જે આદીવાસી સમાજને પાછલી સરકારોએ પૂછયું પણ નથી, મોદી તેને પૂજે છે : નરેન્દ્રભાઇ
ભગવાન બિરસા મુંડાની ૧૫૦મી જન્મ જ્યંતી પર વડાપ્રધાન મોદીએ બિહારના જમુઈમાં જનજાતીય ગૌરવ દિવસ ઉજવ્યો :કુલ ૬૬૪૦ કરોડની અનેક વિકાસ પરિયોજનાની ભેટ આપીઃ સ્મારક સીક્કો અને ટપાલ ટીકીટનું અનાવરણ
પટના, તા.૧૫: વડાપ્રધાન મોદી આજે બિહારના જમુઈમાં આદિવાસી ગૌરવ દિવસની ઉજવણી કરી. આ પ્રસંગે તેઓ બિરસા મુંડાની ૧૫૦મી જન્મજયંતિની ઉજવણીનું ઉદઘાટન કર્યું. વડાપ્રધાન મોદી ભગવાન બિરસા મુંડાના સન્માનમાં સ્મારક સિક્કા અને ટપાલ ટિકિટનું અનાવરણ કર્યું. તેઓ આદિવાસી સમુદાયોના ઉત્થાન અને પ્રદેશના ગ્રામીણ અને દૂરના વિસ્તારોમાં ઈન્ફ્રાસ્ટ્રક્ચરમાં સુધારો કરવાના ઉદ્દેશ્ય સાથે રૂ. ૬,૬૪૦ કરોડથી વધુની કિંમતની અનેક વિકાસ યોજનાઓનું ઉદઘાટન અને શિલાન્યાસ પણ કર્યા.
આ પ્રસંગે વડાપ્રધાન મોદી પ્રધાનમંત્રી આદિજાતિ ન્યાય મહા અભિયાન હેઠળ બનેલા ૧૧,૦૦૦ મકાનોના ઉદઘાટનમાં હાજરી આપી તેઓ આદિવાસી વિસ્તારોમાં આરોગ્ય સેવાઓની પહોંચ વધારવા માટે PM-જનમન હેઠળ શરૂ કરાયેલા ૨૩ મોબાઈલ મેડિકલ યુનિટ્સ (MMUs) અને ધરતી આબા આદિવાસી ગ્રામ ઉત્કર્ષ અભિયાન (DAZGUA) હેઠળ વધારાના ૩૦ MMUનું પણ ઉદઘાટન કર્યું.
પ્રધાનમંત્રી આદિવાસી ઉદ્યોગસાહસિકતાને પ્રોત્સાહન આપવા અને આજીવિકા નિર્માણમાં મદદ કરવા માટે ૩૦૦ વન ધન વિકાસ કેન્દ્રો અને આદિવાસી વિદ્યાર્થીઓને સમર્પિત આશરે રૂ.૪૫૦ કરોડના ખર્ચે ૧૦ એકલવ્ય મોડેલ રેસિડેન્શિયલ સ્કૂલનું ઉદઘાટન કર્યું. તેઓ આદિવાસી સમુદાયોના સમળદ્ધ ઇતિહાસ અને વારસાના દસ્તાવેજીકરણ અને જાળવણીના ઉદ્દેશ્ય સાથે મધ્યપ્રદેશના છિંદવાડા અને જબલપુર ખાતે બે આદિજાતિ સ્વતંત્રતા સેનાની સંગ્રહાલયો અને શ્રીનગર (જમ્મુ અને કાશ્મીર) અને ગંગટોક (સિક્કિમ) ખાતે બે આદિજાતિ સંશોધન સંસ્થાઓનું પણ ઉદ્ધાટન કર્યું.
વડાપ્રધાન મોદી આદિવાસી વિસ્તારોમાં કનેક્ટિવિટી સુધારવા માટે ૫૦૦ કિમીના નવા રસ્તાઓ અને ૧૦૦ બહુહેતુક કેન્દ્રોનો શિલાન્યાસ કર્યો. જે પીએમ જનમન હેઠળ સમુદાય કેન્દ્રો તરીકે કાર્ય કરશે. તેઓ આદિવાસી બાળકો માટે ગુણવત્તાયુક્ત શિક્ષણની પ્રતિબદ્ધતાને આગળ વધારતા રૂ.૧,૧૧૦ કરોડથી વધુના ખર્ચની ૨૫ વધારાની એકલવ્ય મોડલ રેસિડેન્શિયલ સ્કૂલનો શિલાન્યાસ પણ કર્યો.
પીએમ નરેન્દ્રભાઈ મોદી સમક્ષ આદિવાસી મહિલાઓએ લોકનળત્ય રજૂ કર્યું હતું. પીએમ મોદીએ તેમની પાસે જઈને અભિનંદન પાઠવ્યા હતા. આ પછી તેમણે ભગવાન બિરસા મુંડાને પ્રણામ કર્યા. પીએમ મોદીની સાથે સીએમ નીતિશ કુમાર, રાજ્યપાલ રાજેન્દ્ર વિશ્વનાથ આર્લેકર, કેન્દ્રીય મંત્રી જીતન રામ માંઝી, ગિરિરાજ સિંહ, ચિરાગ પાસવાન, નાયબ મુખ્યમંત્રી વિજય સિંહા, સમ્રાટ ચૌધરી, જેડીયુના કાર્યકારી અધ્યક્ષ સંજય ઝા સહિત ઘણા નેતાઓ અને મંત્રીઓ હાજર રહ્યા હતા.
