શહેરી વિસ્તારમાં રહેતો ગુજરાતી પરિવાર વર્ષે સરેરાશ રૂ.૭૧૧૧ હોસ્પિટલમાં દાખલ થવા પાછળ ખર્ચે છે
જયારે ગ્રામિણ પરિવાર રૂ.૪૦૭૧ : ગુજરાત આ ખર્ચમાં દેશમાં ચોથા ક્રમે : કેરળ - મહારાષ્ટ્ર - પંજાબના પરિવારોનો ખર્ચ ગુજરાત કરતાં વધુ
નવી દિલ્હી, તા.૧૯: તાજેતરના કેન્દ્ર સરકારના અહેવાલ મુજબ. ગુજરાતમાં સરેરાશ શહેરી પરિવાર વાર્ષિક રૂ. ૭,૦૦૦થી વધુનો ખર્ચ હોસ્પિટલમાં દાખલ કરવા માટે કરે છે, જે ભારતના તમામ રાજ્યોમાં ચોથા ક્રમે છે,
નેશનલ સેમ્પલ સર્વે ઑફિસ (NSSO) દ્વારા જુલાઈ ૨૦૨૨ થી જૂન ૨૦૨૩ દરમિયાન કરવામાં આવેલ વ્યાપક વાર્ષિક મોડ્યુલર સર્વેમાં બહાર આવ્યું છે કે ગુજરાતમાં શહેરી પરિવારો હોસ્પિટલમાં દાખલ થવા પાછળ વાર્ષિક સરેરાશ રૂ. ૭,૭૧૧ ખર્ચ કરે છે.
કેરળમાં શહેરી પરિવારો (રૂ. ૧૩,૧૪૦), મહારાષ્ટ્ર (રૂ. ૯,૧૨૨), અને પંજાબ (રૂ. ૮,૨૭૨)માં ગુજરાત કરતાં વધુ હોસ્પિટલમાં દાખલ થવાનો ખર્ચ છે.
તેનાથી વિપરિત, ગુજરાતમાં ગ્રામીણ પરિવારો હોસ્પિટલમાં દાખલ થવા પાછળ નોંધપાત્ર રીતે ઓછો ખર્ચ કરે છે, સરેરાશ વાર્ષિક ખર્ચ રૂ. ૪,૦૭૧ સાથે, જે તમામ રાજ્યોમાં ૧૨મા ક્રમે છે, અહેવાલમાં જણાવાયું છે.
અહેવાલ એ પણ દર્શાવે છે કે શહેરી ગુજરાતમાં હોસ્પિટલમાં દાખલ થવા પાછળ વ્યક્તિ દીઠ ખર્ચ રૂ. ૨,૦૧૪ પ્રતિ વર્ષ હતો, જે દેશમાં છઠ્ઠા નંબરે સૌથી વધુ છે. ગ્રામીણ ગુજરાતમાં તે રૂ. ૮૭૪ હતો, જે ૧૨મા ક્રમે છે.
નોંધનીય રીતે, ગુજરાતની ગ્રામીણ વસ્તી તેમના શહેરી સમકક્ષો કરતાં ૪૮્રુ ઓછી ચૂકવણી કરે છે, અને માત્ર પાંચ રાજ્યો - હરિયાણા, કર્ણાટક, ઉત્તરાખંડ, અરુણાચલ પ્રદેશ અને પંજાબ - શહેરી રહેવાસીઓની તુલનામાં ગ્રામીણ રહેવાસીઓ માટે વધુ હોસ્પિટલમાં દાખલ ખર્ચ ધરાવે છે.
વધુમાં, ગુજરાતના શહેરી વિસ્તારોમાં હોસ્પિટલમાં દાખલ થવા દરમિયાન ઘર દીઠ ખિસ્સા બહારનો ખર્ચ વાર્ષિક રૂ. ૫,૫૨૮ છે, જ્યારે ગ્રામીણ વિસ્તારોમાં તે રૂ. ૩,૭૫૮ હતો. શહેરી ગુજરાતમાં વ્યક્તિ દીઠ ખિસ્સા બહારનો ખર્ચ રૂ. ૧,૪૪૪ છે, જ્યારે રાજ્યના ગ્રામીણ વિસ્તારોમાં વ્યક્તિ માટે તે રૂ. ૮૦૭ છે.
* શહેરી પરિવારો દ્વારા હોસ્પિટલમાં દાખલ કરવામાં આવતા વાર્ષિક ખર્ચની વાત કરવામાં આવે તો ભારતના તમામ રાજ્યોમાં ગુજરાત ચોથા ક્રમે છે.
* વર્ષ દરમિયાન શહેરી વ્યક્તિઓ દ્વારા કરવામાં આવતા વાર્ષિક ખર્ચમાં પણ રાજ્ય દેશમાં છઠ્ઠા ક્રમે છે.
* સરેરાશ, શહેરી ગુજરાતમાં એક વ્યક્તિ હોસ્પિટલમાં દાખલ થવા પાછળ વાર્ષિક રૂ. ૨,૦૧૪ ખર્ચે છે.
* ગુજરાતના શહેરી વિસ્તારોમાં દર વર્ષે એક પરિવારમાંથી સરેરાશ ચાર વ્યક્તિઓને હોસ્પિટલમાં દાખલ કરવાની જરૂર પડે છે.
* ગ્રામીણ વિસ્તારોમાં દર વર્ષે કુટુંબમાંથી લગભગ પાંચ વ્યક્તિઓને હોસ્પિટલમાં દાખલ કરવાની જરૂર પડે છે.
* ગ્રામીણ ગુજરાતમાં રહેતા લોકો શહેરી વિસ્તારોની સરખામણીએ હોસ્પિટલમાં દાખલ થવા પાછળ દર વર્ષે ૪૮% ઓછો ખર્ચ કરે છે.
(11:13 AM IST)
છેલ્લા 8 દિવસમાં સૌથી લોકપ્રિય 
