કંપની રોઝા પાવર હવે દેવા મુક્ત : નિર્ધારિત સમય પહેલા રૂ.૧,૩૧૮ કરોડ ચૂકવીને સંપૂર્ણ પતાવટ કરી
અનિલ અંબાણીના સારા દિવસો આવી રહયા છે
નવી દિલ્હી, તા.૭: ભારે દેવા હેઠળ દબાયેલા ઉદ્યોગપતિ અનિલ અંબાણીના દિવસો હવે પૂરા થવાના છે. તેમની એક કંપની દેવામુક્ત થઈ ગઈ છે. રિલાયન્સ પાવરની પેટાકંપની રોઝા પાવર સપ્લાય કંપનીએ સિંગાપોર સ્થિત ધિરાણકર્તા વર્ડે પાર્ટનર્સને રૂ. ૪૮૫ કરોડની બીજી લોન ચૂકવી છે. આ સાથે રોઝા પાવર હવે દેવું મુક્ત કંપની બની ગઈ છે. કંપનીએ નિવેદનમાં જણાવ્યું હતું કે તેણે શૂન્ય-દેવું સ્થિતિ હાંસલ કરી છે અને નિર્ધારિત સમય પહેલા રૂ. ૧,૩૧૮ કરોડ ચૂકવીને તેના બાકી દેવાની સંપૂર્ણ પતાવટ કરી છે. અગાઉ રોઝા પાવરે સપ્ટેમ્બરમાં વર્ડે પાર્ટનર્સને રૂ. ૮૩૩ કરોડ ચૂકવ્યા હતા.
રોજા પાવર ઉત્તર -દેશના શાહજહાંપુર નજીક રોજા ગામમાં ૧,૨૦૦ મેગાવોટનો કોલસા આધારિત થર્મલ પાવર પ્લાન્ટ ચલાવે છે. તેનાથી રિલાયન્સ પાવરની બેલેન્સ શીટ મજબૂત થશે. કંપનીએ તાજેતરમાં રૂ. ૧,૫૨૫ કરોડનો પ્રેફરન્શિયલ ઇશ્યૂ જારી કર્યો હતો. નિયમનકારી માહિતી અનુસાર, કંપનીના પ્રેફરન્શિયલ ઇશ્યૂથી રિલાયન્સ પાવરની નેટવર્થ રૂ. ૧૧,૧૫૫ કરોડથી વધીને રૂ. ૧૨,૬૮૦ કરોડથી વધુ થવાની ધારણા છે. આનાથી કંપનીને ગ્રીન એનર્જી સેક્ટરમાં તેની સ્થિતિ મજબૂત કરવાની તક મળશે.
રિલાયન્સ પાવર દેશની ખાનગી ક્ષેત્રની સૌથી મોટી કંપનીઓમાં સામેલ છે. તેની પાસે કોલસો, ગેસ, હાઇડ્રો અને રિન્યુએબલ એનર્જીનો મોટો પોર્ટફોલિયો છે. રિલાયન્સ પાવર પાસે ૫,૩૦૦ મેગાવોટની સ્થાપિત ક્ષમતા છે. બુધવારે કંપનીના શેર પાંચ ટકાની ઉપલી સર્કિટને સ્પર્શ્યા બાદ BSE પર રૂ. ૪૩.૪૭ પર બંધ થયા હતા. દેશના બીજા સૌથી ધનિક વ્યક્તિ ગૌતમ અદાણીની નજર મુંબઈને પાવર સપ્લાય કરતા રિલાયન્સ પાવર પ્લાન્ટ પર છે
(11:35 AM IST)
છેલ્લા 8 દિવસમાં સૌથી લોકપ્રિય 
