નવી દિલ્હી : અમેરિકા દ્વારા અમેરિકામાં રહેવા અને વસવાટ કરવા અંગે વિચારી રહેલા લોકો માટે ગ્રીન કાર્ડ ખૂબ જ જરૂરી દસ્તાવેજ છે. તેના મારફતે કોઈપણ દેશના નાગરિકને અમેરિકામાં કોઈ પ્રકારની સમસ્યા વગર રહેવાની તક મળે છે. જોકે, ગ્રીન કાર્ડની પણ એક વેલિડિટી ડેટ એટલે કે નિયત તારીખ હોય છે. ત્યારબાદ તેને રિન્યૂ એટલે કે ફરી વખત ઈશ્યુ કરવી પડી હતી.
હકીકતમાં યુનાઈટેડ સ્ટેટ્સ સિટીઝનશિપ એન્ડ ઈમિગ્રેશન સર્વિસ (USCIS)એ ગ્રીન કાર્ડ તરીકે ઓળખાતા સ્થાયી નિવાસી કાર્ડની વેલિડિટી અવધિને વધારવાની જાહેરાત કરી છે .10 સપ્ટેમ્બર,2024થી અમલી બનેલ નવા નિયમને લીધે ફોર્મ I-90 દાખલ કરવાની માન્ય સ્થાયી નિવાસીઓને 36 મહિના સુધી વેલિડિટી મળી છે. ગ્રીન કાર્ડને રિન્યૂ કરવા માટે સ્થાયી નિવાસીઓએ ફોર્મ I-90 ભરવાનું રહે છે.
રિન્યૂની રાહ જોતી વખતે ત્રણ વર્ષ સુધી યુએસમાં રહેવાની તક!
અમેરિકામાં ઈશ્યુ કરાયેલ ગ્રીન કાર્ડ 10 વર્ષ માટે માન્ય હોય છે, ત્યારબાદ તેને રિન્યુ કરાવવાનું હોય છે. વેલિડિટીમાં વધારો થવાથી ગ્રીન કાર્ડ ધારકોને રાહત મળી છે જેમના કાર્ડ કાં તો એક્સપાયર થવાના છે અથવા તો એક્સપાયર થઈ ગયા છે. હવે આ ગ્રીન કાર્ડ ધારકોને રિન્યુઅલની રાહ જોતા પણ ત્રણ વર્ષ સુધી અમેરિકામાં રહેવાની તક મળશે. અગાઉ, ફોર્મ I-90 માટે નોટિસ મળ્યા પછી, માન્યતા 24 મહિના હતી.

અમેરિકી સરકાર દ્વારા ગ્રીન કાર્ડ ધારકોને આપવામાં આવેલી નવી છૂટનો લાભ વ્યાપક પ્રમાણમાં લોકોને મળશે. જે લોકો ગ્રીન કાર્ડ ધરાવે છે તેઓ USની અંદર અને બહાર મુસાફરી કરી શકે છે. જો કે, તેઓએ એક વર્ષથી વધુ સમય માટે દેશની બહાર રહેવું જોઈએ નહીં, કારણ કે આમ કરવાથી તેમનું રહેઠાણ ગુમાવવાનું જોખમ રહેલું છે.
નવા નિયમો હેઠળ એક્સપાયર થયેલા ગ્રીન કાર્ડ અને વેલિડિટી નોટિસને યુએસમાં કાનૂની રહેઠાણના દસ્તાવેજ તરીકે દર્શાવી શકાશે.આ વચગાળાનો દસ્તાવેજ રોજગાર અધિકૃતતાના પુરાવા તરીકે પણ કામ કરે છે જ્યારે અરજદારો તેમના નવા કાર્ડની રાહ જુએ છે.
ગ્રીન કાર્ડ રિન્યુ કરવા માટેની માર્ગદર્શિકા શું છે?
જે લોકોના 10 વર્ષ જૂના કાર્ડની સમયસીમા સમાપ્ત થઈ ગઈ છે અથવા આગામી છ મહિનામાં સમાપ્ત થવા જઈ રહી છે તેવા લોકો માટે ગ્રીન કાર્ડનું નવીકરણ જરૂરી છે. જો કોઈ વ્યક્તિ પાસે શરતો સાથે ગ્રીન કાર્ડ છે, જે નવા નિયમોના અમલની તારીખથી 36 મહિના માટે માન્ય છે, તો તે વ્યક્તિએ કાર્ડની સમાપ્તિ પહેલા શરતોને દૂર કરવા માટે દૂર કરવા માટે અરજી કરવી પડશે. જે લોકો પાસે ગ્રીન કાર્ડ છે જેની એક્સપાયરી ડેટ નથી તેઓએ તેમ છતાં રિન્યુ કરાવવું જોઈએ કારણ કે તેમનું કાર્ડ ઘણું જૂનું હોઈ શકે છે.