લેબનોનના હિઝબુલ્લાહ આતંકવાદી જૂથે જણાવ્યું હતું કે તેણે આજે શનિવારે વહેલી સવારે તેલ અવીવ નજીક ઇઝરાયેલી ગુપ્તચર મથક પર રોકેટ છોડ્યા હતા.

ઈરાન સમર્થિત જૂથે જણાવ્યું હતું કે, આતંકવાદીઓએ "તેલ અવીવના ઉપનગરોમાં ૮૨૦૦ લશ્કરી ગુપ્તચર એકમના ગ્લિલોટ બેઝ પર રોકેટનો જબ્બર મારો ચલાવ્યો હતો."

દરમિયાન લેબનીઝ આરોગ્ય સત્તાવાળાઓ કહે છે કે ઇઝરાયેલે લેબનોનના ઉત્તરપૂર્વીય ખેતી ગામોમાં ડઝનેક જબરા હવાઈ હુમલાઓ કર્યા છે, જેમાં ૫૪ લોકો માર્યા ગયા, ૭૨  ઘાયલ થયા છે.