<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Wednesday, 4th December 2024

બેંક ખાતામાં કેટલા લોકોને નોમિની બનાવી શકાય:નાણામંત્રીએ જણાવ્યા નિયમો :સાયબર ફ્રોડને રોકવા બનાવ્યો માસ્ટર પ્લાન

બેંકિંગ કાયદા (સુધારા) બિલ, 2024 લોકસભામાં પસાર થયું :કેટલાક વિપક્ષી સાંસદોએ કહ્યું કે દેશની વર્તમાન બેંકિંગ સિસ્ટમ નબળી છે તો તેના જવાબમાં સીતારમણે કહ્યું કે ભારતીય બેંકોની સ્થિતિ ઘણી મજબૂત છે અને તેનાથી દેશની અર્થવ્યવસ્થાને ઘણો ફાયદો થઈ રહ્યો છે

નવી દિલ્હી. હવે એક વ્યક્તિના બદલે તમે તમારા બેંક ખાતામાં ચાર લોકોને નોમિની બનાવી શકો છો. મંગળવારે લોકસભામાં પસાર થયેલા બેંકિંગ કાયદા (સુધારા) બિલ, 2024માં આ માટેની જોગવાઈ છે. આ કારણે ગ્રાહકોને માત્ર બેંક ખાતાઓ માટે જ નહીં પરંતુ બેંકોમાં રાખવામાં આવેલા લોકર અથવા અન્ય બેંકિંગ સેવાઓ માટે પણ ચાર સુધી નોમિની બનાવવાનો અધિકાર આપવામાં આવ્યો છે

     નાણામંત્રીએ જુલાઈ 2024માં પોતાના બજેટ ભાષણમાં આ બિલની રજૂઆતની જાહેરાત કરી હતી. આ બિલ દ્વારા સરકારે RBI એક્ટ, 1934, બેન્કિંગ રેગ્યુલેશન એક્ટ, 1949, SBI એક્ટ, 1955, બેન્કિંગ કંપની એક્ટ, 1970-1980 ની ઘણી જોગવાઈઓમાં એક સાથે સુધારો કર્યો છે.

     વર્તમાન નિયમ મુજબ, બેંક ખાતા માટે ફક્ત એક જ વ્યક્તિને નોમિની બનાવી શકાય છે, પરંતુ કોવિડ દરમિયાન મોટી સંખ્યામાં મૃત્યુ થયા પછી, બેંકો સમક્ષ આવા હજારો કાનૂની વિવાદો આવ્યા છે જેમાં એક બેંક ખાતા પર અનેક લોકોએ દાવા કર્યા છે.

   તે પછી, તે જરૂરી લાગ્યું કે ખાતાધારકને તેની ઇચ્છા મુજબ તેના પ્રિયજનો વચ્ચે ખાતામાં જમા નાણાંની વહેંચણી કરવા માટે વધુ અધિકારો આપવામાં આવે. બેંક ખાતાધારક નક્કી કરી શકે છે કે તેના દ્વારા નામાંકિત લોકોને કેટલો શેર મળશે. આ સાથે બેંક ખાતામાં જમા નાણાંની વહેંચણીનું કામ વધુ સરળતાથી થશે.

સુધારા દ્વારા, સરકારે દેશની સહકારી બેંકોના સંચાલનમાં કેટલાક મહત્વપૂર્ણ ફેરફારોનો માર્ગ પણ મોકળો કર્યો છે. સહકારી બેંકોમાં ડિરેક્ટરનો કાર્યકાળ 8 વર્ષથી વધારીને 10 વર્ષ કરવામાં આવ્યો છે. સેન્ટ્રલ કોઓપરેટિવ બેંકોના ડિરેક્ટરોને રાજ્ય સહકારી બેંકોના બોર્ડ ઓફ ડિરેક્ટર્સના સભ્ય બનવાની મંજૂરી આપવામાં આવી છે.

   રોકડ અનામતની ગણતરીનો સમય બદલાયો સરકારનું કહેવું છે કે આ નિર્ણયથી કેન્દ્ર અને રાજ્ય સહકારી બેંકો વચ્ચે વધુ સારો તાલમેલ સર્જાશે. બેંકો માટે અન્ય એક મહત્વપૂર્ણ ફેરફાર એ છે કે તેમની રોકડ અનામતની ગણતરીના સમયમાં ફેરફાર કરવામાં આવ્યો છે

  . અત્યાર સુધી, બેંકોએ તેમના રોકડ અનામતની ગણતરી બીજા અઠવાડિયાના શનિવારે કરવાની હતી. હવે દર મહિને 1લીથી 15મી અને 16મીથી મહિનાના છેલ્લા દિવસ સુધી તેની ગણતરી કરવામાં આવશે. બિલ પર ચાલી રહેલી ચર્ચાના જવાબમાં નાણામંત્રી સીતારમણે સ્વીકાર્યું કે સાયબર ફ્રોડ એક ગંભીર પડકાર છે. આને અંકુશમાં લેવા માટે સરકારી સ્તરે વધુ કડક પગલાં લેવાની તૈયારી છે. આ માટે અનેક પાસાઓ પર કામ ચાલી રહ્યું છે

   ખરડાની રજૂઆત કરતા નાણામંત્રીએ કહ્યું કે તેનો ઉદ્દેશ્ય દેશની બેંકિંગ સિસ્ટમમાં શાસનને મજબૂત કરવાનો અને સામાન્ય બેંકિંગ ગ્રાહકોને વધુ સારી સેવા આપવાનો છે. આ બિલમાં બેંકોના મેનેજમેન્ટને વધુ સત્તા આપવાની જોગવાઈ પણ છે.

(1:03 AM IST)