મહારાષ્ટ્ર નવનિર્માણ સેનાના પ્રમુખ રાજ ઠાકરેએ આ વખતે વિધાનસભા ચૂંટણીમાં 128 ઉમેદવારોને મેદાનમાં ઉતાર્યા હતા. પરંતુ આ વખતે એક પણ ઉમેદવાર જીત્યો નથી. તેમના પુત્ર અમિત ઠાકરે પણ માહિમ બેઠક પરથી ચૂંટણી હારી ગયા છે. 2019માં રાજ ઠાકરેની પાર્ટીએ ચૂંટણીમાં 101 ઉમેદવારો ઉભા રાખ્યા હતા.

  જેમાં રાજુ પાટીલ કલ્યાણ ગ્રામ્યમાંથી જીત્યા હતા. આ વખતે શિવસેનાના રાજેશ મોરે કલ્યાણ ગ્રામીણમાંથી જીત્યા છે. જેના કારણે હવે તેમની પ્રાદેશિક પાર્ટીની સ્થિતિ અને ચૂંટણી ચિન્હ પણ જોખમમાં આવી શકે છે. ચૂંટણી પંચના જણાવ્યા અનુસાર સાંજે પાંચ વાગ્યા સુધી તમામ પક્ષોના મતદાન ટકાવારીના આંકડા જાહેર કરવામાં આવ્યા હતા. જેમાં સાંજે 5 વાગ્યા સુધી MNSને 1.60 ટકા વોટિંગ મળ્યું હતું.

     પ્રાદેશિક દરજ્જો મેળવવા માટે ત્રણ શરતો મૂકવામાં આવી છે. જેમાંથી એક પૂર્ણ કરવાની રહેશે. આમાં કોઈપણ પક્ષને વિધાનસભામાં 3 ટકા અથવા 3 બેઠકો જીતવી પડશે. બીજું, લોકસભા અથવા વિધાનસભામાં કુલ માન્ય મતોના 6 ટકા જીતવું, ઓછામાં ઓછી એક લોકસભા અથવા 2 વિધાનસભા બેઠકો જીતવી; આ વખતે MNS 3 ધારાસભ્યોનો આંકડો પાર કરી શકી નથી.