ધનતેરસે સોના-ચાંદીની ધુમ ખરીદી : ૬૦,૦૦૦ કરોડનો વેપાર
ચીની સામાનને જાકારો અપાતા ડ્રેગનને ૧.૨૫ હજાર કરોડનો ધુંબો : રાતના મોડે સુધી સોના-ચાંદીની દુકાનો - શોરૂમ્સ ધમધમ્યા : લોકોએ ગજા પ્રમાણે કરી ખરીદી
નવી દિલ્હી, તા.૩૦: સોના-ચાંદીના ભાવ ઊંચા હોવા છતાં ધનતેરસના દિવસે જોરદાર વેચાણ થયું હતું. જેમ અને જ્વેલરીની દુકાનો અને શોરૂમમાં જવેલર્સ ચહેરા પર દિવાળીનું સ્મિત લાવી દીધું હતું. આ વખતે સોનાનો ભાવ ગત ધનતેરસ કરતાં ૩૦ ટકા અને ચાંદીનો ભાવ ૩૮ ટકા વધુ છે. આમ છતાં જ્વેલરી વેપારીઓને આશા છે કે આ વખતે વેચાણ ગયા વર્ષ કરતાં વધુ રહેશે. ધનતેરસ પર કુલ ૬૦ હજાર કરોડ રૂપિયાનો બિઝનેસ થવાનો અંદાજ છે.
ગયા વર્ષે ધનતેરસના દિવસે (૧૦ નવેમ્બર ૨૦૨૩) સોનું ૬૦ હજાર રૂપિયા પ્રતિ ૧૦ ગ્રામ અને ચાંદી ૭૦૪૦૦ રૂપિયા પ્રતિ કિલો હતું, જે આ વખતે વધીને ૭૮૫૩૦ રૂપિયા અને ચાંદી ૯૭૨૩૮ રૂપિયા થઈ ગઈ છે. છેલ્લા એક વર્ષમાં સ્થાનિક બજારમાં સોનું ૩૦.૯ ટકા અને ચાંદી ૩૮.૧ ટકા મોંઘું થયું છે, જ્યારે વૈશ્વિક બજારમાં છેલ્લા એક વર્ષમાં સોનું ૪૧.૮ ટકા અને ચાંદી ૫૩.૩ ટકા મોંઘું થયું છે. મોંઘવારીના કારણે જ્વેલરીના વેપારીઓને ડર હતો કે આ વખતે વજનના હિસાબે વેચાણ ઓછું થશે.
ઓલ ઈન્ડિયા જેમ્સ એન્ડ જ્વેલરી ડોમેસ્ટિક કાઉન્સિલના ચેરમેન સંયમ મહેરાએ જણાવ્યું હતું કે સવારે વેચાણ ગ્રાહકોની સંખ્યા ઓછી હતી પરંતુ તે પછી સંખ્યા ઝડપથી વધી છે. સોનાના ઊંચા ભાવને કારણે વેચાણને અસર થશે. આ ધનતેરસ પર કારોબાર પાછલા વર્ષ કરતા પાંચ ટકા ઓછો અથવા ગયા વર્ષની સમાન રહેવાની ધારણા છે. તેમણે કહ્યું કે અમે આ ધનતેરસમાં ૨૦ ટન વેચાણની અપેક્ષા રાખીએ છીએ, જે ગયા વર્ષની બરાબર છે. જોકે, સોનાના ઊંચા ભાવથી વેચાણને અસર થઈ શકે છે.
ધનતેરસ પર સોનું અને ચાંદી ખરીદવું શુભ માનવામાં આવે છે. શુભતાના આ -તીકે મોંઘવારીને હરાવી. મુંબઈ જ્વેલર્સ એસોસિયેશનના સેક્રેટરી કુમાર જૈન કહે છે કે શોરૂમમાં સવારથી જ ગ્રાહકોની ભીડ જોવા મળે છે. ગયા વર્ષે ૨૦ ટન સોનું વેચાયું હતું, જ્યારે આ વખતે આ આંકડો ૩૦ ટનને પાર કરી શકે છે. ધનતેરસ પર દેશભરમાં લગભગ ૨૦ હજાર કરોડ રૂપિયાનું સોનું અને ૨૫૦૦ કરોડ રૂપિયાની ચાંદીની ખરીદી કરવામાં આવી હતી.
