નવી દિલ્હી :  ટ્રાફિક ચલણ ભરવાનું હવે ખૂબ જ સરળ બનશે. હવે તમે WhatsApp દ્વારા તમારા ફોન પર ચલણ વિશેની દરેક માહિતી મેળવી શકો છો. એટલું જ નહીં, તમે WhatsApp દ્વારા પેમેન્ટ પણ કરી શકો છો. ટ્રાન્સપોર્ટ વિભાગ ટૂંક સમયમાં વોટ્સએપ દ્વારા ટ્રાફિક ચલણ મોકલવાની તૈયારી કરી રહ્યું છે.

   તાજેતરમાં, દિલ્હી સરકાર દ્વારા એક પોસ્ટ શેર કરવામાં આવી છે, જેમાં કહેવામાં આવ્યું છે કે હવે ટ્રાફિક નિયમોનું ઉલ્લંઘન કરનારાઓને સીધા જ વોટ્સએપ દ્વારા ઈ-ચલણ મોકલવામાં આવશે. ત્યાં આપેલી લિંક પરથી પણ પેમેન્ટ કરી શકાય છે.પેમેન્ટ કરવાની સુવિધા WhatsApp પર પહેલાથી જ ઉપલબ્ધ છે. ત્યાંથી તમે કોઈપણ નંબર પર સરળતાથી પેમેન્ટ કરી શકો છો. આ સેવા સંપૂર્ણપણે મફત છે.

આ પગલું એટલા માટે લેવામાં આવ્યું છે કારણ કે ઘણી વખત લોકોને ચલણ સંબંધિત મેસેજ નથી મળતા, જેના કારણે તેમને ચલણ ભરવામાં મુશ્કેલીનો સામનો કરવો પડે છે. હવે વોટ્સએપ સિસ્ટમ એક્ટિવેટ થયા બાદ ઈન્સ્ટન્ટ ચલણ ભરવાનું સરળ બનશે. આનાથી ટ્રાફિક પોલીસ અને ટ્રાન્સપોર્ટ વિભાગને પણ મોટી રાહત મળશે. વોટ્સએપ ટ્રાફિક ચલાન સિસ્ટમ એક્ટિવેટ થયા પછી, તમને તમારા ફોન પર ચલણ સંબંધિત માહિતી, રિમાઇન્ડર્સ વગેરે સંબંધિત અપડેટ્સ મળશે. આ ઉપરાંત, ચલણ જમા કરાવ્યા પછી, તમે તેની રસીદ WhatsApp દ્વારા પણ લઈ શકશો