શ્રીનગર :જમ્મુ-કાશ્મીરના અનંતનાગ જિલ્લામાં આજે શનિવારે (બીજી ઓક્ટોબર) સુરક્ષા દળો સાથેની અથડામણમાં બે આતંકવાદીઓ માર્યા ગયા હતા.  આ એન્કાઉન્ટર દક્ષિણ કાશ્મીર જિલ્લાના શાંગસ-લારનું વિસ્તારમાં હલકન ગલી પાસે થયું હતું. માર્યા ગયેલા બે આતંકવાદીઓમાંથી એક વિદેશી અને બીજો સ્થાનિક હતો. આ આતંકવાદી જૂથનું જોડાણ હજુ સુધી જાણી શકાયું નથી, હજુ સર્ચ ઓપરેશન ચાલુ છે.

શ્રીનગર શહેરના ખનયાર વિસ્તારમાં સુરક્ષાદળો અને આતંકવાદીઓ વચ્ચે અથડામણ થઈ હતી. આ વિસ્તારમાં આતંકવાદીઓની હાજરીની માહિતી મળ્યા બાદ સુરક્ષા દળોએ શનિવારે સવારે શહેરના ખનયાર વિસ્તારમાં ઘેરાબંધી અને સર્ચ ઓપરેશન શરૂ કર્યું હતું. શ્રીનગરના ખનયાર વિસ્તારમાં ચાલી રહેલા અથડામણમાં ગોળી વાગતાં CRPFનો એક જવાન ઘાયલ થયો છે.

જવાનોના સર્ચ ઓપરેશન દરમિયાન આતંકવાદીઓએ સુરક્ષા દળો પર ગોળીબાર કર્યા બાદ સર્ચ ઓપરેશન એન્કાઉન્ટરમાં ફેરવાઈ ગયું, જેણે જવાબી કાર્યવાહી કરી. ગોળીબાર કર્યો હતો.