તા. ૧૮ નવેમ્બર ર૦ર૬ વિક્રમ સંવત ર૦૮૩ કારતક સુદ – ૯ બુધવાર
News of Friday, 18th October 2024
પગથી બાંધ્યો પાણીપુરીનો લોટઃટોઇલેટ ક્લીનર પણ મિલાવ્યું
અમે સ્વાદ વધારવા માટે પાણીપુરીના લોટમાં ટોયલેટ ક્લીનર અને યુરિયા ખાતર પણ મિક્સ કરતા હતાઃ આરોપીઓ : સોશિયલ મીડિયા પર વાયરલ થઈ રહેલા વીડિયોમાં બે લોકો પગથી લોટ બાંધતા નજરે આવી રહ્યાં છે

ગઢવા,તા. ૧૮: સોશિયલ મીડિયા પર વાયરલ થઈ રહેલા વીડિયોમાં બે લોકો પગથી લોટ બાંધતા નજર આવી રહ્યાં છે. વીડિયો ઝારખંડના ગઢવા શહેરનો છે. માહિતી છે કે બંને આરોપી પાણીપુરીની દુકાન ચલાવે છે. પગથી બાંધવામાં આવતા લોટનો ઉપયોગ પાણીપુરી બનાવવા માટે જ થવાનો હતો. મામલો માત્ર આટલે ન રોકાયો. લોકલ પોલીસનું કહેવું છે કે આરોપી પાણીપુરીના લોટમાં ટોયલેટ ક્લીનર અને યુરિયા ખાતર પણ નાખતો હતો.
રિપોર્ટ અનુસાર ઘટના શહેરના મઝિઆંવ વિસ્તારની છે. ઘટનાનો વીડિયો વાયરલ થવા પર પોલીસ હરકતમાં આવી અને બંને આરોપીઓની ધરપકડ કરીને પૂછપરછ કરી. ઘટનાને લઈને સ્થાનિક લોકો રોષે ભરાયા છે. આરોપીઓ વિરુદ્ધ કડક કાર્યવાહી કરવાની માગ કરવામાં આવી રહી છે.
વીડિયો બનાવનાર શખ્ય આરોપીઓનો જાણીતો હતો. તેનું નામ અરવિંદ યાદવ છે અને આરોપી તેનો પિતરાઈ ભાઈ છે. અરવિંદે જણાવ્યું કે ‘થોડા દિવસ પહેલા મારો બંને સાથે ઝઘડો થયો હતો. તે બાદ તેણે બંનેનો પગથી લોટ બાંધતી વખતનો વીડિયો બનાવ્યો અને સોશિયલ મીડિયા પર અપલોડ કરી દીધો.'
મામલા અંગે જાણકારી આપતાં પોલીસ અધિકારીએ જણાવ્યું કે ‘બંને આરોપી ઉત્તર પ્રદેશના રહેવાસી છે. અંશુ ઝાંસીના સેસા ગામનો છે અને રાઘવેન્દ્ર જાલૌનના નૂરપુર ગામનો રહેવાસી છે. બંનેની પોલીસે ધરપકડ કરી લીધી છે.' તપાસ દરમિયાન પોલીસને તેમની પાસેથી સફેદ રંગનો પદાર્થ મળ્યો છે. શંકા છે કે તે ફટકડી છે જેનાથી પાણી ખાટું થઈ જાય છે. પદાર્થને ટેસ્ટ માટે લેબ મોકલી દેવાયો છે. આરોપીઓએ પોતે પોલીસને પૂછપરછ દરમિયાન જણાવ્યું કે ‘અમે સ્વાદ વધારવા માટે પાણીપુરીના લોટમાં ટોયલેટ ક્લીનર અને યુરિયા ખાતર પણ મિક્સ કરતા હતા.'
(9:48 AM IST)









છેલ્લા 8 દિવસમાં સૌથી લોકપ્રિય 
