તા. ૧૪ જાન્યુઆરી ર૦ર૫ વિક્રમ સંવત ર૦૮૧ પોષ સુદ – ૧૫ મંગળવાર
News of Tuesday, 12th November 2024
ભારતીયો સૌથી ભણેશરી... દુનિયામાં સૌથી વધારે વાંચનમાં ભારત નંબર વન
NOP વર્લ્ડ કલ્ચર સ્કોર ઇન્ડેક્સના નવા અભ્યાસ મુજબ, ભારતીયો વિશ્વની સૌથી વધુ શિક્ષિત વસ્તીમાંથી એક છે

નવી દિલ્હી, તા.૧૨: NOP વર્લ્ડ કલ્ચર સ્કોર ઇન્ડેક્સના નવા અભ્યાસ મુજબ, ભારતીયો વિશ્વની સૌથી વધુ શિક્ષિત વસ્તીમાંથી એક છે. દરેક વ્યક્તિની વસ્તુઓ સમજવાની ક્ષમતા અલગ-અલગ હોય છે. UPSC, બેન્કિંગ, JEE, NEET અને અન્ય અઘરી પરીક્ષાઓ પાસ કરનારા મોટાભાગના વિદ્યાર્થીઓનું કહેવું છે કે તેઓ પરીક્ષામાં સફળતા મેળવવા માટે દરરોજ ૧૦ થી ૧૨ કલાક અભ્યાસ કરે છે. જો કે, કેટલાક વિદ્યાર્થીઓએ માત્ર ૩ થી ૪ કલાકના દૈનિક અભ્યાસ સાથે પણ આ પરીક્ષાઓ પાસ કરી હતી. આ સાબિત કરે છે કે અભ્યાસમાં સફળ થવા માટે માત્ર કલાકોની સંખ્યા જ મહત્ત્વની નથી, પરંતુ તમારી સમજવાની ક્ષમતા પણ મહત્ત્વની છે.
ચાલો હવે જાણીએ કે અભ્યાસના કલાકોની દ્રષ્ટિએ કયા દેશો સૌથી આગળ છે અને કયા દેશો આ બાબતમાં પાછળ છેઃ
સૌથી વધુ શિક્ષિત દેશો
ભારતઃ NOP વર્લ્ડ કલ્ચર સ્કોર ઇન્ડેક્સ મુજબ, ભારતીય યુવાનો સૌથી વધુ અભ્યાસ કરે છે. શિક્ષણ એ ભારતીય યુવાનોની પ્રાથમિકતા છે. અહીંના યુવાનો દર અઠવાડિયે સરેરાશ ૧૦.૪૨ કલાક અભ્યાસ કરે છે, જે વિશ્વમાં સૌથી વધુ છે.
થાઈલેન્ડઃ આ યાદીમાં થાઈલેન્ડ બીજા ક્રમે છે, જે પ્રવાસન માટે પ્રખ્યાત છે. અહીંના યુવાનો અઠવાડિયાના ૯.૨૪ કલાક અભ્યાસમાં વિતાવે છે.
ચીનઃ ચીન આ યાદીમાં ત્રીજા સ્થાને છે, જ્યાં વિદ્યાર્થીઓ અઠવાડિયામાં લગભગ આઠ કલાક અભ્યાસ કરે છે.
ફિલિપાઈન્સઃ અહીંના લોકો અઠવાડિયામાં સરેરાશ ૭.૩૬ કલાક અભ્યાસ કરે છે.
ઈજીપ્તઃ ઈજીપ્ત આ યાદીમાં પાંચમા સ્થાને છે. મુસ્લિમ બહુમતી ધરાવતા આ દેશમાં લોકો અઠવાડિયામાં સરેરાશ ૭.૩ કલાક અભ્યાસમાં વિતાવે છે, જે અન્ય ખાડી દેશોથી વિપરીત છે.
ઓછામાં ઓછું શિક્ષણ ધરાવતા દેશો
યુકેઃ યુનાઇટેડ કિંગડમ સૌથી ઓછા શિક્ષિત દેશોમાંનો એક છે. અહીંના લોકો અઠવાડિયામાં સરેરાશ ૫.૧૮ કલાક અભ્યાસ કરે છે.
રશિયાઃ રશિયનો અઠવાડિયામાં સરેરાશ ૫ કલાક ૧૨ મિનિટ અભ્યાસ કરે છે.
સ્વીડનઃ સ્વીડિશ લોકો અઠવાડિયામાં સરેરાશ ૫ કલાક અભ્યાસ કરે છે.
ફ્રાંસઃ આ યાદીમાં ફ્રાન્સનું નામ પણ સામેલ છે. અહીંના લોકો અઠવાડિયામાં સરેરાશ ૪ કલાક ૦૬ મિનિટ જ અભ્યાસ કરે છે.
કોરિયાઃ કોરિયા આ યાદીમાં છેલ્લા સ્થાને છે. અહીંના લોકો અઠવાડિયામાં સરેરાશ ૩.૦૬ કલાક અભ્યાસ કરે છે. તે સૌથી ઓછા શિક્ષિત દેશોમાંનો એક છે.
(2:49 PM IST)









છેલ્લા 8 દિવસમાં સૌથી લોકપ્રિય 