ઓલ ઈન્ડિયા જ્વેલર્સ એન્ડ ગોલ્ડસ્મિથ્સ ફેડરેશન (AIJGF)ના રાષ્ટ્રીય અધ્યક્ષ પંકજ અરોરાએ કહ્યું કે ધનતેરસ પર દેશભરમાં સોના અને ચાંદીનું જબરદસ્ત વેચાણ થયું છે. આ વર્ષે ધનતેરસ પર સોના-ચાંદીના વેચાણમાં વધારો થયો છે. દેશમાં લગભગ ચાર લાખ નાના-મોટા જ્વેલર્સ કામ કરે છે.
બ્યુરો ઓફ ઈન્ડિયન સ્ટાન્ડર્ડ્સમાં નોંધાયેલા ૨ લાખ જ્વેલર્સ છે જેમણે આજે રૂ. ૨૦ હજાર કરોડનું આશરે ૨૫ ટન સોનું વેચ્યું હતું અને એ જ રીતે દેશભરમાં ૨૫૦ ટન ચાંદીનું વેચાણ થયું હતું, જેની કિંમત આશરે રૂ. ૨,૫૦૦ કરોડ હતી.
કોન્ફેડરેશન ઓફ ઓલ ઈન્ડિયા ટ્રેડર્સ (CAIT) અનુસાર, ધનતેરસના અવસર પર દેશભરમાં છૂટક વેપાર લગભગ ૬૦ હજાર કરોડ રૂપિયા થવાનો અંદાજ છે. બીજી તરફ, આ દિવાળીએ વોકલ ફોર લોકલની ફિલોસોફી બજારોમાં પૂરેપૂરી દેખાઈ રહી છે કારણ કે લગભગ તમામ ખરીદી ભારતીય વસ્તુઓની છે.
એક અનુમાન મુજબ, દિવાળી સંબંધિત ચાઈનીઝ સામાનનું વેચાણ ન થવાને કારણે ચીનને લગભગ ૧ લાખ ૨૫ હજાર કરોડ રૂપિયાના બિઝનેસનું નુકસાન થયું છે. ધનતેરસના દિવસે નવી વસ્તુઓ ખરીદવી શુભ માનવામાં આવે છે. આ દિવસે ખાસ કરીને સોના-ચાંદીના આભૂષણો અને અન્ય વસ્તુઓ, તમામ પ્રકારના વાસણો, રસોડાનો સામાન, વાહનો, કપડાં અને તૈયાર વષાો, ઈલેક્ટ્રોનિક્સ, ઈલેક્ટ્રીકલ સામાન અને ઉપકરણો, કોમ્પ્યુટર અને કમ્પ્યુટર સંબંધિત સાધનો, મોબાઈલ, પુસ્તકો, ફર્નિચર, અન્ય હિસાબી વસ્તુઓ વગેરે ખાસ ખરીદવામાં આવે છે.
કોમોડિટી નિષ્ણાતો કહે છે કે વૈશ્વિક અનિશ્ચિતતાઓ અને ભૌગોલિક રાજકીય પરિસ્થિતિઓ વચ્ચે સોનું સતત ચમકતું રહે છે, જ્યારે ચાંદી એક પોસાય તેવા વિકલ્પ તરીકે લોકપ્રિય બની છે. જે આગામી દિવસોમાં વધુ ચમકશે. મોતીલાલ ઓસ્વાલ ફાઇનાન્શિયલ સર્વિસિસ લિમિટેડ (MOFSL), જોકે, અંદાજ છે કે ચાંદીના ભાવ સંભવિત રીતે સોનાને પાછળ છોડી શકે છે.
MOFSLનો અંદાજ છે કે ઔદ્યોગિક માંગ અને સલામત આશ્રયસ્થાન ખરીદીને કારણે MCX પર ચાંદી ૧૨-૧૫ મહિનામાં રૂ. ૧,૨૫,૦૦૦ સુધી પહોંચી શકે છે. જ્યારે સોનું અનુક્રમે રૂ. ૮૧,૦૦૦ થી રૂ. ૮૬,૦૦૦ સુધી પહોંચવાની ધારણા છે.
(9:55 AM IST)
છેલ્લા 8 દિવસમાં સૌથી લોકપ્રિય 
