દુબઈ, તા. ૯ :  નિયમોમાં ફેરફાર બાદ દુબઈ જતા ઈન્‍ડિયન ટૂરિસ્‍ટ માટે વિઝા મેળવવું મુશ્‍કેલ બની રહ્યું છે. આવી સ્‍થિતિમાં ભારતીય પ્રવાસીઓની સાથે ટ્રાવેલ એજન્‍ટોને પણ નુકસાન થઈ રહ્યું છે. ટ્રાવેલ એજન્‍ટ્‍સનું કહેવું છે કે વિઝા રિજેક્‍શનની સંખ્‍યામાં અચાનક જ નોંધપાત્ર વધારો થયો છે. નવા નિયમોના કારણે પહેલાથી જ દુબઈ જવાનું પ્‍લાન કરી બેઠેલા યાત્રીઓને પણ વિઝા મેળવવામાં નિષ્‍ફળતા હાથ લાગી રહી છે. આના કારણે મુસાફરોને માત્ર વિઝા ફીમાં જ નુકસાન થતું નથી પરંતુ પ્રી-બુક કરેલી ફ્‌લાઇટ ટિકિટ અને હોટેલ બુકિંગ પર પણ રૂપિયા ગુમાવવા પડે છે.

 ટાઈમ્‍સ ઓફ ઇન્‍ડિયાના રિપોર્ટ અનુસાર, દુબઈના વિઝા મેળવવામાં આ સમસ્‍યા કયારે શરૂ થઈ તે અંગે કોઈ સ્‍પષ્ટ ટાઈમ લાઈન સામે નથી આવી, પરંતુ નવા નિયમો લાગુ થયા બાદ તેમાં ઝડપથી વધારો થયો છે. દુબઈ ટૂરિસ્‍ટ વિઝા માટે જરૂરી દસ્‍તાવેજોમાં હવે હોટેલ બુકિંગ, રિટર્ન ટિકિટ અને રિલેટિવ્‍સ સાથે રહેતા લોકો માટે રહેઠાણનો પુરાવો સામેલ છે. ઘણા ટૂરિસ્‍ટ આ નવા નિયમોથી અજાણ છે અને તેના કારણે તેમના વિઝા રિજેક્‍ટ થઈ રહ્યા છે.

આની પહેલા કયારેય આટલા વિઝા રિજેક્‍ટ થયા નથીઁ

બિહાર ટ્રાવેલ્‍સના ડાયરેક્‍ટર હૃષિકેશ પૂજારીએ કહ્યું છે કે, ઁદુબઈના ટૂરિસ્‍ટ વિઝાની અરજીઓનો અસ્‍વીકાર દર અભૂતપૂર્વ છે, આવું પહેલાં કયારેય બન્‍યું નથી. અગાઉ, લગભગ ૯૯ ટકા દુબઈ વિઝા અરજીઓ મંજૂર કરવામાં આવી હતી. અમે હવે પહેલાથી જ પ્રિપ્‍લાનિંગ કરીને આવેલી ટૂરિસ્‍ટના વિઝા પણ રિજેક્‍ટ થતા જોઈ રહ્યા છીએ. એવા કિસ્‍સાઓ પણ બન્‍યા છે જ્‍યારે તમામ દસ્‍તાવેજો હોવા છતાં વિઝા મળી શકયા નથી. ટ્રાવેલ એડવાઈઝરે કહ્યું કે પરિવારના એક સભ્‍યના વિઝા રિજેક્‍ટ થતાં ૩૫ લોકોના ગ્રુપની દુબઈ ટ્રિપ રદ કરવામાં આવતી હોય છે. આનું કારણ એ છે કે ઘણીવાર ફેમલી સાથે ટૂર પ્‍લાન થતો હોય અને કોઈ એક કે બે લોકોના વિઝા પણ રિજેક્‍ટ થઈ જાય તો આખો પરિવાર જ પછી બીજી વાર ત્‍યાં જવાનું પ્‍લાનિંગ કરતો હોય છે.

એડવાન્‍સ બુકિંગ માથે પડે છે

ઉલ્લેખનીય છે કે દુબઈ જતા પહેલા સસ્‍તી ફ્‌લાઈટ ટિકિટ અને હોટેલ સ્‍ટે માટે ઘણા લોકો ૨ મહિના પહેલાથી જ એટલે ટૂરિસ્‍ટ વિઝા અપ્રૂવ થાય એની પહેલાથી ફ્‌લાઈટ અને હોટેલ બુક કરી દેતા હોય છે. તેવામાં દુબઈના વિઝા રિજેક્‍ટ થવાનો રેટ ઘણો ઓછો હતો પરંતુ નવા નિયમોના કારણે ધડાધડ લોકોના વિઝા રિજેક્‍ટ થઈ રહ્યા છે. આથી કરીને એડવાન્‍સ બુકિંગના રૂપિયા અને ત્‍યાંની હોટેલના બુકિંગના રૂપિયા પણ ટૂરિસ્‍ટને માથે પડે છે. તથા વિઝા એપ્‍લિકેશન ફીના રૂપિયા પણ પાણીમાં જતા રહે છે. આવા અત્‍યારે દિવસના પાંચથી છ વિઝા રિજેક્‍ટ થાય છે અને તમામ લોકોએ એડવાન્‍સ ટ્રિપ પ્‍લાન કરી દીધી હોવાની વાત સામે આવે છે. જેથી કરીને તેમને હજારો રૂપિયાનું નુકસાન ઉઠાવવાની નોબત આવી છે.

