તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ટ્રમ્પનાં ડર - મોદીનાં ભયથી ચીન ફફડી ઉઠયું
અબ આયા ઉંટ પહાડ કે નીચે ચીને ૧૪ વર્ષ બાદ પ્રથમ વખત પોતાના નીતિગત વલણમાં ફેરફાર કર્યો : ૨૦૨૫ માં તેની અર્થવ્યવસ્થાને વધુ મજબૂત કરવા માટે ‘સાધારણ ઢીલી' નીતિ અપનાવવાનું નક્કી કર્યુ
નવી દિલ્હી, તા.૯: ચીને ૧૪ વર્ષ બાદ પ્રથમ વખત પોતાના નીતિગત વલણમાં ફેરફાર કર્યો છે. વૈશ્વિક બજારો માટે આ મોટા સમાચાર છે. ૨૦૨૫ માં તેની અર્થવ્યવસ્થાને વધુ મજબૂત કરવા માટે, ચીને ‘સાધારણ ઢીલી' નીતિ અપનાવવાનું નક્કી કર્યું છે. આ ફેરફારનો હેતુ વેપાર તણાવ અને સંભવિત પડકારોનો સામનો કરવાનો છે, ખાસ કરીને ડોનાલ્ડ ટ્રમ્પના યુએસમાં સંભવિત વળતરને ધ્યાનમાં રાખીને. આ સિવાય મેન્યુફેક્ચરિંગ મામલે ભારત સાથેની સ્પર્ધાને પણ એક કારણ માનવામાં આવી રહ્યું છે.
પોલિટબ્યુરોએ જણાવ્યું હતું કે આ પગલાનો હેતુ રિયલ એસ્ટેટ અને ઇક્વિટી માર્કેટમાં સ્થિરતા લાવવાનો છે. આ ઉપરાંત, તેનો મુખ્ય ઉદ્દેશ્ય અનપેક્ષિત ચક્રીય ગોઠવણને મજબૂત કરવાનો પણ છે. અગાઉ, ચીનની નાણાકીય નીતિ ‘સાવધ' અભિગમ સાથે હાથ ધરવામાં આવી રહી હતી. પોલિટબ્યુરોએ પણ ભાર મૂકયો હતો કે નીતિ નિર્માણમાં ‘તમામ સાધનો'નો વધુ સારો ઉપયોગ કરવો પડશે. તેમાં સ્થાનિક માંગમાં વધારો, વિદેશી રોકાણને સ્થિર રાખવું અને વિદેશી વેપારમાં સુધારો કરવાનો સમાવેશ થાય છે.
આ નિર્ણય કેમ લેવામાં આવ્યો? : છેલ્લી વખત ચીને ૨૦૦૮ની વૈશ્વિક નાણાકીય મંદી પછી ‘સાધારણ રીતે અનુકૂળ' નાણાકીય નીતિ અપનાવી હતી. વર્તમાન નિર્ણય અમેરિકન વેપાર યુદ્ધ અને સ્થાનિક બજારમાં પડકારોને ધ્યાનમાં રાખીને લેવામાં આવ્યો છે. આ સિવાય ડોનાલ્ડ ટ્રમ્પની આવતા મહિને રાષ્ટ્રપતિ પદ પર પાછા ફરવાની તૈયારી અને ચીનની નિકાસ પર નવા ટેરિફની તેમની ધમકી પણ આ નિર્ણયનું કારણ હોઈ શકે છે.
પોલિટબ્યુરોએ કહ્યું કે ઘરેલું વપરાશ વધારવા માટે નક્કર પગલાં લેવામાં આવે તે જરૂરી છે. પોલિટબ્યુરોએ જણાવ્યું હતું કે, આપણે વપરાશ વધારવાની, રોકાણની કાર્યક્ષમતામાં સુધારો કરવાની અને તમામ દિશામાં સ્થાનિક માંગને વિસ્તળત કરવાની જરૂર છે.
