નવી દિલ્હી :વાયનાડ લોકસભા બેઠક પર યોજનારા પેટાચૂંટણી માટે ભાજપે તેના ઉમેદવારની જાહેરાત કરી છે. ભાજપે આ બેઠક પરથી નાવ્યા હરિદાસને પોતાના ઉમેદવાર બનાવ્યા છે.

આ સાથે હવે નાવ્યા હરિદાસ કોંગ્રેસના પ્રિયંકા ગાંધી વાડ્રા સામે ચૂંટણી મેદાનમાં ઉતરશે. આ સાથે ભાજપે આઠ રાજ્યની વિવિધ વિધાનસભા બેઠક માટે 24 ઉમેદવારોના નામ જાહેર કર્યાં છે.અત્રે ઉલ્લેખનીય છે કે રાહુલ ગાંધીએ વાયનાડ બેઠક છોડ્યા બાદ તે ખાલી હતી, જ્યાં પક્ષ દ્વારા પ્રિયંકા ગાંધી વાડ્રાને ચંટણી લડવાની જાહેરાત કરી હતી.