નવી દિલ્હી, તા.૧૦,

સંયુક્ત રાષ્ટ્રમાં પાકિસ્તાને ફરી એક વાર કાશ્મીરને લઈને હક જતાવવાની કોશિશ કરી. તેમણે એલઓસી પર યૂએનના પર્વક્ષક સમૂહ યૂએનએમઓજીઆઈપીની માગ કરવાની કોશિશ કરી. તેના પર યૂએનમાં ભારતનું પ્રતિનિધિત્વ કરવા પહોંચેલા રાજ્યસભાના સાંસદ અને ભાજપના રાષ્ટ્રીય પ્રવક્તા સુધાંશુ ત્રિવેદીએ જવાબ આપ્યો હતો. તેમણે ચર્ચા દરમ્યાન પાકિસ્તાન વારંવાર જમ્મુ કાશ્મીરનો મુદ્દો ઉછાળવાની કોશિશ કરી. ત્રિવેદીએ પાકિસ્તાન પર મંચને ગુમરાહ કરવા માટે નિવેદનબાજી અનો જુઠાણુ ફેલાવાનો આરોપ લગાવ્યો.

ત્રિવેદીએ કહ્યું કે, ભારત પાકિસ્તાન દ્વારા કરવામાં આવેલી ટિપ્પણીઓના જવાબમાં જવાબ આપવાનો પોતાનો અધિકાર પસંદ કરે છે. જેણે ફરી એક વાર આ પ્રતિષ્ઠિત સંસ્થાને તેના એજન્ડાથી ભટકાવવાનો પ્રયાસ કર્યો છે. પાકિસ્તાનની આ નાપાક હરકત પર ત્રિવેદીએ ભારતની દ્રઢ સ્થિતિને વાગોળતા કહ્યું કે, કેન્દ્ર શાસિત પ્રદેશ જમ્મુ કાશ્મીર ભારતનું અભિન્ન અંગ હતું અને રહેશે. ત્રિવેદીએ પાકિસ્તાનને આવા નિવેદનોથી દૂર રહેવાનો આગ્રહ કર્યો. તેમણે ભાર આપીને કહ્યું કે, પાકિસ્તાન તરફથી વારંવાર બૂમો પાડવાથી તથ્યો બદલાઈ જશે નહીં. ત્રિવેદીએ કહ્યું કે, જમ્મુ અને કાશ્મીરના લોકોએ હાલમાં જ પોતાના લોકતાંત્રિક અને ચૂંટણી અધિકારનો ઉપયોગ કર્યો અને એક નવી સરકાર ચૂંટી છે. પાકિસ્તાનને આવી નિવેદનબાજી અને જૂઠાણાથી દૂર રહેવું જોઈએ, કારણ કે તેનાથી તથ્યો બદલાશે નહીં.

વાસ્તવમાં, ભારતની પ્રતિક્રિયા પાકિસ્તાની પ્રતિનિધિની ટિપ્પણી પછી આવી છે, જેણે ભારત અને પાકિસ્તાનમાં સંયુક્ત રાષ્ટ્રના લશ્કરી નિરીક્ષક જૂથ (UNMOGIP) વિશે વાત કરી હતી. UNMOGIPની સ્થાપના મૂળ નિયંત્રણ રેખા (LOC) પર યુદ્ધવિરામના ઉલ્લંઘન પર નજર રાખવા માટે કરવામાં આવી હતી. ભારતની દલીલ છે કે UNMOGIP હવે અપ્રસ્તુત બની ગયું છે, કારણ કે શિમલા કરાર અને LoCની સ્થાપનાએ તેના આદેશને અપ્રસ્તુત બનાવી દીધો છે.