કાનપુરઃ કાનપુરમાં એક પછી એક ટ્રેનો ઉથલાવી દેવાના કાવતરાના કિસ્સા સામે આવી રહ્યા છે. શનિવારે સવારે માલગાડીને પલટી મારવાનો પ્રયાસ કરવામાં આવ્યો હતો. માલગાડી કાનપુરથી પ્રયાગરત તરફ જઈ રહી હતી. જેવી ટ્રેન પ્રેમપુર સ્ટેશન પર લૂપ લાઇન પર પહોંચી કે તરત જ લોકો પાઇલટ દેવ આનંદ ગુપ્તા અને સહાયક લોકો પાઇલટ સિસિબ સિંહે પાટા પર સિલિન્ડર પડેલો જોયો. 

સિગ્નલ પહેલાં જ ટ્રેક પર સિલિન્ડર મૂકવામાં આવ્યું હતું. તેણે ઝડપથી ઇમરજન્સી બ્રેક લગાવી અને સિલિન્ડર પહેલાં ટ્રેન રોકી હતી. આ પછી સંબંધિત અધિકારીઓને ઘટનાની જાણ કરવામાં આવી હતી. માહિતી મળતાં જ રેલવે IOW, સુરક્ષા દળો અને અન્ય ટીમો ઘટનાસ્થળે પહોંચી હતી. સિલિન્ડરને ચેક કરીને ટ્રેક પરથી હટાવી લેવામાં આવ્યો છે. 

મળતી માહિતી મુજબ, આ ઘટના પ્રેમપુર સ્ટેશન પર સવારે 5:50 વાગ્યે બની હતી. આ સિલિન્ડરની તપાસ કરતાં જાણવા મળ્યું કે તે ખાલી પાંચ લિટરનો સિલિન્ડર હતો, જે સિગ્નલના થોડા સમય પહેલા ટ્રેક પર રાખવામાં આવ્યો હતો. આ ઘટનાની તપાસ કરવા સૂચના આપવામાં આવી છે. ઘટનાસ્થળે અનેક ઉચ્ચ અધિકારીઓ હાજર છે.