ઉત્તર પ્રદેશમાં પેટાચૂંટણીને લઈને રાજકીય ગતિવિધિઓ તેજ છે. રાજકીય પક્ષોએ ચૂંટણીમાં તમામ તાકાત લગાવી દીધી છે. આ દરમિયાન કોંગ્રેસને મોટો ઝટકો લાગ્યો છે. કોંગ્રેસના એક નેતાનો અશ્લીલ વીડિયો વાયરલ થયો હતો, જેના પર કોંગ્રેસે કાર્યવાહી કરીને જિલ્લા પ્રમુખને પદ પરથી હટાવ્યા હતા .

    ઉત્તર પ્રદેશ કોંગ્રેસ સમિતિએ ડૉ. યુનુસ ચૌધરી વિરુદ્ધ એક પત્ર બહાર પાડ્યો છે, જેમાં લખવામાં આવ્યું છે કે જિલ્લા કોંગ્રેસ સમિતિના પ્રમુખનું પદ સંભાળતી વખતે તેમના પર લગાવવામાં આવેલા આરોપોએ પક્ષની છબીને કલંકિત કરી છે. આથી તમને જિલ્લા કોંગ્રેસ સમિતિ બાગપતના પ્રમુખ પદેથી તાત્કાલિક અસરથી મુક્ત કરવામાં આવે છે

  આ મામલે કોંગ્રેસ નેતાએ કહ્યું કે આ વીડિયો તેમનો નથી. તેની સામે ષડયંત્ર રચાયું છે. તેણે આ અંગે પોલીસમાં ફરિયાદ કરી ન હતી, પરંતુ તપાસની અપીલ કરી હતી. પોલીસે જણાવ્યું કે આ મામલે કોઈ ફરિયાદ મળી નથી. ફરિયાદ આવશે તો તપાસ થશે.