નવી દિલ્‍હી, તા.૧૧: કારતક મહિનાની શુક્‍લ એકાદશી કે જેને દેવઉઠી એકાદશીના નામે ઓળખવામાં આવે છે, તેનું ખૂબ જ મહત્‍વ રહેલું છે. કારણ કે દેવપોઢી એકાદશીના ચાર મહિના બાદ દેવઉઠી એકાદશીના દિવસે જગતના પાલનહાર ભગવાન વિષ્‍ણુ નિંદ્રામાંથી જાગે છે અને આ દિવસથી જ લગ્ન, મુંડન સંસ્‍કાર અને સગાઈ સહિત તમામ શુભ કાર્યોનો પ્રારંભ થાય છે. હવે દેવુથની એકાદશીથી શુભ કાર્યો ફરી શરૂ થશે. કારતક માસના શુક્‍લ પક્ષની એકાદશીને દેવ પ્રબોધિની, દેવઉઠી અને દેવોત્‍થાન એકાદશી તરીકે ઓળખવામાં આવે છે. દેવઉઠી એકાદશી ૧૨ નવેમ્‍બરે ઉજવવામાં આવશે.દેવઉઠી એકાદશી બાદ તમામ શુભ કાર્યની શરૂઆત થાય છે. આ વર્ષે ૧૭ નવેમ્‍બરથી લગ્નના શુભ મુર્હુત શરૂ થઈ રહ્યા છે. નવેમ્‍બર મહિનામાં ૧૭ તારીખથી લગ્નના શુભ મુર્હુતની શરૂઆત થશે જે ૨૭ તારીખ સુધી છે. જયારે ડિસેમ્‍બર મહિનામાં ૧ તારીખથી લઈને ૬ તારીખ સુધી તેમજ ૯ તારીખથી લઈને ૧૪ તારીખ સુધી શુભ મુર્હુત છે. જાન્‍યુઆરી માસના ૧૬ તારીખથી લઈને ૩૦ તારીખ સુધી લગ્ન માટેના શુભ મુર્હુત છે. અંતે ફેબ્રુઆરી મહિનામાં ૧ થી ૨૫ તારીખ સુધી લગ્ન માટેના શુભ મુર્હુત છે.

વધતી જતી મોંઘવારીને કારણે શ્નઝ્રક્રદ્વ ફેરા' સમારોહ ૨૫ ટકા મોંઘો થયો છે પરંતુ મંગળવારથી દેવોત્‍થાન (દેવુથની) એકાદશીથી શરૂ થતી લગ્નસરાની સીઝનને લઈને લોકોમાં ભારે ઉત્‍સાહ જોવા મળી રહ્યો છે. વેડિંગ ડેસ્‍ટિનેશન, ફૂડ અને ડેકોરેશન મોંઘા હોવા છતાં લગ્નની તૈયારીઓ અને જાહોજલાલી હજુ પણ અકબંધ છે. ખર્ચ ઘટાડવા માટે, લોકો ચોક્કસપણે ગેસ્‍ટ લિસ્‍ટ અને મેનુમાં થોડો કટ કરી રહ્યા છે. દેશભરના લગ્નો પર નજર કરીએ તો આવનારા બે મહિનામાં ૪૮ લાખથી વધુ લગ્ન થશે. આ લગ્નો પર ૬ લાખ કરોડ રૂપિયાનો બિઝનેસ થવાનો અંદાજ છે. મિડલ ક્‍લાસથી લઈને એલિટ ક્‍લાસ સુધીના લોકો પણ પોતાના બજેટ પ્રમાણે ડેસ્‍ટિનેશન પસંદ કરી રહ્યા છે અને લગ્નને ભવ્‍ય બનાવવા માટે ઈવેન્‍ટ મેનેજમેન્‍ટનો સહારો લઈ રહ્યા છે. આ પછી ભોજન, સોશિયલ મીડિયા, કપડાં અને સંગીત પર સૌથી વધુ ખર્ચ કરવામાં આવી રહ્યો છે. દેવુથની એકાદશીથી શરૂ થતા વર્ષમાં લગ્ન માટે કુલ ૫૯ શુભ મુહૂર્ત છે.

ભોજનની થાળી બે હજાર રૂપિયા સુધી પહોંચી

જે ભોજન સામાન્‍ય લગ્નમાં ૫૦૦ થી ૯૦૦ રૂપિયા પ્રતિ થાળીમાં મળતું હતું તે હવે ૧૨૦૦ થી ૧૭૦૦ રૂપિયા સુધી પહોંચી ગયું છે. ખર્ચ ઘટાડવા માટે ૧૫૦૦ થી ૨૦૦૦ ના બદલે માત્ર ૮૦૦-૧૦૦૦ મહેમાનોને બોલાવવામાં આવી રહ્યા છે. લોકો અલગ-અલગ શહેરોમાં બે ઈવેન્‍ટનું આયોજન કરીને ખર્ચમાં પણ ઘટાડો કરી રહ્યા છે.

