મધ્યપ્રદેશના ઉમરિયા જિલ્લાના બાંધવગઢ ટાઈગર રિઝર્વમાં 10 હાથીઓના મોતથી ખળભળાટ મચી ગયો હતો. હવે આ મામલે એક મોટો ઘટસ્ફોટ થયો છે,મૃત હાથીઓના વિસેરા સેમ્પલના ટોક્સિસિટી રિપોર્ટમાં ઉત્તર પ્રદેશના બરેલી સ્થિત કેન્દ્ર સરકારના આઈવીઆરઆઈમાં ચોંકાવનારો ખુલાસો થયો છે.

   અહેવાલો અનુસાર, મૃત હાથીઓના વિસેરામાં સાયક્લોપિયાઝોનિક એસિડ મળી આવ્યું છે. રિપોર્ટમાં ખુલાસો થયો છે કે કોડો બાજરીમાં મળી આવતા સાયક્લોપિયાઝોનિક એસિડને કારણે હાથીઓના મોત થયા હતા 

    IVRI ના ટોક્સિકોલોજિકલ રિપોર્ટ મુજબ, હાથીઓએ બગડેલા કોડો છોડ/અનાજનો મોટો જથ્થો ખાઈ લીધો હતો. મૃત હાથીના વિસેરામાં સાયક્લોપિયાઝોનિક એસિડ મળી આવ્યું છે. નમૂનાઓમાં મળી આવેલ સાયક્લોપિયાઝોનિક એસિડની વાસ્તવિક ઝેરીતાની ગણતરી કરવામાં આવી રહી છે. આઈવીઆરઆઈના અહેવાલ મુજબ, તે નાઈટ્રેટ-નાઈટ્રેટ, ભારે ધાતુઓ તેમજ ઓર્ગેનો-ફોસ્ફેટ ઓર્ગેનો-ક્લોરીન, પાયરેથ્રોઈડ્સ અને કાર્બામેટ જૂથની જંતુનાશકોની હાજરી માટે નકારાત્મક જણાયું છે. 

  IVRI એ તેના અહેવાલમાં આસપાસના વિસ્તારોની કાળજી રાખવા માટે એક એડવાઈઝરી પણ જારી કરી છે, જેમાં તેણે ગ્રામજનોમાં જાગૃતિ લાવવા અને ખરાબ પાકમાં ઢોર ન ચરાવવાની સલાહ આપી છે.