તા. ૧૭ નવેમ્બર ર૦ર૬ વિક્રમ સંવત ર૦૮૩ કારતક સુદ – ૮ મંગળવાર
News of Friday, 25th October 2024
ચપ્પુ પાંસળી અને હૃદય ચીરીને છેક ફેફસાં સુધી ઘૂસી ગયું હતું: ડોક્ટરોએ ૬ દિવસે કાઢીને યુવકને બચાવી લીધો
ચપ્પુ સીધું હૃદયમાં ઘૂસી ગયું હોય તો કોઈ ન બચી શકે, પણ હરિયાણાના ડોક્ટરોએ એક યુવકને બચાવ્યો છે

રોહતક,તા. ૨૫: ચપ્પુ સીધું હૃદયમાં ઘૂસી ગયું હોય તો કોઈ ન બચી શકે, પણ હરિયાણાના ડોક્ટરોએ એક યુવકને બચાવ્યો છે. હરિયાણાના સોનીપત જિલ્લાના એક ગામમાં ૧૬ ઓક્ટોબરે સમીર નામના ડ્રાઇવરને કેટલાક લોકો પોતાની સાથે લઈ જવા આવ્યા હતા. સમીરે ના પાડી એટલે મારવા લાગ્યા તો દિનેશ વચ્ચે પડ્યો એટલે એ લોકો ધમકી આપીને જતા રહ્યા હતા. એ પછી એ લોકો પાછા આવ્યા અને દિનેશને સામાન્ય ઝઘડામાં કોઈએ છાતીમાં ચપ્પુ માર્યું હતું. ઘા કરતાં ચપ્પુ અંદર ઘૂસી ગયું ને એનો હાથો તૂટી ગયો. આવી જ ગંભીર સ્થિતિમાં રાત્રે બે વાગ્યે તેને રોહતકની PGI હોસ્પિટલમાં લઈ જવાયો. દિનેશને કાર્ડિએક સર્જરી માટેના ઓપરેશન થિયેટરમાં લઈ જવાયો. દિનેશને ચપ્પુ કેટલે ઊંડે સુધી ઘૂસી ગયું છે એ વિશે હોસ્પિટલના નિર્દેશક અને સિનિયર કાર્ડિએક સજર્યન ડો. એસ. એસ. લોહચબે કહ્યું કે ચપ્પુ ચોથી પાંસળીમાંથી જમણા ફેફસા, હૃદય પાસેના આવરણ (પ્રીકોર્ડિયમ)માં ઘૂસી ગયું હતું. સીધું જ ચપ્પુ કાઢવામાં વધુપડતો રક્તસ્રવ થવાથી યુવાનનું મૃત્યુ થવાનું જોખમ હતું. એટલે ડોક્ટરોએ સૌપહેલાં હૃદય પાસેના પ્રીકોર્ડિયમ નામના ભાગને થોડું વધારે ઓપન કરીને ચપ્પુ બહાર ખેંચ્યું. એ પછી હૃદયની જમણી બાજુની ચેમ્બર રિપેર કરી. ત્યાર પછી ફેફસાંને રિપેર કરીને ચપ્પુ બહાર કાઢી નાખ્યું. આ ઓપરેશન ૩-૪ કલાક સુધી ચાલ્યું હતું.
(9:43 AM IST)









છેલ્લા 8 દિવસમાં સૌથી લોકપ્રિય 
