<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Tuesday, 12th November 2024

લો કર લો બાત ! કમાણીમાં હરિયાણાના લોકો બીજા ક્રમે છતાં ૭૦ ટકા પ્રજા BPL કેટેગરીમાં છે

૨.૮૦ કરોડની વસ્‍તીમાં ૧.૯૮ કરોડ જાહેર વિતરણ વ્‍યવસ્‍થા હેઠળ

નવી દિલ્‍હી, તા.૧૨: હરિયાણાની ગણતરી દેશના થોડા સમળદ્ધ રાજ્‍યોમાં થાય છે. તે માથાદીઠ આવકના સંદર્ભમાં ખૂબ આગળ છે અને ઘણા ગ્રામીણ જિલ્લાઓમાં દેશના તમામ શહેરી વિસ્‍તારોને પાછળ રાખે છે. આ પછી પણ એક આંકડો બધાને ચોંકાવનારો છે કે હરિયાણામાં ૭૦ ટકા લોકો BPL હેઠળ આવે છે. રાજ્‍યના ગ્રાહક અને પુરવઠા બાબતોના મંત્રાલયના ડેટા પરથી આ વાત સામે આવી છે.

ધ ટ્રિબ્‍યુનના અહેવાલ મુજબ, રાજ્‍યની આધાર-સંચાલિત જાહેર વિતરણ વ્‍યવસ્‍થામાં કુલ ૧.૯૮ કરોડ લોકોનો સમાવેશ થાય છે, જ્‍યારે રાજ્‍યની કુલ વસ્‍તી ૨.૮ કરોડ ગણવામાં આવે છે. આ રીતે હરિયાણાના ૭૦ ટકા લોકો ફ્રી રાશન જેવી સુવિધાનો લાભ લઈ રહ્યા છે.

આ આશ્‍ચર્યજનક છે કારણ કે ગયા વર્ષે જાહેર કરાયેલ માથાદીઠ આવકના આંકડામાં હરિયાણા બીજા સ્‍થાને છે. કર્ણાટક પ્રથમ ક્રમે છે, જ્‍યાં પ્રતિ વ્‍યક્‍તિ આવક ૩ લાખ રૂપિયાથી વધુ છે. બીજા સ્‍થાને હરિયાણા છે, જ્‍યાં માથાદીઠ વાર્ષિક આવક રૂ. ૨,૯૬,૬૮૫ છે. મહારાષ્‍ટ્ર, તમિલનાડુ અને ગુજરાત જેવા ઔદ્યોગિક રાજ્‍યો પણ પાછળ છે. તેમ છતાં બીપીએલ કાર્ડ ધારકોની સંખ્‍યા આટલી વધુ છે તે ચોંકાવનારી બાબત છે. તાજેતરના સમયમાં આ આંકડો ઝડપથી વધ્‍યો છે.

 આ વર્ષના એપ્રિલના ડેટા મુજબ ૬૩ ટકા લોકો BPLના દાયરામાં આવ્‍યા હતા અને હવે આ આંકડો વધીને ૭૦ ટકા થઈ ગયો છે. એવું માનવામાં આવે છે કે લોકસભા અને વિધાનસભાની ચૂંટણી દરમિયાન લાભાર્થીઓની સંખ્‍યા વધારવાના ઉદ્દેશ્‍યથી અભિયાન ચલાવવામાં આવ્‍યું હશે અને તેના કારણે આ આંકડો વધ્‍યો છે. રસપ્રદ વાત એ છે કે ડિસેમ્‍બર ૨૦૨૨માં આ સંખ્‍યા માત્ર ૧.૨૪ કરોડ હતી, જે હવે વધીને લગભગ બે કરોડ થવા જઈ રહી છે.

આ રીતે છેલ્લા બે વર્ષમાં ૭૫ લાખ લોકો BPLમાં ઉમેરાયા છે. BPL કાર્ડ ધારકોને દર મહિને વ્‍યક્‍તિ દીઠ ૫ કિલો રાશન મળે છે, જ્‍યારે બે લિટર તેલ ૪૦ રૂપિયાના દરે મળે છે. આ સિવાય ખાંડ ૧૩.૫ રૂપિયા પ્રતિ કિલોના ભાવે આપવામાં આવે છે. સમળદ્ધ કહેવાતા હરિયાણામાં બીપીએલની સંખ્‍યા કેવી રીતે સતત વધી રહી છે તે આશ્‍ચર્યજનક છે.

તાજેતરમાં નાયબ સિંહ સૈની સરકારે કહ્યું હતું કે ગ્રામીણ વિસ્‍તારોમાં બીપીએલ પરિવારોને ૧૦૦ ચોરસ યાર્ડનો પ્‍લોટ પણ આપવામાં આવશે. માનવામાં આવે છે કે તેના કારણે સંખ્‍યા વધી રહી છે. રાજ્‍યમાં દર મહિને આશરે ૧૦ લાખ ક્‍વિન્‍ટલ રાશનનું વિતરણ કરવામાં આવે છે.

મનોહર લાલ ખટ્ટર સરકારના કાર્યકાળમાં પણ આ પ્રશ્‍ન ઊભો થયો હતો કે જો હરિયાણામાં આટલા બધા બીપીએલ છે તો રાજ્‍ય સરકારના વિકાસના દાવાઓનું શું થયું? જો તેમના દાવા સાચા હોય તો BPLની સંખ્‍યા ઘટવાને બદલે સતત કેમ વધી રહી છે. મનોહર લાલ ખટ્ટર સરકારના સમયમાં પણ આ મુદ્દો ઉઠાવવામાં આવ્‍યો હતો. ત્‍યારે લોકો દ્વારા આપવામાં આવેલી આવકના આંકડાઓના આધારે કાર્ડ બનાવવામાં આવ્‍યા હોવાનું કહેવાય છે. આવી સ્‍થિતિમાં, પ્રશ્‍ન એ છે કે શું કોઈ અધિકળત માર્ગ હોવો જોઈએ કે નહીં કે લોકો જે પણ ડેટા આપી રહ્યા છે તેની તપાસ કરી શકાય.(૨૩.૩૬)

(3:57 PM IST)