મુંબઈ તા.૨૪

 મહારાષ્ટ્ર વિધાનસભાની ચૂંટણીમાં અનેક રાજકીય પરિવારોના સભ્યો એકબીજાની સામે ઉભા હતા. ઘણી બેઠકો પર ઉમેદવારોને તેમના જ પરિવારના સભ્યો તરફથી હારનો સામનો કરવો પડ્યો હતો. શરદ પવારના ભત્રીજા અજિત પવારે તેમના ભત્રીજાને ચૂંટણીમાં હરાવ્યા છે. અજિત પવાર બારામતી વિધાનસભા ચૂંટણીમાં તેમના મોટા ભાઈના પુત્ર યુગેન્દ્ર પવાર સામે લડી રહ્યા હતા. 

મહાયુતિ દ્વારા જીતવામાં આવેલી બેઠકો મહારાષ્ટ્ર વિધાનસભા ચૂંટણીમાં કોઈપણ પક્ષ અથવા ગઠબંધન દ્વારા જીતવામાં આવેલી સૌથી વધુ બેઠકો છે. અગાઉ 1972માં કોંગ્રેસને 222 બેઠકો મળી હતી. ઉદ્ધવ ઠાકરે, શરદ પવાર અને કોંગ્રેસ પોતપોતાના ગઢમાં પણ સારું પ્રદર્શન કરી શક્યા નથી. આ ચૂંટણીમાં અનેક રાજકીય પરિવારોના સભ્યો એકબીજાની સામે ઉભા હતા. ઘણી બેઠકો પર ઉમેદવારોને તેમના જ પરિવારના સભ્યો તરફથી હારનો સામનો કરવો પડ્યો હતો. 

કાકાએ ભત્રીજાને માત આપી

શરદ પવારના ભત્રીજા અજિત પવારે તેમના ભત્રીજાને ચૂંટણીમાં હરાવ્યા છે. અજિત પવાર બારામતી વિધાનસભા ચૂંટણીમાં તેમના મોટા ભાઈના પુત્ર યુગેન્દ્ર પવાર સામે લડી રહ્યા હતા. અજિત પવારે તેમના ભત્રીજાને એક લાખથી વધુ મતોથી હરાવ્યા છે. અજિત પવાર સતત આઠમી વખત આ વિધાનસભા બેઠક પરથી ચૂંટણી જીત્યા છે. 

સંજના જાધવે તેના પૂર્વ પતિને હરાવ્યા

પૂર્વ કેન્દ્રીય મંત્રી અને ભાજપના નેતા રાવસાહેબ દાનવેની પુત્રી સંજના જાધવ છત્રપતિ સંભાજીનગર જિલ્લાની કન્નડ વિધાનસભા બેઠક પરથી તેના પૂર્વ પતિ સામે ચૂંટણી લડી રહી હતી. તેણે ચૂંટણીમાં તેના વિમુખ પતિ હર્ષવર્ધન જાધવને હરાવ્યા હતા. સંજનાએ હર્ષવર્ધનને લગભગ 18 મતોના માર્જિનથી હરાવ્યા છે. 

પિતાએ પુત્રીને હરાવી

ગઢચિરોલીના અહેરી વિધાનસભા ક્ષેત્રમાં પિતા અને પુત્રી વચ્ચે લડાઈ ચાલી રહી છે. એનસીપીના નેતા અને રાજ્યકક્ષાના મંત્રી ધરમ રાવબાબા આત્રામ પોતાની પુત્રી સામે ચૂંટણી લડી રહ્યા હતા. આ બેઠક પર પિતાએ તેમની પુત્રી ભાગ્યશ્રી આત્રામને હરાવ્યા હતા. 

ભાઈ અને બહેન વચ્ચે ટક્કર

ભાજપના ભૂતપૂર્વ લોકસભા સભ્ય પ્રતાપ પાટીલ ચિખલીકરે નાંદેડના લોહા વિધાનસભા ક્ષેત્રમાં NCP ઉમેદવાર તરીકે ચૂંટણી લડી હતી. તેમણે ચૂંટણીમાં તેમની બહેન આશાબાઈ શિંદેને હરાવ્યા હતા. 

ઠાકરે પરિવારમાં એક ભાઈની હારા બીજાની જીત

આ ચૂંટણીમાં ઠાકરે પરિવારની પણ ખૂબ ચર્ચા થઈ રહી હતી. એક તરફ ઉદ્ધવ ઠાકરેના પુત્ર આદિત્ય ઠાકરે વર્લીથી ચૂંટણી લડી રહ્યા હતા. રાજ ઠાકરેના પુત્ર અમિત ઠાકરે માહિમ બેઠક પરથી ચૂંટણી લડી રહ્યા હતા. ચૂંટણીના પરિણામોની વાત કરીએ તો આદિત્ય ઠાકરે ચૂંટણીમાં વિજયી બન્યા છે. આ સાથે જ અમિત ઠાકરેને હારનો સામનો કરવો પડ્યો હતો.