રાંચી. ઝારખંડ વિધાનસભા ચૂંટણી 2024માં કરોડપતિ ઉમેદવારોનો દબદબો જોવા મળી રહ્યો છે. પક્ષોએ પૈસાહતી મજબૂત એવા ઉમેદવારો પર વધુ વિશ્વાસ દર્શાવ્યો છે

  68 બેઠકો પર ચૂંટણી લડી રહેલા ભાજપના 43 ઉમેદવારો કરોડપતિ છે. જ્યારે 30 બેઠકો પર ચૂંટણી લડી રહેલા કોંગ્રેસના 21 ઉમેદવારો અને 43 બેઠકો પર ચૂંટણી લડી રહેલા JMMના 30 ઉમેદવારો કરોડપતિ છે.

   એટલું જ નહીં, 10 બેઠકો પર ચૂંટણી લડી રહેલા AJSU પાર્ટીના છ ઉમેદવારો કરોડપતિ છે. છ બેઠકો પર ચૂંટણી લડી રહેલા આરજેડીના ચાર ઉમેદવારો કરોડપતિ છે.

  ભાજપના પ્રદેશ અધ્યક્ષ બાબુલાલ મરાંડી સામે ધનવર બેઠક પરથી અપક્ષ ઉમેદવાર તરીકે ચૂંટણી લડી રહેલા નિરંજન રાય સૌથી અમીર ઉમેદવાર છે. તેમની પાસે કુલ 137.36 કરોડ રૂપિયાની સંપત્તિ છે. આ આંકડા ઉમેદવારોએ નોમિનેશન દરમિયાન ચૂંટણી પંચ સમક્ષ રજૂ કરેલા સોગંદનામામાંથી લેવામાં આવ્યા છે.