બેંગલુરુ: બેંગલુરુમાં સ્પેશિયલ પીપલ્સ કોર્ટે કેન્દ્રીય નાણાં પ્રધાન નિર્મલા સીતારમણ અને અન્ય લોકો સામે ચૂંટણી બોન્ડ દ્વારા કથિત રીતે નાણાંની ઉચાપત કરવા બદલ FIR દાખલ કરવાનો આદેશ આપ્યો છે.

ચૂંટણી બોન્ડ દ્વારા કથિત ધાકધમકી અને ઉપાચત સામે આમ જનઅધિકાર સંઘર્ષ પરિષદ (JSP)ના આદર્શ અય્યરે કેન્દ્રીય મંત્રી નિર્મલા સીતારમણ વિરુદ્ધ કાર્યવાહી કરવા માટે બેંગ્લોરમાં લોક પ્રતિનિધિઓની વિશેષ અદાલતમાં ફરિયાદ દાખલ કરી.

ફરિયાદ સાંભળીને કોર્ટે તિલક નગર પોલીસ સ્ટેશનના અધિકારીઓને ચૂંટણી બોન્ડ દ્વારા કથિત ઉપાચત અંગે એફઆઈઆર નોંધવાનો નિર્દેશ આપ્યો હતો.

ગત એપ્રિલમાં 42મી ACMM કોર્ટમાં દાખલ કરાયેલી ફરિયાદમાં જનઅધિકાર સંઘર્ષ પરિષદે કેન્દ્રીય નાણામંત્રી નિર્મલા સીતારમણ, ED અધિકારીઓ, ભાજપના રાષ્ટ્રીય અધ્યક્ષ જેપી નડ્ડા, ભાજપના રાષ્ટ્રીય નેતાઓ, ભાજપના કર્ણાટકના તત્કાલીન અધ્યક્ષ નલિન કુમાર કાતિલ, BY વિજયેન્દ્ર વિરુદ્ધ ફરિયાદ કરી હતી.

ફરિયાદી આદર્શ અય્યરે 'Ee TV ભારત'ને ફોન પર જણાવ્યું કે, ફરિયાદ પર વિચાર કરતા કોર્ટે બેંગલુરુની તિલક નગર પોલીસને FIR દાખલ કરવાનો નિર્દેશ આપ્યો. ફરિયાદી તરફથી વરિષ્ઠ એડવોકેટ બાલને દલીલો કરી હતી. આ કેસની સુનાવણી 10 ઓક્ટોબર પર મુલતવી રાખવામાં આવી છે. (ઇટીવી ભારત કર્ણાટક માંથી સાભાર)