તા. ૨૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૩ રવિવાર
News of Tuesday, 12th November 2024
ટ્રાઈએ ૧.૭૭ કરોડ સીમકાર્ડ બંધ કર્યા : ૧૫ લાખ ફોન ટ્રેસ કરાયા
ટેલિકોમ વિભાગની મોટી કાર્યવાહી : ફેક કોલ પર આવશે અંકુશ

નવી દિલ્હી, તા.૧૨: સરકારી ટેલિકોમ વિભાગે નકલી કોલ રોકવા માટે કડક પગલાં લીધા છે. તાજેતરમાં જ વિભાગે ૧.૭૭ કરોડ મોબાઈલ નંબર બ્લોક કર્યા છે. આનો ઉપયોગ નકલી કોલ કરવા માટે કરવામાં આવતો હતો. દેશના ૧૨૨ કરોડથી વધુ ટેલિકોમ વપરાશકર્તાઓની સુરક્ષા માટે, ટેલિકોમ વિભાગે TRAI સાથે મળીને આ પગલું ભર્યું છે. તેઓએ સાથે મળીને નકલી કોલ સામે કાર્યવાહી તેજ કરી છે. ટ્રાઈએ ગયા મહિને જ એક નવી પોલિસી બનાવી છે, જેના દ્વારા ઓપરેટર્સ હવે માર્કેટિંગ અને ફેક કૉલ્સ જાતે જ બંધ કરી શકશે. આ સાથે વ્હાઇટલિસ્ટિંગની જરૂર રહેશે નહીં.
ટેલિકોમ વિભાગના જણાવ્યા અનુસાર, દરરોજ લગભગ ૧.૩૫ કરોડ ફેક કોલ રોકવામાં આવી રહ્યા છે. આ સિવાય વિભાગે નકલી કોલ કરતા ૧.૭૭ કરોડ મોબાઈલ નંબર બ્લોક કર્યા છે. વિભાગે લોકોની ફરિયાદો પર કાર્યવાહી કરીને પાંચ દિવસમાં લગભગ ૭ કરોડ કોલ બંધ કરી દીધા છે. વિભાગે કહ્યું છે કે આ તેમના અભિયાનની શરૂઆત છે.
આ પહેલીવાર નથી જ્યારે વિભાગે નકલી કોલર્સને રોકયા હોય અગાઉ પણ તેણે લાખો સિમ કાર્ડ બંધ કરી દીધા હતા. ફેક કોલ રોકવા માટે વિભાગ કડક પગલાં લઈ રહ્યું છે. હવેથી, કૉલર્સ માત્ર વ્હાઇટલિસ્ટેડ ટેલિમાર્કેટિંગ કૉલ્સ પ્રાપ્ત કરશે.
તાજેતરમાં, સંચાર મંત્રાલયે એક નિવેદનમાં જણાવ્યું હતું કે બેંકો અને પેમેન્ટ વોલેટ્સ દ્વારા લગભગ ૧૧ લાખ ખાતાઓ ફ્રીઝ કરવામાં આવ્યા છે. સરકારનું કહેવું છે કે આગામી દિવસોમાં વધુ સિમ કાર્ડ બ્લોક કરવામાં આવશે. ડિપાર્ટમેન્ટ ઓફ ટેલિકોમ્યુનિકેશન્સ (ડીઓટી) સાથે કામ કરતા ચાર ટેલિકોમ સર્વિસ ઓપરેટરો (ટીએસપી) એ ટેલિકોમ નેટવર્ક સુધી પહોંચતા ૪૫ લાખ નકલી આંતરરાષ્ટ્રીય કૉલ્સને અવરોધિત કર્યા હતા.
(4:18 PM IST)









છેલ્લા 8 દિવસમાં સૌથી લોકપ્રિય 