નરેન્દ્રભાઈએ સભા સંબોધન દરમિયાન કહ્યું કે, આદિવાસી વિસ્તારોમાં આયુષ્માન આરોગ્યમ મંદિરો બનાવવામાં આવી રહ્યા છે. હું પ્રકળતિપ્રેમી આદિવાસી સમાજ વિશે સમગ્ર વિશ્વને જણાવવાનો ઙ્કયાસ કરું છું. આદિવાસી સમાજ પ્રકળતિ, સૂર્ય અને વાયુની પૂજા કરતો સમાજ છે. દેશના આદિવાસી પ્રભુત્વ ધરાવતા જિલ્લાઓમાં બિરસા મુંડા ટ્રાઇબલ પ્રાઇડ પાર્ક બનાવવામાં આવશે. જેમાં હજારો વળક્ષો વાવવામાં આવશે. આ માટે દરેકના સહકારની જરૂર છે. ફરી એકવાર આપ સૌને આદિવાસી ગૌરવ દિવસની ખૂબ ખૂબ શુભેચ્છાઓ.
આજે દેશના દરેક રાજ્યમાં કાર્યક્રમોનું આયોજન કરવામાં આવી રહ્યું છે. તેમણે અંગિકા ભાષામાં લોકોને પ્રણામ કર્યા. કહ્યું કે આજનો દિવસ ખૂબ જ પવિત્ર છે. આજે કાર્તિક પૂર્ણિમા છે. દેવ દિવાળી છે. ગુરુ નાનક દેવજીની જન્મજયંતિ છે. આજે ભગવાન બિરસા મુંડાની જન્મજયંતિ છે. હું તમામ દેશવાસીઓ અને વનવાસી ભાઈઓ અને બહેનોને અભિનંદન આપું છું. છેલ્લા કેટલાક દિવસોમાં અહીંના લોકોએ સ્વચ્છતા અભિયાન હાથ ધર્યું હતું. ભાજપના કાર્યકરોએ સ્વચ્છતા અભિયાન હાથ ધર્યું. હું આ વિશેષ પ્રયાસ માટે જમુઈના લોકોનો આભાર માનું છું.
આ દેશ આદિવાસી ભાઈઓના બલિદાનને કયારેય ભૂલી શકશે નહીં. એનડીએ ભાગ્યશાળી છે કે તેણે દ્રૌપદી મુર્મુને રાષ્ટ્રપતિ બનાવ્યા. સીએમ નીતિશ બાબુએ સમગ્ર દેશને તેમને જીતાડવાની અપીલ કરી હતી. જ્યારે દ્રૌપદી મુર્મુ રાષ્ટ્રપતિ બની ત્યારે તે અત્યંત પછાત આદિવાસીઓનો ઉલ્લેખ કરતી હતી. અગાઉની સરકારોએ આ વિશે વિચાર્યું ન હતું. તેમના માટે પીએમ જનમન યોજના શરૂ કરવામાં આવી હતી. જેના કારણે દેશના પછાત આદિવાસીઓનો વિકાસ થઈ રહ્યો છે. આજે આ યોજનાનું એક વર્ષ પૂર્ણ થઈ રહ્યું છે. પછાત આદિવાસીઓને મકાન, વીજળી અને રસ્તાનો લાભ આપવામાં આવી રહ્યો છે. અગાઉની સરકારોએ જેને કઈ આપ્યું ન હતું તેને મોદી પૂજે છે.
પીએમ મોદીએ કહ્યું કે અમારી સરકારે આદિવાસી વારસાને બચાવવા માટે ઘણા પગલાં લીધા છે. ઘણા આદિવાસીઓને પદ્મ પુરસ્કારોથી નવાજવામાં આવ્યા હતા. તમે બધાએ ભગવાન બિરસા મુંડાના સંગ્રહાલયની મુલાકાત અવશ્ય લેવી જોઈએ. આજે, આદિવાસી વારસાને જાળવવા માટે ઘણા સંગ્રહાલયો અને સંશોધન કેન્દ્રો ખોલવામાં આવ્યા છે. સિક્કા અને ટપાલ ટિકિટ બહાર પાડવામાં આવી.
અમારી સરકારે માતળભાષામાં પરીક્ષાનો વિકલ્પ આપ્યો છે. આ નિર્ણયોએ આદિવાસી બાળકોના સપનાઓને પાંખો આપી છે. આદિવાસી યુવાનોએ આંતરરાષ્ટ્રીય ટુર્નામેન્ટમાં દેશ માટે મેડલ જીત્યા હતા. ખેલો ઈન્ડિયા અભિયાન હેઠળ આદિવાસી વિસ્તારોમાં રમતના મેદાનો બનાવવામાં આવી રહ્યા છે.
સીએમ નીતિશ કુમારે કહ્યું કે હું ફરીથી કહું છું કે અમે હવે એનડીએમાં જ રહીશું. વચ્ચે કેટલાક લોકોએ કંઈક ખોટું કર્યું હતું. અમે શરૂઆતથી જ આદરણીય અટલજીની સાથે રહ્યા. અમે ૧૯૯૫ થી સાથે છીએ. અમે અહીં અને ત્યાં નહીં જઈએ. સંપૂર્ણ રીતે પીએમ મોદીની સાથે રહેશે. હવે આપણે કયાંય જઈશું નહીં. પીએમ મોદી દેશમાં કામ કરી રહ્યા છે. તે જ્યાં જાય છે ત્યાં કોઈને કોઈ કામ કરાવે છે. આજે અમે જમુઈ પહોંચ્યા છીએ તે ખૂબ જ આનંદની વાત છે. હું પીએમ મોદીને અભિનંદન આપું છું. આપ સૌએ પણ હાથ ઉંચા કરીને અભિનંદન પાઠવવા જોઈએ.(૨૩.૨૪)
(4:22 PM IST)
છેલ્લા 8 દિવસમાં સૌથી લોકપ્રિય 