આ નીતિ પરિવર્તન સાથે ચીને સ્પષ્ટ કર્યું છે કે તે વૈશ્વિક રોકાણ માટે તેના બજારને વધુ આકર્ષક બનાવવા માંગે છે. વિદેશી વેપારને સ્થિર રાખવાની સાથે આ નીતિમાં વિદેશી રોકાણને પ્રોત્સાહન આપવાનો પણ સમાવેશ થાય છે. આ જાહેરાત પછી ચીનનો CSI ૩૦૦ ઈન્ડેક્સ ૦.૧૭% ના મામૂલી ઘટાડા સાથે બંધ થયો. જોકે, આ નિર્ણયની વૈશ્વિક કોમોડિટી બજારો પર શું અસર થશે તે જોવું રહ્યું.
આર્થિક નીતિઓની સાથે, પોલિટબ્યુરોએ ભ્રષ્ટાચાર પર નિયંત્રણ અને પારદર્શિતા વધારવા પર પણ ભાર મૂકયો હતો. આપણે ભ્રષ્ટાચાર અને બિનઆરોગ્યપ્રદ પ્રથાઓની તપાસ કરવા અને તેને સંબોધવા માટેની પદ્ધતિઓમાં સુધારો કરવો જોઈએ, નિવેદનમાં કહેવામાં આવ્યું છે.
આ નવી જાહેરાત ચીનની આર્થિક પ્રાથમિકતાઓ અને વૈશ્વિક રોકાણકારોને હકારાત્મક સંકેત આપે છે. ચીન દ્વારા જાહેર કરવામાં આવેલી નવી નીતિનો અર્થ એ છે કે કેન્દ્રીય બેંક નાણાકીય બજારોમાં વધુ પ્રવાહિતા પ્રદાન કરશે.
વધુ લિક્વિડિટીનો લાભ ઘણી રીતે મેળવી શકાય છે. આ પગલાથી ચીન પોતાના દેશમાં લોન અને રોકાણને પ્રોત્સાહિત કરવા માંગે છે, સ્થાનિક માંગ વધારવા માંગે છે અને બિઝનેસ ડેવલપમેન્ટને વેગ આપવા માંગે છે.
તાજેતરના વર્ષોમાં ચીનની આર્થિક વળદ્ધિ ધીમી પડી છે. આ નવી નીતિથી વિકાસને વેગ આપવાનો પ્રયાસ કરવામાં આવી રહ્યો છે. આ નવી નીતિ રોકાણકારો માટે સંકેત છે કે ચીન તેની અર્થવ્યવસ્થાને સ્થિર રાખવા માટે પ્રતિબદ્ધ છે અને આ માટે તમામ શકય પ્રયાસો કરી રહ્યું છે.
નિકાસ અને રોકાણને લઈને ભારત અને ચીન વચ્ચે પહેલેથી જ સ્પર્ધા છે. ભારત ચીન પાસેથી વ્યાપાર છીનવીને અહીં લાવવાનો -યાસ કરી રહ્યું છે. એપલ અને ફોક્સકોન જેવી કેટલીક કંપનીઓ ચીનથી દૂર થઈને ભારત તરફ વળી છે. આવી સ્થિતિમાં ચીનની નવી નીતિ આ સ્પર્ધાને વધુ વધારી શકે છે. ચીનની નવી નીતિ તેની ઉત્પાદકતા અને કિંમતો પર અસર કરશે, જેના કારણે ભારતે પણ તેની બિઝનેસ સ્ટ્રેટેજી બદલવી પડી શકે છે. જો રોકાણકારો ચીનમાં ઉપલબ્ધ તકો પર વિશેષ ધ્યાન આપે તો ભારતે તેને વધુ આકર્ષક બનાવવા માટે તેની નીતિઓમાં ફેરફાર કરવાની જરૂર પડશે.
ચીનની સત્તાવાર સમાચાર એજન્સી સિન્હુઆએ અહેવાલ આપ્યો છે કે દેશ ૨૦૨૫ માં તેની ઉધાર અને રાજકોષીય ખાધ વધારવાની યોજના બનાવી રહ્યું છે.
(4:34 PM IST)
છેલ્લા 8 દિવસમાં સૌથી લોકપ્રિય 