તમામ ડોકયુમેન્‍ટ હોવા છતા વિઝા રિજેક્‍ટ

હસમુખ ટ્રાવેલ્‍સના ડાયરેક્‍ટર વિજય ઠક્કરે જણાવ્‍યું હતું કે તેમના બે ક્‍લાયન્‍ટના વિઝા તેઓએ તમામ જરૂરી દસ્‍તાવેજો જમા કરાવ્‍યા હોવા છતાં રિજેક્‍ટ કરવામાં આવ્‍યા હતા. તેમણે કહ્યું, ઁઅમારા બે ક્‍લાયન્‍ટની દુબઈ વિઝા એપ્‍લિકેશનને રિજેક્‍ટ કરી દેવામાં આવી હતી. તે દુબઈમાં તેના સંબંધીઓ સાથે રહેવાના હતા. વિઝા માટે અરજી કરતી વખતે અમે નવા નિયમો મુજબ તમામ ડોકયુમેન્‍ટ સબમિટ કર્યા હતા તેમ છતા તેમની એપ્‍લિકેશન રિજેક્‍ટ થઈ જતા એડવાન્‍સ બુકિંગના બધા રૂપિયા પાણીમાં ગયા હતા.

દરરોજ ૧૦૦માથી ૬ વિઝા રિજેક્‍ટ થાય છે

પાસિયો ટ્રાવેલ્‍સ પ્રાઈવેટ લિમિટેડના ડિરેક્‍ટર નિખિલ કુમારે જણાવ્‍યું હતું કે અગાઉ રિજેક્‍શન રેટ માત્ર ૧-૨ ટકા હતો. આ નવા નિયમો લાગુ થયા પહેલાની વાત હું કરી રહ્યો છું. પરંતુ હવે અમને દરરોજ લગભગ ૧૦૦ અરજીઓમાંથી ઓછામાં ઓછા ૫-૬ વિઝા પર રિજેક્‍શન મળી રહ્યા છે. કન્‍ફર્મ ફ્‌લાઇટ ટિકિટો અને હોટલ બુકિંગ કરી દીધી હોય એવા ટૂરિસ્‍ટના પણ વિઝા છેલ્લી ઘડીએ રિજેક્‍ટ થઈ જાય છે. બીજા એક કિસ્‍સામાં પતિ પત્‍નીએ દુબઈના વિઝા માટે અરજી કરી હતી. જેમાંથી પત્‍નીની અરજી રિજેક્‍ટ થઈ ગઈ હતી જ્‍યારે પતિની અરજી એક્‍સેપ્‍ટ થઈ જતા કપલની આખી ટ્રિપનો પ્‍લાન બગડી ગયો હતો. હવે આ કપલે જ્‍યાં જ્‍યાં ટ્રાવેલ બુકિંગ કરાવેલું અને એડવાન્‍સ પેમેન્‍ટ કરેલું તે બધું નોન રિફંડેબલ હતું એટલે એમાં જે ખર્ચ થયો એ માથે પડી ગયો હતો.

પતિને વિઝા મળ્‍યા પત્‍નીના રિજેક્‍ટ થયા

પૂણેના એક ટ્રાવેલરે ટાઈમ્‍સ ઓફ ઈન્‍ડિયાને જણાવ્‍યું કે તેઓ દુબઈમાં રહેતા રિલેટિવને મળવાનું પ્‍લાનિંગ કરીને બેઠા હતા. જેના માટે એડવાન્‍સમાં ટૂ વે ટિકિટ પણ તેમને બુક કરાવી દીધી હતી. જે નોન રિફંડેબલ હતી અને એમાં કૂલ બે લોકોના મળીને ૫૦ હજાર રૂપિયા ખર્ચ થઈ ગયા હતા. જોકે ત્‍યાં રેલેટિવ રહેતા હોવા છતાં અને શ્‍ખ્‍ચ્‍માં અગાઉ પણ ટ્રાવેલ હિસ્‍ટ્રી હોવા છતા એમના વિઝા રિજેક્‍ટ થઈ ગયા હતા. આનાથી તેમને સીધો ૫૦ હજારનો ફટકો પડ્‍ય હતો. નિષ્‍ણાતો એ કહ્યું કે જો વિઝા નિયમો આટલા જ સ્‍ટ્રિક્‍ટ રહ્યા તો દુબઈ એક ટૂરિસ્‍ટ પ્‍લેસ તરીકે ફેમસ હતો તે ધીમે ધીમે લોકોની ફેવરિટ ડેસ્‍ટિનેશન લિસ્‍ટમાંથી ગાયબ થઈ જશે.