મુંબઈ: ભારતીય ટીમનો ઓલરાઉન્ડર હાર્દિક પંડ્યા હાલ રેસ્ટ પર છે. પંડ્યા આ બ્રેકનો ફાયદો લઈને તેના પુત્ર અગસ્ત્યને મળ્યો હતો. નતાશા સ્ટેનકોવિકના છૂટાછેડા પછી પંડ્યાની તેમના પુત્ર સાથે આ પ્રથમ મુલાકાત છે, પંડ્યા તેના પુત્રને જોઈને ખૂબ જ ખુશ દેખાતો હતો. તેના પુત્ર સાથેની તેમની મુલાકાતનો વીડિયો હાલમાં વાયરલ થઈ રહ્યો છે.

નતાશા અને હાર્દિકે કોવિડ દરમિયાન તેમના સંબંધોનો ખુલાસો કર્યો હતો અને પછી તેમને બે વાર લગ્ન કર્યા હતા. એક વખત હિન્દુ રીતરિવાજ મુજબ અને બીજી વખત ખ્રિસ્તી પરંપરા મુજબ. પરંતુ તેમની વચ્ચે વાત વણસી ગઈ અને પરસ્પર સંમતિથી બંનેએ અલગ થવાનો નિર્ણય કર્યો હતો.

છૂટાછેડા પછી પંડ્યા તેના પુત્રથી દૂર હતો. પરંતુ હાલમાં જ તે તેના પુત્રને મળ્યો હતો અને તેના પુત્રને ખોળામાં લઈને ઝૂલાવતો જોવા મળ્યો હતો. હાર્દિક અને અગસ્ત્યનો વીડિયો હાલમાં વાયરલ થઈ રહ્યો છે. આ વીડિયોમાં પંડ્યાની ખુશી સ્પષ્ટ જોઈ શકાય છે. તે અગસ્ત્ય સાથે બીજા બાળકને પોતાના હાથમાં લઈ જઈ રહ્યો છે, જે કદાચ તેના મોટા ભાઈ કૃણાલનું બાળક છે. ત્યારબાદ પંડ્યા તેના પુત્ર સાથે કારમાં બેસીને મસ્તી કરવા લાગે છે. બંને જોર જોરથી હસતા જોવા મળે છે. એક પિતાનો આ વીડિયો મહિનાઓ પછી તેના વિખૂટા પુત્રને મળી રહ્યો છે. પુત્રને મળવાની ચમક પંડ્યાના ચહેરા પર ચમકી રહી છે.