નવી દિલ્‍હી, તા.૧૦: નીતિન ગડકરીએ હમણાં જ દિલ્‍હી વિશે કહ્‍યું હતું કે મારે જ્‍યારે પણ દિલ્‍હી જવાનું થાય ત્‍યારે હું વિચારતો હોઉં છું કે જાઉં કે ન જાઉં, ઇતના ભયંકર પૉલ્‍યુશન હૈ. દિલ્‍હીમાં ભયંકર વાયુ-પ્રદૂષણ છે. લોકો ઘરમાં બેઠાં-બેઠાં પણ ઝેરી હવા શ્વાસમાં ભરી રહ્‍યા છે. વાયુ-પ્રદૂષણની આટલી ખરાબ સ્‍થિતિ હોવા છતાં દિલ્‍હી વર્ષ ૨૦૨૪નાં ટૉપ-૧૦૦ આકર્ષક શહેરમાં સ્‍થાન પામ્‍યું છે. દિલ્‍હી ૭૪મા ક્રમે છે. વિશ્વનાં સૌથી આકર્ષક શહેરોની યાદીમાં પહેલા ક્રમે સતત ચોથી વાર ફ્રાન્‍સનું પૅરિસ આવ્‍યું છે. એ પછી સ્‍પેનનું મેડ્રિડ અને જપાનનું ટોકયો આવે છે. પૅરિસમાં ૧.૭૦ કરોડ પ્રવાસી આવ્‍યા હતા એટલે એને પહેલા નંબર મળ્‍યો હોવાનું રિપોર્ટમાં લખ્‍યું છે.

 લંડનની ડેટા ઍનૅલિટિક્‍સ કંપની યુરોમૉનિટર ઇન્‍ટરનૅશનલે આ સર્વે કર્યો હતો. ઇકૉનૉમિક્‍સ અને બિઝનેસ પર્ફોર્મન્‍સ, ટૂરિઝમ પર્ફોર્મન્‍સ, ટૂરિઝમ ઇન્‍ફાસ્‍ટ્રક્‍ચર પર્ફોર્મન્‍સ, ટૂરિઝમ પૉલિસી અને ઍટ્રૅક્‍ટિવનેસ, હેલ્‍થ અને સિકયૉરિટી તથા સ્‍ટેબિલિટી એમ મુખ્‍ય છ બાબતોના આધારે ૧૦૦ શહેરની યાદી તૈયાર કરવામાં આવી હતી. આ યાદીમાં યુરોપનાં ન હોય એવાં શહેરોની સંખ્‍યા વધી છે.

 રિપોર્ટ પ્રમાણે સૌથી વધુ શહેરોના ક્રમમાં યુરોપ પહેલો દેશ છે. શરૂઆતના ૨૦ રૅક્રિંગમાં ૯ શહેર યુરોપનાં છે. એ પછી છ શહેર એશિયા-પૅસિફિકનાં છે. નૉર્થ અમેરિકા અને ઑસ્‍ટ્રેલિયાનાં બે-બે શહેર છે, જ્‍યારે મધ્‍ય પૂર્વ અને આફ્રિકાનું ૧-૧ શહેર છે. ટૉપ-૧૦૦નાં ટૉપ-૧૦માં ટોકયો પછી રોમ, મિલાન, ન્‍યુ યૉર્ક, ઍમ્‍સ્‍ટરડૅમ, સિડની, સિંગાપોર અને બાર્સેલોના છે.(