ટ્રમ્પનો ચૂંટણી માર્ગ મુશ્કેલ : મહિલાઓ કમલા હેરિસને આપી રહી છે સમર્થન
પોપ સિંગર અંગે વિવાદસ્પદ નિવેદન : રિપબ્લિકન નેતા માટે રોષ
વોશિંગ્ટન તા. ૧૯ : અમેરિકી રાષ્ટ્રપતિની ચૂંટણીમાં પ્રસિદ્ધ ગાયિકા ટેલર સ્વિફટ દ્વારા કમલા હેરિસને સમર્થન આપ્યા બાદ ભૂતપૂર્વ રાષ્ટ્રપતિ ડોનાલ્ડ ટ્રમ્પ અને તેમના સમર્થકો દ્વારા આપવામાં આવેલી અભદ્ર પ્રતિક્રિયા બાદ હવે અમેરિકી ચૂંટણીમાં ‘જેન્ડર આઈડેન્ટિટી' મુખ્ય મુદ્દો બની રહી છે. ઉલ્લેખનીય છે કે અમેરિકાના લોકતંત્રના લગભગ ૨૫૦ વર્ષના ઈતિહાસમાં અત્યાર સુધી એક પણ મહિલા રાષ્ટ્રપતિ નથી બની.
ટ્રમ્પ-હેરિસ ચર્ચા પછી, સ્વિફટ દ્વારા કમલાને સમર્થન આપવાથી નારાજ ટ્રમ્પે કહ્યું હતું કે હું ટેલર સ્વિફટના ચાહકોને નફરત કરું છું, જેમના ઇન્સ્ટાગ્રામ પર ૨૮ કરોડ ફોલોઅર્સ છે, તેઓ ટ્રમ્પની ‘નફરત' થી દુઃખી છે. હવે અમેરિકામાં સોશિયલ મીડિયા પર ‘આઈ લવ ટેલર સ્વિફટ' નો ટ્રેન્ડ જોર પકડી રહ્યો છે. તે જ સમયે, અબજોપતિ ઇલોન મસ્કનું સમર્થન કરતા ટ્રમ્પ પણ ‘ચાઇલ્ડલેસ કેટ લેડી' ટેલર સ્વિફટ પર અભદ્ર ટિપ્પણી કરીને સમાચારમાં છે. મસ્કે કહ્યું હતું કે તે ટેલરને એક બાળક આપશે. તીવ્ર ટીકા પછી, મસ્કને હ્ માંથી આ ટિપ્પણી દૂર કરવી પડી. બીજી તરફ અમેરિકાના પૂર્વ વિદેશ મંત્રી હિલેરી ક્લિન્ટને મસ્કની ટિપ્પણીને બળાત્કારની ધમકી ગણાવી છે. આટલું જ નહીં મંગળવારે અમેરિકામાં ‘ડિપોર્ટ મસ્ક' પણ ટ્રેન્ડમાં જોવા મળી હતી.
અમેરિકામાં ચૂંટણીની આગાહી સાથે સંકળાયેલી એક જાણીતી સંસ્થા નેટ સિલ્વરએ કહ્યું છે કે તાજેતરના રાષ્ટ્રીય સર્વેમાં ઉપરાષ્ટ્રપતિ કમલા હેરિસ પૂર્વ રાષ્ટ્રપતિ ડોનાલ્ડ ટ્રમ્પ કરતાં લગભગ ૩% પોઈન્ટથી આગળ છે. હેરિસને ૪૮.૯% મતદારોનું સમર્થન છે અને ટ્રમ્પને ૪૬% મતદારોનું સમર્થન છે, જયારે તાજેતરના CNBC ફેડ સર્વે મુજબ, હેરિસ ૪૧%ની સરખામણીમાં ૪૮% સમર્થન સાથે આગળ છે.
બીજી બાજુ, મહત્વપૂર્ણ સ્વિંગ સ્ટેટ પેન્સિલવેનિયામાં, યુએસએ ટુડે/સફોક યુનિવર્સિટીના ચાલુ સર્વેક્ષણમાં, હેરિસ ટ્રમ્પના ૪૯%ની સરખામણીમાં ૪૬% મતો સાથે આગળ છે.
હેરિસ માટે સ્વિફટીઝ : ૪૦ હજાર ડોલર એકત્ર કર્યા... ટેલર સ્વિફટની સંસ્થા ‘સ્વિફટીઝ ફોર કમલા' એ જાહેરાત કરી છે કે તેઓએ કમલાના ચૂંટણી પ્રચાર માટે ૪૦ હજાર ડોલર એકત્ર કર્યા છે. સંગઠને કહ્યું, આ અભિયાન ત્યારે શરૂ કરવામાં આવ્યું જયારે ટ્રમ્પની ટેલરને નફરત કરતી ટિપ્પણી પ્રકાશમાં આવી.(
(2:02 PM IST)
છેલ્લા 8 દિવસમાં સૌથી લોકપ્રિય 
