નવી દિલ્‍હીઃ  યુદ્ધ વિરામના પ્રયાસો વચ્ચે ઈઝરાયલે લેબેનોનમાં હિઝબુલ્લાહ સામે સૈન્ય અભિયાન તેજ કરી દીધું છે. આ કડીમાં શનિવારે લેબેનોન પર ઈઝરાયલના હુમલામાં 28 લોકોના મોત થઈ ગયાં હતાં. આરોગ્ય મંત્રાલયે જણાવ્યું હતું કે, મધ્ય બેરૂતમાં હવાઈ હુમલામાં 15 લોકોની મોત થઈ ગઈ હતી. વળી, રાજધાનીના ઉત્તર-પૂર્વમાં  થયેલા હુમલામાં અન્ય 13 લોકોની મોત થઈ ગઈ હતી.
લેબેનોનની રાજધાનીમાં આ અઠવાડિયે ચોથીવાર હુમલો કરવામાં આવ્યો છે. લેબેનોનના સુરક્ષા અધિકારી અનુસાર, મધ્ય બેરૂતમાં એક આઠ માળની ઈમારતને નિશાનો બનાવવામાં આવ્યો. તેના પર ચાર મિસાઇલ છોડવામાં આવી હતી. આ હુમલામાં ટનલને તબાહ કરનારી મિસાઇલનો ઉપયોગ કરવામાં આવ્યો હતો. જે જગ્યાએ હુમલો કરવામાં આવ્યો, ત્યાં ઊંડો ખાડો પડી ગયો હતો.
ઈઝરાયલી વાયુસેનાએ બેરૂતના દક્ષિણી ઉપનગરોમાં હિઝબુલ્લાહની કેટલીક જગ્યાઓને પણ નિશાન બનાવી હતી. અમેરિકન રાજદૂત અમોસ હોચસ્ટીને તાજેતરમાં લેબેનોન અને ઈઝરાયેલની મુલાકાત લીધી હતી. જણાવી દઈએ કે, 7 ઓક્ટોબર 2023ના રોજ હમાસે ઈઝરાયલમાં જોરદાર હુમલો કર્યો હતો. ત્યારથી ઈઝરાયલ હમાસને ખતમ કરવા માટે ગાઝામાં સૈન્ય અભિયાન ચલાવી રહ્યું છે. હમાસના સમર્થનમાં લેબેનોનથી હુમલા કરનારા હિઝબુલ્લાહ સામે પણ ઈઝરાયલી દળો કાર્યવાહી કરી રહ્યા છે. ગાઝામાં ઈઝરાયલની કાર્યવાહીમાં અત્યાર સુધીમાં 44,176 પેલેસ્ટિનિયન માર્યા ગયા છે.
હુમલામાં ઈઝરાયલની મહિલા બંધકનું મોત થઈ હતી. હમાસની સશસ્ત્ર પાંખના પ્રવક્તા અબુ ઉબૈદાએ કહ્યું કે, ઈઝરાયલની મહિલા જેને હમાસે બંધક બનાવી રાખી હતી, તે ઈઝરાયલના જ હુમલામાં મૃત્યુ પામી છે. વળી, પેલેસ્ટાઇનનાં ડૉક્ટરોએ શનિવારે કહ્યું કે, ગાઝાપટ્ટી પર ઈઝરાયલ સૈન્ય હુમલામાં છેલ્લાં 48 કલાકમાં 120 પેલેસ્ટાઇનના લોકોની મોત થઈ ગઈ. ઈઝરાયલની એક હોસ્પિટલ પર પણ હુમલો કરવામાં આવ્યો હતો, જેમાં આરોગ્ય કર્મચારીઓ ઘાયલ થયાં અને ઉપકરણોને પણ નુકસાન પહોંચાડવામાં આવ્યું. ઈઝરાયલી સેનાનું કહેવું છે કે, તેનું લક્ષ્ય હમાસના લડવૈયાના હુમલા રોકવા અને ફરી સંગઠિત થતા રોકવાનો છે.