જીનીવા તા. ૩૦: ગયા વર્ષે સંક્રામક રોગોથી થયેલ મોતોમાં સૌથી મોટા કારણના રૂપમાં કોરોનાનું સ્‍થાન ટીબીએ લઇ લીધું છે. આ માહિતી મંગળવારે પ્રકાશિત વિશ્‍વ આરોગ્‍ય સંસ્‍થાના રિપોર્ટમાં સામે આવી છે.

રિપોર્ટમાં બિમારીને ખતમ કરવાના વૈશ્‍વિક પ્રયાસોમાં પડકારો અંગે માહિતી અપાઇ છે. ડબલ્‍યુએચઓ અનુસાર, ગયા વર્ષે લગભગ ૮ર લાખ ટીબીના દર્દીઓની સારવાર કરાઇ હતી. ૧૯૯પમાં ‘હું દ્વારા વૈશ્‍વિક ટીબી મોનીટરીંગ પ્રક્રિયા શરૂ થયા પછીથી નોંધાયેલ આ સૌથી મોટો આંકડો છે. આ પહેલા ર૦રરમાં ૭પ લાખથી વધારે ટીબી દર્દીઓની સારવાર કરાઇ હતી. આનો અર્થ એ છે કે ટીબી દર્દીઓ માટે ઉપયુકત સારવાર ઉપલબ્‍ધ છે.

રિપોર્ટ અનુસાર, આંકડાઓથી જાણી શકાય છે કે ટીબીને નિર્મૂળ કરવાનું હજુ પણ ઘણું દૂર છે કેમકે આ બિમારી સામેના જંગમાં હજુ પણ તમામ પડકારો જેમના તેમ છે. ડબલ્‍યુ એચઓના એમ.ડી. ડોકટર ટેડ્રોસ અદનોમ ધેબ્રીયસે કહ્યું કે ટીબીને રોકવા, ચેક કરવા અને સારવારના તમામ ઉપકરણો હોવા છતાં ટીબી હજુ પણ ઘણાં બધા લોકોના જીવન લઇ રહ્યો છે.

ટીબીના રોગથી ર૦ર૩માં ૧ર.પ લાખ લોકો મૃત્‍યુ પામ્‍યા, જયારે ર૦રર માં આ આંકડો ૧૩.ર લાખ હતો. એજન્‍સીએ કહ્યું કે ર૦ર૭ સુધીમાં ટીબીના નિર્મૂલના નિર્ધારીત લક્ષ્યો સુધી પહોંચવા માટે બહુકામ કરવાની જરૂર છે. આ બિમારીથી મરનાર ૯૮ ટકા લોકો નિમ્‍ન અને મધ્‍યમ આવકવાળા દેશના છે.