નવી દિલ્‍હી, તા.૯: દેશમાં ઈન્‍કમ ટેક્‍સ રિટર્ન (ITR) ફાઈલ કરતી મહિલાઓની સંખ્‍યા ઝડપથી વધી રહી છે. નાણા મંત્રાલયના આંકડા મુજબ, ઘણા રાજ્‍યોમાં દર વર્ષે મહિલાઓની સંખ્‍યા વધી રહી છે. આના કારણો સામે આવ્‍યા છે. તેમાં કામની સારી તકો મેળવવી, ભાગીદારીમાં વધારો, કામમાં સ્‍વતંત્રતા વગેરેનો સમાવેશ થાય છે.

ટાઈમ્‍સ ઓફ ઈન્‍ડિયા અનુસાર મહારાષ્‍ટ્રની મહિલાઓ રાજ્‍યો પ્રમાણે રિટર્ન ભરવામાં આગળ હતી. મહારાષ્‍ટ્રની ૩૬.૮ લાખ મહિલાઓએ આકારણી વર્ષ ૨૦૨૩-૨૪ માટે આવકવેરા રિટર્ન ફાઈલ કર્યું છે. ગુજરાત બીજા ક્રમે રહ્યું હતું. અહીંથી ૨૨.૫ લાખ મહિલાઓ દ્વારા ITR ફાઈલ કરવામાં આવી હતી. ત્રીજા સ્‍થાને ઉત્તર પ્રદેશ છે જ્‍યાંથી ૨૦.૪ લાખ મહિલાઓએ ITR ફાઇલ કર્યું છે.

યુપીની મહિલાઓ પણ છેલ્લા ૫ વર્ષમાં રિટર્ન ભરવામાં આગળ રહી છે. આકારણી વર્ષ ૨૦૧૯-૨૦માં ૧૫.૮ લાખ મહિલાઓએ રિટર્ન ફાઈલ કર્યું હતું. જ્‍યારે ૨૦૨૩-૨૪માં આ સંખ્‍યા ૨૯ ટકા વધીને ૨૦.૪ લાખ થઈ ગઈ.

કર્ણાટક બીજા સ્‍થાને રહ્યું. આકારણી વર્ષ ૨૦૨૩-૨૪ માટે અહીંથી ૧૪.૩ લાખ મહિલાઓએ રિટર્ન ફાઈલ કર્યું છે. આ આંકડો ૫ વર્ષ પહેલા એટલે કે ૨૦૧૯-૨૦ના ૧૧.૩ લાખ કરતા ૨૬ ટકા વધુ છે.

વર્તમાન ડેટા અનુસાર, ૫ વર્ષમાં રિટર્ન ફાઇલિંગમાં સૌથી વધુ વધારો તેલંગાણાની મહિલાઓમાં જોવા મળ્‍યો હતો. ૫ વર્ષમાં તેમાં ૩૯%નો વધારો થયો છે.

દિલ્‍હીની મહિલાઓ રિટર્ન ભરવામાં ઘણી પાછળ રહી ગઈ છે. મૂલ્‍યાંકન વર્ષ ૨૦૨૩-૨૪ માટે, દેશની રાજધાનીમાંથી ૧૨.૦૮ લાખ મહિલાઓએ ITR ફાઈલ કર્યું હતું. છેલ્લા ૫ વર્ષમાં રિટર્ન ભરવામાં દિલ્‍હીની મહિલાઓની ભાગીદારીમાં માત્ર ૧૧ ટકાનો વધારો થયો છે.