નવી દિલ્‍હી, તા.૧૦: વિપક્ષને મુદ્દા ઉઠાવવાની માંગ કરતા ગળહમાં ભારે હોબાળો થયો હતો. આ દરમિયાન શાસક પક્ષે પણ વિપક્ષ પર જોરદાર નિશાન સાધ્‍યું હતું. કેન્‍દ્રીય પ્રધાન કિરેન રિજિજુએ કહ્‍યું કે રાહુલ ગાંધીને નાટક રચવામાં અને વડા પ્રધાનને અપશબ્‍દો બોલવામાં આનંદ આવે છે, પરંતુ અન્‍ય સાંસદોની જવાબદારી લોકો પ્રત્‍યે છે જેમણે તેમને ચૂંટયા છે. તેણે માત્ર અહીં ડ્રામા રચવાનું છે અને પછી તેની રજાઓ માણવા વિદેશ જવાનું છે.

બીજી પોસ્‍ટમાં રિજિજુએ સંસદની બહાર રાહુલ ગાંધીના વિરોધનો એક વીડિયો પોસ્‍ટ કર્યો અને કહ્‍યું કે કોંગ્રેસના નેતાને લોકોની સમસ્‍યાઓની પરવા નથી કારણ કે તેમની પાસે ગુમાવવા માટે કંઈ નથી.

વિપક્ષી સાંસદોએ તેમના મુદ્દા ઉઠાવવાની માંગ કરી હોવાને કારણે શરૂ થયેલી લોકસભાની કાર્યવાહી આવતીકાલ સુધી સ્‍થગિત કરવામાં આવી હતી. બીજી તરફ વિવિધ મુદ્દે શાસક અને વિપક્ષના સાંસદો વચ્‍ચેના હોબાળાને કારણે રાજ્‍યસભાની કાર્યવાહી આવતીકાલે બપોર સુધી સ્‍થગિત કરવામાં આવી હતી.