રતન ટાટા સ્વપ્નદૃષ્ટા બીઝનેસ લીડર, દયાળુ આત્મા અને અસાધારણ માનવીઃ નરેન્દ્રભાઇ
પીએમ મોદીએ રતન ટાટાની પ્રથમ માસીક પુણ્યતિથીએ લેખ દ્વારા સ્મરણાંજલી અર્પી
નવી દિલ્હી, ૯: વડાપ્રધાન નરેન્દ્રભાઇ મોદીએ ઉદ્યોગપતિ અને પરોપકારી એવા રતન ટાટાના નિધનને આજે એક મહિનો પૂર્ણ થતાં તેમને શાબ્દિક શ્રદ્ધાંજલિ પાઠવી છે. પીએમ મોદીએ તેમને એક સ્વપ્નદ્રષ્ટા બિઝનેસ લીડર, એક દયાળુ આત્મા અને અસાધારણ માનવી ગણાવ્યા છે.
રતન ટાટાજીને શ્રદ્ધાંજલિ આપતા વડાપ્રધાન નરેન્દ્રભાઇ મોદીએ તેમના જીવન અને યોગદાનને ભાવુક શબ્દોમાં યાદ કર્યા હતા. તેમણે કહ્યું કે રતન ટાટાજીના નિધનથી માત્ર ભારત જ નહીં પરંતુ સમગ્ર વિશ્વએ એક મહાન પ્રેરણાસ્ત્રોત ગુમાવ્યો છે. તેમના ગયા પછી સમાજનો દરેક વર્ગ, પછી તે ઉભરતા ઉદ્યોગસાહસિકો હોય કે મોટા ઉદ્યોગપતિઓ, તેમની ગેરહાજરી અનુભવી રહ્યા છે.
રતન ટાટાને અમને છોડીને ગયા તેને એક મહિનો થઈ ગયો છે. શહેરો અને નગરોથી લઈને ગામડાઓ સુધી દરેક સામાજિક વર્ગમાં તેમની ગેરહાજરી ઊંડે ઊંડે અનુભવાઈ રહી છે. અનુભવી ઉદ્યોગપતિઓ, નવા સાહસિકો અને મહેનતુ વ્યાવસાયિકો તેમની ખોટ અનુભવે છે. પર્યાવરણ પ્રત્યે સંવેદનશીલ અને દાન માટે સમર્પિત લોકો પણ એટલા જ દુઃખી છે. તેમની ગેરહાજરી માત્ર ભારતમાં જ નહીં પરંતુ સમગ્ર વિશ્વમાં અનુભવાઈ રહી છે.
યુવાનો માટે રતન ટાટા એક પ્રેરણા હતા. તેમણે ભારતીય ઉદ્યોગસાહસિકતાની શ્રેષ્ઠ પરંપરાઓ અને અખંડિતતા, શ્રેષ્ઠતા અને સેવાના મૂલ્યો પ્રત્યેની તેની અડગ પ્રતિબદ્ધતાનું પ્રતિપાદન કર્યું હતું. તેઓ વિશ્વસનીયતા, શ્રેષ્ઠતા અને ઉત્તમ સેવાના મૂલ્યોના કટ્ટર પ્રતિનિધિ હતા. તેમના નેતળત્વ હેઠળ, ટાટા જૂથ સમગ્ર વિશ્વમાં આદર, પ્રામાણિકતા અને વિશ્વસનીયતાનું પ્રતીક બનીને નવી ઊંચાઈએ પહોંચ્યું હતું. આ હોવા છતાં તેમણે સંપૂર્ણ નમ્રતા અને સરળતા સાથે તેમની સિદ્ધિઓ સ્વીકારી હતી.
બીજાના સપનાને ટેકો આપવો એ રતન ટાટાના સૌથી વિશેષ ગુણોમાંનો એક હતો. તાજેતરના વર્ષોમાં તેઓ ભારતના સ્ટાર્ટઅપ ઇકોસિસ્ટમના માર્ગદર્શક તરીકે જાણીતા બન્યા છે. તેણે અનેક ઉભરતા સાહસોમાં રોકાણ કર્યું હતું. તેઓ યુવા ઉદ્યોગસાહસિકોની આશાઓ અને આકાંક્ષાઓને સમજો અને ભારતના ભવિષ્યને આકાર આપવાની તેમની ક્ષમતાને ઓળખી મદદરૂપ થતાં હતાં. તેમના પ્રયાસોને સમર્થન આપીને, તેમણે સ્વપ્ન જોનારાઓની પેઢીને હિંમતભેર જોખમો લેવા અને સીમાઓને આગળ ધપાવવા માટે સશક્તિકરણ કર્યું હતું. તેણે નવીનતા અને ઉદ્યોગ સાહસિકતાની સંસ્કળતિને ઉત્તેજન આપવામાં લાંબા સમય સુધી યોગદાન આપ્યું છે, જે મને વિશ્વાસ છે કે આવનારા દાયકાઓમાં ભારત પર હકારાત્મક અસર કરવાનું ચાલુ રાખશે.
(3:13 PM IST)
છેલ્લા 8 દિવસમાં સૌથી લોકપ્રિય 
