નવી દિલ્‍હી, તા.૧૯: સરકાર ૨૦૨૯માં સંસદ અને તમામ રાજ્‍યોની વિધાનસભાઓની ચૂંટણી એકસાથે કરાવવાની દિશામાં એક પગલું આગળ વધારવા જઈ રહી છે. અહેવાલ છે કે સરકાર ૨૫ નવેમ્‍બરથી શરૂ થતા સંસદના શિયાળુ સત્રમાં વન નેશન, વન ઇલેક્‍શન (બ્‍ફબ્‍ચ્‍)ઁ પર એક સક્ષમ બિલ રજૂ કરી શકે છે. વિપક્ષો, ખાસ કરીને કોંગ્રેસ સાથેની વાતચીત અને સર્વસંમતિ બનાવવાના પ્રયાસો બાદ બિલ રજૂ કરવામાં આવશે.

વિરોધ પક્ષોનો સહયોગ જરૂરી છે

મહત્‍વનું છે કે, બંધારણીય સુધારાને આગળ લઈ જવા માટે વિપક્ષ અને બિન-NDA પક્ષોના સમર્થનની જરૂર પડશે. સૂત્રોએ સંકેત આપ્‍યો છે કે રામનાથ કોવિંદની આગેવાની હેઠળની સમિતિના અહેવાલ સાથે બિલ રજૂ કરવામાં આવશે. સમિતિએ ONOEની ભલામણ કરી હતી. બિલો રજૂ થયા પછી, સરકાર સંસદમાં ચર્ચા શરૂ કરશે, પરંતુ જ્‍યાં સુધી વ્‍યાપક સર્વસંમતિ ન આવે ત્‍યાં સુધી મતદાનને સ્‍થગિત કરી શકે છે.

સંસદીય બાબતોના પ્રધાન કિરેન રિજિજુએ સોમવારે સરકારના ઇરાદાનો સંકેત આપતા કહ્યું હતું કે મોદીજીએ દેશના વિકાસ માટે દર પાંચ વર્ષે એકસાથે ચૂંટણી યોજવા પર ભાર મૂકયો હતો. તેમની વિનંતીના આધારે, કોવિંદ પેનલની રચના કરવામાં આવી હતી અને સબમિટ કરેલા અહેવાલને કેન્‍દ્રીય કેબિનેટ દ્વારા મંજૂરી આપવામાં આવી હતી. હવે અમે સંસદમાં સંબંધિત બિલ લાવવા માટે તૈયાર છીએ. તેમણે કહ્યું કે લોકશાહીમાં વિરોધને અવકાશ હોય છે, પરંતુ વિરોધ ખાતર બિલનો વિરોધ ન કરવો જોઈએ.

કેન્‍દ્રીય મંત્રીએ કહ્યું કે એક સાથે ચૂંટણી શા માટે થવી જોઈએ તે દેશને જણાવવા માટે ચર્ચા થવી જોઈએ. પ્રથમ પ્રસ્‍તાવિત બંધારણ સુધારો બિલ કલમ ૮૩ (લોકસભાની મુદત) અને કલમ ૧૭૨ (રાજ્‍ય વિધાનસભાની મુદત)માં સુધારો કરીને કલમ ૮૨Aમાં સુધારો કરવા માંગે છે. કોવિંદ પેનલે કહ્યું કે આ સુધારાને રાજ્‍યો દ્વારા બહાલીની જરૂર નથી.

સ્‍થાનિક સંસ્‍થાઓની ચૂંટણીઓને સામાન્‍ય ચૂંટણીઓ સાથે સમન્‍વયિત કરવા માટે કલમ ૩૨૫માં સુધારો કરીને કલમ ૩૨૪ખ્‍માં બંધારણીય સુધારાની જરૂર પડશે. આ માટે રાજ્‍યો દ્વારા બહાલીની જરૂર પડશે.