છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
પૂજા કરી ધામધૂમથી જમીનમાં દાટી દીધી પોતાની લકી કાર
અદભૂત કારપ્રેમ : કાર દફનાવેલી જગ્યાએ એક વૃક્ષ વાવશે જેથી તેમની ભવિષ્યની પેઢીઓ યાદ રાખે કે પરિવારની લકી કાર આ ઝાડ નીચે હાજર છે : કારની દફનવિધિનો વીડિયો પણ સોશિયલ મીડિયા પર વાયરલ થઈ રહ્યો છે, જેમાં પોલારા અને તેના પરિવારના સભ્યો તેમના ખેતરમાં કાર માટે ખોદવામાં આવેલા ખાડામાં મંત્રોચ્ચાર કરતા જોવા મળે છે
નવી દિલ્હી, તા.૯: ગુજરાતના અમરેલી જિલ્લામાંથી એક અનોખો કિસ્સો સામે આવ્યો છે. અહીં એક ખેડૂત પરિવારે તેમની ૧૫ વર્ષ જૂની ‘લકી' કાર વેચવાને બદલે તેને પોતાના જ ખેતરની જમીનમાં દાટી દીધી હતી, જેથી તેની યાદો સાથે રહે. આ માટે પરિવારના સભ્યો ખૂબ જ ધામધૂમથી તેમની લકી કાર તેમના ખેતરમાં દાટી અને સમાધિ આપ્યા બાદ તેમની યાદમાં રાત્રિભોજનનું પણ આયોજન કર્યું હતું. આ કિસ્સો અમરેલીના લાઠી તાલુકાના પાદરશિંગા ગામનો છે, જ્યાંના રહેવાસી સંજય પોલારા અને તેમના પરિવારે ગુરુવારે તેમની લકી કારને દફનાવી હતી. આ પ્રસંગે એક ભવ્ય કાર્યક્રમનું આયોજન કરવામાં આવ્યું હતું, જેમાં સંતો અને આધ્યાત્મિક આગેવાનો સહિત આસપાસના વિસ્તારોના લગભગ દોઢ હજાર લોકોએ ભાગ લીધો હતો. આ સમગ્ર ઘટના રાજ્યમાં ચર્ચાનો વિષય બની હતી.
પોલારા પરિવારનું કહેવું છે કે તેઓ કાર દફનાવેલી જગ્યાએ એક વળક્ષ વાવશે જેથી તેમની ભવિષ્યની પેઢીઓ યાદ રાખે કે પરિવારની લકી કાર આ ઝાડ નીચે હાજર છે. કારની દફનવિધિનો વીડિયો પણ સોશિયલ મીડિયા પર વાયરલ થઈ રહ્યો છે, જેમાં પોલારા અને તેના પરિવારના સભ્યો તેમના ખેતરમાં કાર માટે ખોદવામાં આવેલા ખાડામાં મંત્રોચ્ચાર કરતા જોવા મળે છે. ઉપરાંત, તેમની ૧૫ વર્ષ જૂની વેગનઆર કાર ફૂલો અને તોરણોથી લદાયેલી દેખાઈ રહી છે. કારને જમીનમાં દાટી દેવા માટે પોલારા પરિવારે તેમના ખેતરમાં લગભગ ૧૫ ફૂટ ઊંડો ખાડો ખોદ્યો હતો અને કારને સરળતાથી લઈ જવા માટે તે ખાડામાં ઢાળ પણ બનાવવામાં આવ્યો હતો. આ પછી, કારને ઉલટાવીને તે ઢોળાવ દ્વારા ખાડામાં લઈ જવામાં આવી અને પછી તેના પર લીલું કવર લગાવ્યા પછી, પરિવારના સભ્યોએ તેની પૂજા કરી અને ગુલાબની પાંખડીઓ વરસાવીને વિદાય આપી. આ દરમિયાન ત્યાં હાજર પૂજારીઓ મંત્રોચ્ચાર કરતા રહ્યા.
અંતે ત્યાં બોલાવેલ જેસીબીની મદદથી કારને માટી સાથે દબાવીને કાયમ માટે દાટી દીધી હતી. આ વેગનઆર કારનો નંબર GJ05-CD7924 હતો. જેને પોલારા પરિવારે પોતાના માટે ખૂબ જ શુભ માન્યું હતું. કારના માલિક સંજય પોલારા સુરતમાં કન્સ્ટ્રક્શનનો વ્યવસાય કરે છે અને આ ઘટના અંગે તેમણે કહ્યું કે તેઓ કંઈક અલગ કરવા માગે છે જેથી આવનારી પેઢીઓ આ કારને યાદ કરે જે પરિવાર માટે નસીબદાર સાબિત થઈ.
પત્રકારો સાથે વાત કરતા પોલ્લારાએ કહ્યું, મેં આ કાર લગભગ ૧૫ વર્ષ પહેલા ખરીદી હતી અને તેના આવ્યા બાદ પરિવારમાં સમળદ્ધિ આવી. બિઝનેસમાં સફળતા ઉપરાંત મારા પરિવારને પણ માન-સન્માન મળ્યું. આ કાર મારા અને મારા પરિવાર માટે લકી સાબિત થઈ. તેથી તેને વેચવાને બદલે મેં તેને મારા ખેતરમાં દફનાવી દીધી જેથી તેની યાદો કાયમ માટે સાચવી શકાય. કાર અને અન્ય કાર્યક્રમોમાં સમાધિ આપવા માટે લગભગ ૪ લાખ રૂપિયાનો ખર્ચ કર્યો છે. કબ્રસ્તાન પર એક વળક્ષ વાવવા માંગે છે, જેથી આવનારી પેઢીઓ યાદ રાખે કે આ વળક્ષ નીચે પરિવારની લકી કાર હાજર છે. સમાધિ સમારોહ સંતો અને ધાર્મિક નેતાઓની હાજરીમાં હિન્દુ ધાર્મિક વિધિઓ મુજબ થયો હતો, જેના માટે લગભગ ૧,૫૦૦ લોકોને આમંત્રણ આપવામાં આવ્યું હતું અને ભોજન સમારંભનું પણ આયોજન કરવામાં આવ્યું હતું.
(9:48 AM IST)