ઈન્‍દોરના વેડિંગ મેનેજમેન્‍ટ નિષ્‍ણાતોના જણાવ્‍યા અનુસાર, આ સિઝનમાં ગાર્ડન હોટલના દરમાં ૧૦ ટકાનો વધારો થયો છે જયારે બેન્‍ડ બાજા અને ઘોડીની ન્‍યૂનતમ કિંમતમાં વધારો કરવામાં આવ્‍યો છે. પહેલા બેન્‍ડ રૂ. ૫૦૦૦ થી રૂ. ૫૧૦૦૦ સુધી ઉપલબ્‍ધ હતા પરંતુ હવે તે રૂ. ૧૧૦૦૦ થી શરૂ થઈ રહ્યા છે. ઘોડીનું લઘુત્તમ ભાડું પણ ૨૧૦૦ રૂપિયાથી વધારીને ૩૧૦૦ રૂપિયા કરવામાં આવ્‍યું છે.

યુવાનોની પસંદગી - પરંપરાગત સાથે બહુવિધ ભોજનનો યુગ

અગાઉ ઘરના વડીલો પરંપરાગત વાનગીઓનું મેનુ નક્કી કરતા હતા. હવે યુવાનો અને મહિલાઓની પસંદગી સર્વોપરી બની ગઈ છે. પરંપરાગત ભોજનની સાથે ચાટ, જાપાનીઝ, કુરિયન, ઓરિએન્‍ટલ, ઈટાલિયન, મેક્‍સિકન, ચાઈનીઝ, તુર્કીશ વાનગીઓને મલ્‍ટી કુઝીન મેનુમાં પસંદ કરવામાં આવી રહી છે.(૨૩.૮)

આ રીતે ઉચ્‍ચ મધ્‍યમ વર્ગના લગ્નોનું બજેટ વધી રહ્યું છે

* ૨ થી ૨.૫૦ લાખ રૂપિયા - ૯૦ ના દાયકામાં

* ૩ થી ૫ લાખ રૂપિયા - ૨૦૦૦ સુધી

* ૧૦ થી ૧૫ લાખ રૂપિયા - ૨૦૧૦ પછી

* ૨૫ થી ૩૦ લાખ રૂપિયા - ૨૦૧૫ સુધી

* ૫૦ લાખથી એક કરોડ - ૨૦૨૨ પછી

     ઉચ્‍ચ મધ્‍યમ વર્ગ : તેઓ આ રીતે ખર્ચ કરે છે

* રૂ. ૦૫-૧૫ લાખ સુધી - લગ્નના બગીચા અને રિસોર્ટનું બુકિંગ.

* ૦૨ લાખ રૂપિયા - ફોટો અને વિડિયો શૂટ

*૦૬-૧૦ લાખ રૂપિયા - ભોજન પર ખર્ચ (૫૦૦ મહેમાનો માટે)

* ૦૫-૦૮ લાખ રૂપિયા- ઇવેન્‍ટ મેનેજમેન્‍ટ પર

* રૂ. ૦૫ લાખ સુધી - પરિવારના થીમ આધારિત પોશાક

ભદ્ર   વર્ગનો અઢળક ખર્ચ : ડેસ્‍ટિનેશન મેરેજ પસંદ કરવામાં આવી રહ્યા છે

* રાજસ્‍થાનમાં ૪૦ મોટા વેડિંગ ડેસ્‍ટિનેશનમાં થઈ રહ્યા છે ૩-૫ કરોડ                  રૂપિયાના લગ્ન

*૧૫ લાખ રૂપિયા - ફોટો, વિડિયો અને સોશિયલ મીડિયા રીલ્‍સ-શોર્ટ મૂવી

* ૫૦ લાખ રૂપિયા - ઇવેન્‍ટ મેનેજમેન્‍ટ

* ૧૫ લાખ રૂપિયા -બેન્‍ડ

* ૨૦ લાખ રૂપિયા- બોલિવૂડ અને પંજાબી ગાયકોને બોલાવવા માટે.

લગ્નનું બજેટ

* ૧૫ ટકા - જવેલરીની ખરીદી પર

* ૧૦-૧૦ ટકા - ટેન્‍ટ ડેકોરેશન અને કેટરિંગ સેવાઓ પર ખર્ચ

* ૧૦ ટકા - કરિયાણા, શાકભાજી, સૂકા ફળો, મીઠાઈઓ અને નાસ્‍તા પર

* ૧૦ ટકા - કપડાં, લહેંગા અને અન્‍ય વસ્ત્રો પર

* ૦૬ ટકા - હળવા અવાજ અને સંગીત, ઓર્કેસ્‍ટ્રા પર

* ૦૪ ટકા - ફૂલ શણગાર પર