતું કે 72 વર્ષીય સીતારામ યેચુરીને દિલ્હી AIIMSમાં કૃત્રિમ શ્વસન પ્રણાલી પર રાખવામાં આવ્યા છે. તે તીવ્ર શ્વસન માર્ગના ચેપથી પીડિત છે. તેમની એઈમ્સમાં સારવાર ચાલી રહી છે. યેચુરીને ન્યુમોનિયા જેવા છાતીના ચેપની સારવાર માટે 19 ઓગસ્ટે AIIMSમાં દાખલ કરવામાં આવ્યા હતા. તાજેતરમાં મોતિયાની સર્જરી કરાવી હતી 

    તમામ પક્ષોના નેતાઓ અને યેચુરીના સમર્થકો તેમના ઝડપી સ્વસ્થ થવાની કામના કરી રહ્યા છે. તમિલનાડુના મુખ્યમંત્રી એમ.કે. સ્ટાલિને યેચુરીના ઝડપથી સ્વસ્થ થવાની કામના કરી છે. 22 ઓગસ્ટે તેણે સોશિયલ મીડિયા પર 6 મિનિટનો વીડિયો શેર કર્યો હતો. આ વીડિયોમાં તેમણે પશ્ચિમ બંગાળના પૂર્વ મુખ્યમંત્રી બુદ્ધદેવ ભટ્ટાચાર્યના નિધન પર શોક વ્યક્ત કર્યો હતો. તાજેતરમાં સીતારામ યેચુરીની મોતિયાની સર્જરી થઈ હતી.