૧૫ ફલાઇટને બોમ્બથી ફૂંકી મારવાની ધમકી
તમામે ઇમરજન્સી લેન્ડિંગ કરાવ્યુ : ઇન્ડિગો, એરઇન્ડિયા અને અકાસાની ફલાઇટને ધમકી મળતા અફડાતફડી : સુરક્ષા એજન્સીઓ એલર્ટ : સતત ધમકી મળતા ખળભળાટ
નવી દિલ્હી, તા.૧૯: ઈન્ડિયન એરલાઈન્સને બોમ્બની ધમકી મળવાની ઘટનાઓ ચાલુ છે. દરમિયાન આજે શનિવારે બપોરે ૧ વાગ્યા સુધીમાં આશરે ૧૫ ફલાઈટને બોમ્બથી ઉડાવી દેવાની ધમકી મળી છે. તમામ ફ્લાઇટનું ઇમરજન્સી લેન્ડિંગ કરાવવામાં આવ્યું છે. ઈન્ડિયો, એર ઈન્ડિયા અને અકાસાની ૧૫ ફ્લાઈટને બોમ્બની ધમકી મળી છે. આ આંકડો માત્ર શનિવારનો છે. જેના કારણે ઘણી ફ્લાઈટ્સે ઈમરજન્સી લેન્ડિંગ કરવું પડ્યું હતું.
આ સાથે આ અઠવાડિયે વિમાનોને બોમ્બની ધમકીની ઘટનાઓની સંખ્યા વધીને ૩૫થી વધુ થઈ ગઈ છે. જો કે સારી વાત એ છે કે આ તમામ કોલ નકલી નીકળ્યા છે, પરંતુ આનાથી વિમાનોની સુરક્ષા વ્યવસ્થામાં અભૂતપૂર્વ ગભરાટ ફેલાયો છે. વિમાનોને ધમકીઓનો તાજેતરનો કિસ્સો દિલ્હીથી લંડન જતી વિસ્તારા એરલાઈન્સની ફ્લાઈટ સાથે સંબંધિત છે, જેને ધમકીઓ મળ્યા બાદ ફ્રેન્કફર્ટ, જર્મની તરફ વાળવામાં આવી હતી. એકસાથે ૧૫ ફલાઇટને બોમ્બથી ઉડાડી દેવાની ધમકી મળતા સુરક્ષા એજન્સીઓ એલર્ટ થઇ ગઇ છે.
વિસ્તારાની દિલ્હી-લંડન ફ્લાઈટની સાથે એર ઈન્ડિયાની જયપુર-દુબઈ એર ઈન્ડિયા એક્સ-ેસ ફ્લાઈટને પણ બોમ્બની ધમકી મળી હતી. તપાસ દરમિયાન આ પણ નકલી હોવાનું બહાર આવ્યું હતું. અકાસા એરની બેંગ્લોર-મુંબઈ ફ્લાઈટમાં પણ આવી જ ધમકી મળી હતી. પ્લેન ટેક ઓફ થવાના થોડા સમય પહેલા જ આ ધમકી મળી હતી, જેના કારણે પ્લેન ટેક ઓફ કરવામાં મોડું થયું હતું. સંપૂર્ણ સુરક્ષા તપાસ બાદ જ વિમાનને ઉડાન માટે એનઓસી આપવામાં આવ્યું હતું. જયપુરથી દુબઈની ફ્લાઈટ પણ શનિવારે સવારે ૬.૧૦ વાગે ટેકઓફ થવાની હતી, પરંતુ ખોટી ધમકીના કારણે તે સવારે ૭.૪૫ વાગે ટેકઓફ થઈ શકી હતી. આ દરમિયાન મુસાફરોને ભારે હાલાકીનો સામનો કરવો પડ્યો હતો.
સોમવારથી, આ અઠવાડિયે ઓછામાં ઓછી ૩૫ ફ્લાઇટ્સ પર બોમ્બની આવી ધમકીઓ મળી છે, જેના પગલે નાગરિક ઉડ્ડયન મંત્રાલયે આવી પરિસ્થિતિઓનો સામનો કરવા માટે કડક નિયમો લાગુ કરવાની તૈયારી શરૂ કરી દીધી છે. આ અંગે ઝઞ્ઘ્ખ્એ સૂચન કર્યું છે કે નકલી કોલ કરનારા ગુનેગારોને નો-ફ્લાય લિસ્ટમાં મૂકવામાં આવે. તેમજ નકલી ધમકીઓને કારણે થયેલા નુકસાનનું વળતર ગુનેગારોને મળવું જોઈએ. કેન્દ્રીય નાગરિક ઉડ્ડયન પ્રધાન રામ મોહન નાયડુએ ગુરુવારે જણાવ્યું હતું કે પ્રારંભિક તપાસમાં આ ધમકીઓ પાછળ કોઈ મોટું કાવતરું સૂચવવામાં આવ્યું નથી અને મોટાભાગના કોલ ઁસગીરો અને તોફાની લોકોઁ દ્વારા કરવામાં આવ્યા હતા.
મુંબઈ પોલીસે બુધવારે એરલાઈનને ધમકી આપવાના સંબંધમાં એક ૧૭ વર્ષીય શંકાસ્પદની અટકાયત કરી હતી. આરોપ છે કે યુવકે સોમવારે આંતરરાષ્ટ્રીય ફ્લાઈટ સહિત ત્રણ ફ્લાઈટમાં બોમ્બની ધમકી આપી હતી. અધિકારીઓએ જણાવ્યું હતું કે કિશોર તેના એક મિત્રને ફસાવવા માંગતો હતો જેની સાથે તેનો પૈસાને લઈને વિવાદ હતો.
(3:10 PM IST)
છેલ્લા 8 દિવસમાં સૌથી લોકપ્રિય 
