ઉમર અબ્દુલ્લા જમ્મુ - કાશ્મીરના નવા મુખ્યમંત્રી બન્યા : શપથવિધિ : કોંગ્રેસ સરકારમાં સામેલ નહિ
સુરેન્દ્ર ચૌધરી નાયબ મુખ્યમંત્રી કુલ ૬ પ્રધાનોએ શપથ લીધા : શપથવિધિમાં રાહુલ, પ્રિયંકા, ફારૂક અબ્દુલ્લા, અખીલેશ યાદવ, મહબુબા મુફતી, સંજય સિંઘ વગેરે હાજર રહ્યા
જમ્મુ તા. ૧૬ : નેશનલ કોન્ફરન્સના ઉપાધ્યક્ષ ઓમર અબ્દુલ્લાએ જમ્મુ અને કાશ્મીરના મુખ્યમંત્રી તરીકે શપથ લીધા હતા. શેર-એ-કાશ્મીર ઇન્ટરનેશનલ કન્વેન્શન સેન્ટર ખાતે લેફટનન્ટ ગવર્નર મનોજ સિન્હાએ તેમને શપથ લેવડાવ્યા હતા. જમ્મુ અને કાશ્મીરના મુખ્યમંત્રી તરીકે અબ્દુલ્લાના શપથ ગ્રહણ સમારોહ પહેલા શ્રીનગરમાં લ્ધ્ત્ઘ્ઘ્ અને તેની આસપાસ સુરક્ષા કડક કરવામાં આવી છે. શપથ ગ્રહણ સમારોહ પછી, મુખ્યમંત્રી બપોરે ૩ વાગ્યે સિવિલ સચિવાલયમાં તમામ વહીવટી સચિવોની બેઠકની અધ્યક્ષતા કરશે.
શપથ લેનારા મંત્રીઓમાં સકીના ઇટુ, જાવેદ અહેમદ રાણા, સુરિન્દર ચૌધરી, જાવેદ અહેમદ ડાર અને સતીશ શર્માનો સમાવેશ થાય છે. પાંચ મંત્રીઓમાંથી બે કાશ્મીરના અને ત્રણ જમ્મુના છે. ઓમર અબ્દુલ્લાના આ પગલાને જમ્મુ-કાશ્મીરના બે ક્ષેત્રો વચ્ચે સંતુલન બનાવવાના રૂપમાં જોવામાં આવી રહ્યું છે. ઇટુ અને ડાર બંને પૂર્વ મંત્રી રહી ચૂક્યા છે.
કોંગ્રેસના નેતા અને લોકસભામાં વિરોધ પક્ષના નેતા રાહુલ ગાંધી, કોંગ્રેસના નેતા પ્રિયંકા ગાંધી વાડ્રા, પૂર્વ મુખ્યમંત્રી ફારૂક અબ્દુલ્લા, સમાજવાદી પાર્ટીના વડા અખિલેશ યાદવ, પીડીપીના વડા મહેબૂબા મુફતી, ખ્ખ્ભ્ નેતા સંજય સિંહ, ઘ્ભ્ત્ નેતા ડી રાજા સહિત ભારત- સમારોહમાં ગઠબંધનના અન્ય નેતાઓ હાજર રહ્યા હતા.
કોંગ્રેસના કોઈ નેતાએ આજે શપથ લીધા નથી. સૂત્રોએ જણાવ્યું કે વિધાનસભાની ચૂંટણી એકસાથે લડનાર કોંગ્રેસ મંત્રી પરિષદમાં બે મંત્રાલયની માંગ કરી રહી હતી, પરંતુ સંખ્યા ઓછી હોવાના કારણે તેમને એક જ મંત્રાલય આપવામાં આવ્યું હતું. તેથી પાર્ટી નેતૃત્વએ સરકારનો ભાગ ન બનવાનો નિર્ણય લીધો છે. જો કે સરકાર સાથ આપશે.
જમ્મુ અને કાશ્મીર પ્રદેશ કોંગ્રેસ સમિતિના વડા તારિક હમીદ કારાએ કહ્યું કે કોંગ્રેસ પાર્ટી હાલમાં જમ્મુ અને કાશ્મીર સરકારમાં મંત્રાલયમાં સામેલ થઈ રહી નથી. કોંગ્રેસે કેન્દ્ર સરકાર પાસે જમ્મુ-કાશ્મીરને રાજયનો દરજ્જો આપવાની માંગ કરી છે. તેમણે કહ્યું કે વડાપ્રધાને પણ રેલીઓમાં ઘણી વખત આ વચન આપ્યું હતું. પરંતુ જમ્મુ અને કાશ્મીરને રાજયનો દરજ્જો પુનઃસ્થાપિત કરવામાં આવ્યો નથી.
તેમણે કહ્યું કે અમે કેન્દ્ર સરકારના આ પગલાથી નાખુશ છીએ, તેથી હાલમાં અમે મંત્રાલયમાં જોડાઈ રહ્યા નથી. જેકેપીસીસીના વડાએ કહ્યું અને ઉમેર્યું કે કોંગ્રેસ પાર્ટી રાજયનો દરજ્જો પુનઃસ્થાપિત કરવાની લડાઈ ચાલુ રાખશે.
(3:33 PM IST)
છેલ્લા 8 દિવસમાં સૌથી લોકપ્રિય 
