રોટલી - ભાત ખાવાનું બંધ કરો : વજન ઘટાડવાની દેશી રીત જણાવતા સ્વામીજી : લીલીદાળ વધુ અસરકારક
જો તમે વજન ઘટાડવાના તમામ ઉપાયો અજમાવીને કંટાળી ગયા હોવ તો તમારે કથાકાર અનિરુદ્ધાચાર્યની પદ્ધતિ અજમાવી જુઓ
નવી દિલ્હી, તા.૨૯: સ્થૂળતા એ એક ગંભીર અને ઝડપથી વધતી સમસ્યા છે જે સ્વાસ્થ્યને અનેક ગંભીર નુકસાન પહોંચાડી શકે છે. સ્થૂળતા ડાયાબિટીસથી લઈને કેન્સર સુધીના ઘણા જીવલેણ રોગોનું કારણ છે. સ્થૂળતાથી બચવા અથવા વજનને કાબૂમાં રાખવા માટે આહારનું ધ્યાન રાખવું ખૂબ જ જરૂરી છે.
તમે જે ખાઓ છો તે તમારું વજન વધારી અથવા ઘટાડી શકે છે. કથાકાર અનિરુદ્ધાચાર્યજીએ કબૂલ્યું છે કે (સંદર્ભ) વજન વધવાનું મુખ્ય કારણ ખાવાની ખોટી રીત છે. તેમ કહયું કે વજન વધવાનું મુખ્ય કારણ વધુ પડતી રોટલી ખાવી છે. ઘણીવાર લોકો દસ- દસ રોટલી ખાય છે.
તેમણે કહયું કે જે વસ્તુઓનું વધુ સેવન કરવું જોઈએ જેમ કે કઠોળ અને શાકભાજી ઓછી ખાવામાં આવે છે. ખાસ કરીને સ્ત્રીઓ થોડી દાળ-શાક સાથે ૫-૬ રોટલી ખાય છે જે તેમનામાં સ્થૂળતાનું કારણ છે.
૬ રોટલી નહીં પણ ૬ વાડકી દાળથી ઉકેલાશે મામલો
અનિરુદ્ધાચાર્યએ કહ્યું કે જો તમારે વજન વધતું અટકાવવું હોય અને તેને ઓછું કરવું હોય તો તમારે છ રોટલી ખાવાની જરૂર નથી પરંતુ તેના બદલે છ વાટકી દાળ પીવો. રોટલી એક કે બે જ ખાવી જોઈએ.
દાળ પ્રોટીનનો ઉત્તમ સ્ત્રોત છે
અનિરુદ્ધાચાર્યએ કહ્યું છે કે દાળ વજનને નિયંત્રણમાં રાખવાનો એક ઉત્તમ ઉપાય છે. પેટ ભરવા માટે રોટલી કરતાં દાળ ખાવી જોઈએ. દાળ પ્રોટીનનો સારો સ્ત્રોત છે. વજન ઘટાડવા અને સ્નાયુઓ વધારવા માટે પ્રોટીન એક આવશ્યક પોષક તત્વ છે.
વધુ ભાત ખાવાનું બંધ કરો
અનિરુદ્ધાચાર્યએ કહ્યું કે ભાત સ્થૂળતાનું મુખ્ય કારણ છે. ઘણા લોકો એક થાળી ભાત ખાય છે. વધુ પડતા ભાત ખાવાથી સ્થૂળતા વધી શકે છે. આ કરવાનું બંધ કરો. ભાત ઓછા ખાઓ અને તેના બદલે દાળ અને શાકભાજીનું વધુ સેવન કરો.
બાળકોને મગની દાળ વધુ ખવડાવો
વજન કંટ્રોલ કરવા અને શરીરને મજબુત બનાવવા માટે દાળ પીઓ અને બાળકોને પીવા માટે બે વાટકી દાળ આપો. તેમને માત્ર મગની દાળ ખવડાવો. દાળશરીરની શક્તિ વધારે છે. ભાત અને રોટલી ખાવાથી સ્થૂળતા વધે છે. દાળ અને શાકભાજીમાંથી શરીરને એનર્જી મળે છે.
દાળનું પાણી પણ અસરકારક છે
અનિરુદ્ધાચાર્યએ જણાવ્યું કે દાળની સાથે સાથે દાળનું પાણી પણ સ્વાસ્થ્ય માટે સારું છે. તેમણે કહ્યું કે ડોક્ટરો પણ દાળના પાણીના સેવનની સલાહ આપે છે. તેનું કારણ એ છે કે તેનાથી સ્થૂળતા વધતી નથી.
અસ્વીકરણઃ આ લેખ ફક્ત સામાન્ય માહિતી માટે છે. તે કોઈપણ રીતે કોઈપણ દવા અથવા સારવારનો વિકલ્પ હોઈ શકે નહીં. વધુ માહિતી માટે હંમેશા તમારા ડૉક્ટરની સલાહ લો.
(10:11 AM IST)
છેલ્લા 8 દિવસમાં સૌથી લોકપ્રિય 
