નવી દિલ્‍હીઃ ક્વોડ દેશોએ મળીને ભારત વિરુદ્ધ સતત ષડયંત્ર રચી રહેલા ચીન અને પાકિસ્તાનને ચેતવણી આપી છે. કવાડના સંયુક્ત નિવેદનમાં 26/11ના મુંબઈ આતંકી હુમલા અને પઠાણકોટ આતંકી હુમલાની નિંદા કરવામાં આવી છે. નિવેદનમાં કહેવામાં આવ્યું છે કે યુએન સુરક્ષા પરિષદની 1276 પ્રતિબંધ સમિતિ દ્વારા હુમલાના ગુનેગારો સામે કડક કાર્યવાહી કરવામાં આવે.

ક્વાડ નેતાઓએ સમાન રીતે આતંકવાદ અને હિંસક કટ્ટરવાદની નિંદા કરી હતી. ચારેય દેશોએ સાથે મળીને આતંકવાદનો સામનો કરવાની તેમની પ્રતિબદ્ધતાનો પુનરોચ્ચાર કર્યો હતો.

કવાડના સંયુક્ત નિવેદનમાં કહેવામાં આવ્યું છે કે, અમે ફરીથી મુંબઈ આતંકવાદી હુમલા અને પઠાણકોટ હુમલાની નિંદા કરીએ છીએ. ક્વાડ વર્કિંગ ગ્રૂપની બેઠકમાં આતંકવાદનો સામનો કરવાના વિષય પર વિગતવાર ચર્ચા કરવામાં આવી હતી.

આ બેઠક ગયા વર્ષે હીનોલુલુમાં યોજાઈ હતી અને આ વખતે નવેમ્બરમાં જાપાનમાં યોજાવાની છે. ભારત હંમેશા પાકિસ્તાનનો અસલી ચહેરો દુનિયા સમક્ષ ઉજાગર કરતું આવ્યું છે. આતંકવાદ પર ભારતનું વલણ હંમેશા કડક રહ્યું છે. આંતરરાષ્ટ્રીય સ્તરે ભારત પાકિસ્તાનની ટીકા કરવામાં કોઈ કસર છોડતું નથી.

ક્વાડની ચોથી મીટિંગ પછી જારી કરાયેલા વિલ્ડિંગ્ટન ઘોષણામાં કહેવામાં આવ્યું છે કે, 'ક્વાડને લીડર-લેવલ ફોર્મેટમાં અપગ્રેડ કર્યાના ચાર વર્ષ પછી, જૂથ પહેલા કરતાં વધુ વ્યૂહાત્મક રીતે એક થઈ ગયું છે.

'વાડ' એ એક સારા હેતુ સાથે રચાયેલું જૂથ છે જે ઈન્ડો-પેસિફિક માટે વાસ્તવિક, હકારાત્મક અને કાયમી અસર છોડે છે. ઘોષણામાં કહેવામાં આવ્યું છે કે, 'અમે એ હકીકતની ઉજવણી કરીએ છીએ કે માત્ર ચાર વર્ષમાં 'કવાડ' એક મહત્વપૂર્ણ અને કાયમી પ્રાદેશિક જૂથ બની ગયું છે જે આવનારા ઘણા દાયકાઓ સુધી ઈન્ડો-પેસિફિકને મજબૂત કરશે.