<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Saturday, 21st September 2024

કાલે દિલ્હીના નવા મુખ્યમંત્રી આતિશીનો શપથ ગ્રહણ યોજાશે

આતિશીની સાથે પાંચ કેબિનેટ મંત્રીઓ પણ શપથ લેશે: કેબિનેટમાં એક નવા ચહેરાનો સમાવેશ થાય તેવી શકયતા

નવી દિલ્હી : દિલ્હીના નવા મુખ્યમંત્રી આતિશીનો શપથ ગ્રહણ શનિવારે સાંજે 4.30 કલાકે યોજાશે. આતિશીની સાથે પાંચ કેબિનેટ મંત્રીઓ પણ શપથ લેશે. અરવિંદ કેજરીવાલે મંગળવારે સાંજે એલજીને પોતાનું રાજીનામું સુપરત કર્યું હતું અને આતિશીએ સરકાર બનાવવાનો દાવો કર્યો હતો. આતિશીની કેબિનેટમાં કેજરીવાલ સરકારના ચારેય મંત્રીઓને ફરીથી મંત્રી પદ આપવામાં આવી રહ્યું છે.

જ્યારે અનુસૂચિત જાતિ માટે અનામત બેઠકનું પ્રતિનિધિત્વ કરી રહેલા મુકેશ અહલાવત નવો ચહેરો હશે. કેબિનેટમાં હજુ એક જગ્યા ખાલી છે. પાર્ટીમાં આ માટે મંથન ચાલી રહ્યું છે. શપથ ગ્રહણ પહેલા આ પદ માટે નામ પણ મુકાય તેવી શક્યતા છે.

  દિલ્હીમાં ગોપાલ રાય, કૈલાશ ગેહલોત, સૌરભ ભારદ્વાજ અને ઈમરાન હુસૈન કેબિનેટ મંત્રી તરીકે શપથ લેશે. મુકેશ અહલાવત પણ કેબિનેટ મંત્રી તરીકે શપથ લેશે. દિલ્હીને નવા કેબિનેટ મંત્રી મળશે. મુકેશ અહલાવત સુલતાનપુરીના ધારાસભ્ય છે. તેઓ અનુસૂચિત જાતિ વર્ગમાંથી આવે છે. તેઓ રાજકુમાર આનંદનું સ્થાન લેશે.  

 અત્રે ઉલ્લેખનીય છે કે, દિલ્હી સરકારમાં મુખ્યમંત્રી સહિત કુલ છ મંત્રીઓ છે. હવે મુખ્યમંત્રીની સાથે પાંચ મંત્રીઓ શપથ લેશે. એક મંત્રીની જગ્યા હજુ ખાલી છે જેને આતિશીની જગ્યાએ બનાવવામાં આવશે.

   આતિશીના નેતૃત્વમાં રચાનારી નવી સરકારમાં ગોપાલ રાય, કૈલાશ ગેહલોત, સૌરભ ભારદ્વાજ અને ઈમરાન હુસૈન મંત્રી હશે. ચારેય મંત્રીઓ પણ કેજરીવાલ કેબિનેટનો હિસ્સો રહી ચૂક્યા છે. દરેકને તેમના કામ માટે પુરસ્કાર આપવામાં આવ્યો છે. AAP અને આતિષીએ તેની સાથે છેડછાડ કરી નથી. જ્યારે સુલ્તાનપુરીના ધારાસભ્ય મુકેશ અહલાવત તેમની કેબિનેટમાં નવો ચહેરો હશે

 . પ્રથમ વખત ધારાસભ્ય બનેલા મુકેશ સરકારમાં અનુસૂચિત જાતિનું પ્રતિનિધિત્વ કરશે. રાજકુમાર આનંદ કેજરીવાલ કેબિનેટમાં આ જ વર્ગમાંથી આવતા હતા.

(12:37 AM IST)